Zhvillimet e fundit në skenën politike shqiptare në Maqedonia e Veriut sinjalizojnë një rikonfigurim të ri brenda spektrit opozitar.

Sipas TV Gurra, në sipërfaqe së shpejti do dal subjekt i ri politik me në krye Fatmir Limanin, ministrin aktual të punëve sociale, rinisë dhe demografisë.

Partia e re do mbaj emrin “LE – Lidhja Europiane”, që siç thuhet synon të ofrojë një alternativë të re me orientim euro-integrues, reforma të brendshme dhe përfaqësim më dinamik politik.

Sipas burimeve, këto zhvillime pasojnë pas përplasjeve të fundit në Lëvizjes BESA.

Në vendet e rajonit, besimtarët myslimanë u mblodhën në xhami për të falur namazin e parë të teravisë me rastin e fillimit të muajit të shenjtë të Ramazanit, raporton Anadolu.

Në shumë qytete u regjistrua pjesëmarrje e madhe e besimtarëve, të cilët mbushën xhamitë, ndërsa në disa vende u fal edhe në oborre e hapësira përreth, pavarësisht motit të ftohtë.

Në kryeqytetin e Maqedonisë së Veriut, Shkup, besimtarë të shumtë u dyndën për të falur namazin e teravisë në Xhaminë e Shkupit, e ndërtuar nga Fondacioni i Çështjeve Fetare të Turqisë (TDV). Xhamia, e cila hapi dyert për teravinë e parë, priti mijëra besimtarë, ndërsa shumë prej tyre u rreshtuan edhe jashtë saj.

Në kryeqytetin e Shqipërisë, Tiranë, shumë besimtarët falën namazin e teravisë në Xhaminë e Namazgjasë, e ndërtuar nga Turqia dhe e hapur më 10 tetor 2024 me pjesëmarrjen e presidentit Recep Tayyip Erdogan. Përveç Namazgjasë, besimtarët u dyndën edhe në xhamitë e tjera të vendit.

Në xhamitë e Kosovës po ashtu u fal namazi i teravisë së parë me prani të një numri të madh të besimtarëve. Xhamia e Madhe në Prishtinë, “Sulltan Mehmet Fatih”, u mbush nga besimtarë të shumtë të cilët erdhën enkas të falin namazin e jacisë dhe teravisë.

Advertisement

Në kryeqytetin e Bosnjë e Hercegovinës, Sarajevë, besimtarët myslimanë u mblodhën për teravinë e parë të Ramazanit në xhamitë e qytetit, në radhë të parë në xhaminë historike Gazi Husrev-beg.

Në kryeqytetin e Serbisë, Beograd, namazi i teravisë u fal në Xhaminë Bajrakli, e vetmja xhami në qytet, ndërsa besimtarët u mblodhën gjithashtu edhe në xhamitë e rajonit të Sanxhakut, ku jeton kryesisht popullsi boshnjake.

Në Mal të Zi dhe Kroaci, besimtarët myslimanë gjithashtu mbushën xhamitë për namazin e parë të teravisë, duke shënuar fillimin e muajit të shenjtë të Ramazanit.

Tre oficerë policie u plagosën në një aksident trafiku që ndodhi në qytetin Skrbushë në Mal të Zi, në rrugën Mateshevo-Kolashin, ndërsa po shoqëronin kryeministrin malazez Milojko Spajiç.

Policia konfirmoi se kryeministri, si person i mbrojtur, nuk ndodhej në automjetin e përfshirë në aksident, por në një makinë tjetër eskorte.

Sipas raportimeve të medias, oficerët e policisë pësuan lëndime të rënda, por jo kërcënuese për jetën. Pas aksidentit, ata u transportuan në Qendrën Klinike të Malit të Zi, ku morën ndihmë mjekësore.

Aksidenti ndodhi rreth orës 16:30. Mjeti tjetër, një BMW me targa të huaja, mbante në bord një shtetas ukrainas 21-vjeçar me inicialet VS.

Sipas informacioneve të para nga policia, dyshohet se drejtuesi i BMW-së, duke lëvizur përgjatë rrugës rajonale R-13 nga drejtimi i Podgoricës drejt Kolashinit, në pjesën ku ndalohet tejkalimi për shkak të vijës së plotë, për arsye të panjohura ka kaluar në korsinë e kundërt të trafikut dhe me pjesën e përparme të automjetit ka goditur Mercedesin zyrtar të shoqëruesit të Kryeministrit, i cili po vinte nga drejtimi i kundërt.

Advertisement

Mjeti i parë nga shoqëruesit e Kryeministrit, i drejtuar nga oficeri i policisë MK , u përfshi në aksident, dhe në makinë ndodheshin dy policë të tjerë. Të tre u plagosën dhe u trajtuan në spital.