Java e 24 në Ligën e dytë të futbollit nxori në sipërfaqe se katër ekipet e para Bregallnica, Ohri, Skopje dhe Shkëndija e Haraçinës mbeten kandidat për tre vendet e para. Shkëndija e Haraçinës ka dyshon për prapaskena në ligë të dytë duke drejtuar akuza ndaj arbitrit Fatmir Bafto për ndeshjen e fundit në Koçanë.

Është ndezur gara në Ligën e Dytë në “betejën” për promovim në elitën e futbollit. Katër ekipe janë në garë për një vend që çon në Ligën e Parë dhe dy të tjerat në balotazh.

“Betejat” do të zhvillohen midis Bregallnicës, Ohrit, Skopjes dhe Shkëndisë së Haraçinës.

Kjo e fundit në javën e 24-të fitoi vetëm një pikë në Koçanë, por kanë ngritur shqetësime për referimin e arbitrit Fatmir Bafto. Shkëndija e Haraçinës, përmes një reagimi zyrtar, madje parashtron dilemën se si të vazhdohet, siç thonë, pas kësaj kërdie në Koçanë?

Si është e mundur që fati i sezonit për një ekip të varet nga një individ? A ka kuptim të luhet në këtë ligë kur renditjen e përcakton referimi? Nëse në një kohë tjetër ky dëmtim i qëllimshëm i ekipeve “të padëgjueshme” ishte normal, si ta pranojmë sot si dukuri normale, kur çdo ndeshje xhirohet dhe shihet nga mijëra njerëz?

Advertisement

Kërkojmë nga Federata e Futbollit të analizojë referimin e Fatmir Baftos dhe përfundimin le ta sjellë vetë. Sa i përket klubit tonë… e dini që Shkëndija nuk e di çka është dorëzimi. Betejat i kemi qejf dhe zakonisht nuk humbim.” – thuhet në reagimin e klubit nga Haraçina, të shoqëruar edhe me video-material të momenteve kontestuese të ndeshjes së fundit.

 Pas kompletimit të xhiros së 24-të tabelën e kryeson Bregallnica me 55 pikë e ndjekur nga Ohri, Skopje dhe Shkëndija e Haraçinës që kanë nga 53 pikë.

 Rezultatet e javës së 24-të: Pobeda – Bellasica  0-5. Teteksi – Prespa 2-0, Bregalnica – Golemo Konjari 6-1, Novaci – Skopje  0-1, Kozhufi – Slloga 5-2, Kamenica   Sasa  – Ohri  1-1, Vardari – Detonit Plaçkovica 0-3 dhe Osogova  Shkëndija  (H) 1-1

Përfaqësuesja e Maqedonisë së Veriut në futsal siguroi një vend në raundin kryesor të kualifikimeve për Kupën e Botës 2028, në mini turneun para kualifikuese  në Lituani, duke dalë fitues të grupit “C” me tre fitore nga po aq ndeshje të zhvilluara  Në  Grupin  C   krahas  Maqedonisë së Veriut ishin edhe  Lituania, Turqia dhe Bullgaria.

Përfaqësuesja e Maqedonisë së Veriut  regjistroi 3 fitore në 3 ndeshje, duke konfirmuar rolin e favoritit dhe cilësinë e turneut. Në raundin e fundit, Maqedonia mundi Lituaninë me rezultat minimal prej 1:0, ndërsa më parë mundi Turqinë6 -3   dhe Bullgarinë 4-2 duke e rrumbullakosur kështu performancën e saj me nëntë pikë të fituara. Përveç Maqedonisë, një vend për në fazën kryesore të kualifikimeve , siguroi edhe Lituania, kjo falë vetëm gol-averazhit më të mirë se Turqia, që sot mundi Bullgarinë me shifrat 7:3.   

 Kombëtarja e Shqipërisë që garon në Grupin  E, gjithashtu ka siguruar kualifikim në raundin kryesor . Kombëtarja shqiptare e Futsalit e ka mbyllur në vendin e dytë raundin para eliminator të Grupit E të Kupës së Botës së Futsallit, duke siguruar kualifikimin për në raundin kryesor të këtij kompeticioni..

Përfaqësuesja e Kosovës në futsall e ka fituar Grupin D të para kualifikimeve për Botërorin 2028 në futbollin e sallës. Kosava nga tre  ndeshjet e zhvilluara shënoi  dy fitore dhe një barazim dhe fal gal averazhit më të mirë doli e para në grup me 7 pikë aq sa kishte edhe Mali i Zi, dy këto përfaqësuese kualifikohen në raundin kryesor të kualifikimeve për Botërorin 2028

Në fazën kryesore do të marrin pjesë 36 skuadra të ndara në 12 grupe me nga tre ekipe, ku ndeshjet do të luhen me sistem vajtje-ardhje.

Advertisement

Kampionati  Botëror i futbollit që fillon më 11 qershor në SHBA , Kanada  dhe Meksikë. Në qendër të vëmendjes është rritja e çmimeve të biletave sidomos ato të klasit të parë që arrijnë deri 4.105 dollarë.

Festivali i Futbollit botëror që do të zhvillohet në SHBA, Kanada dhe Meksikë, përballet me shqetësime për çmimin e lartë të biletave.

 FIFA thuhet se ka bërë një përditësim. Sipas Associated Press është shtuar një kategori tjetër biletash (më ekskluzive dhe, mbi të gjitha, më të shtrenjta), duke rritur koston e ndjekjes së ndeshjeve drejtpërdrejt me shifra marramendëse.

“Bomba” vjen me ndeshjen hapëse të Shteteve të Bashkuara kundër Paraguait më 12 qershor në Ingëllvud.

Vetëm pak ditë më parë, çmimi maksimal për një biletë të klasit të parë mund të arrinte në 2,735 dollarë, por tani FIFA ka shkuar një hap më tej duke prezantuar biletat “e rreshtit të parë”, duke ofruar vende vërtet premium që arrijnë deri në 4.105 dollarë, pak mbi 3.500 euro.

Advertisement

Shikimi i ndeshjes nga afër nuk ka qenë kurrë kaq i shtrenjtë në asnjë Kampionat Botëror.