Klubi i futbollit “Kamjani” nga dita e djeshmi zyrtarisht nisi përgatitjet për sezonin e ri në Ligën e dytë të futbollit. Ekipi do të drejtohet nga trajneri Burhan Emurllai me ndihmësit Bekim Ziberi dhe Sulejman  Ibishi dhe me shumë përforcime. Të gjitha fazat përgatitore dhe ndeshjet kontrolluese do të zhvillohen në stadiumin e Kamjanit.

 KF “Kamjani” në kampionatin 2026/2027 do të garojë në Ligën e Dytë të futbollit  vendor, kurse nga dita e djeshme nisi përgatitjet intensive nën drejtimin e shefit  të ri të stafit teknik Burhan  Emurllai  I  cili do ta  drejtojë  ekipin së bashku me ndihmësin e tij Bekim Ziberin dhe trajnerin e portierëve Sulejman  Ibishin.

Në grumbullimin e parë të pranishëm ishin edhe drejtuesit e klubit, ku futbollistët u njoftuan me itinerarin e përgatitjeve kurse më pas nisën edhe seancat stërvitore.

Trajneri  Emurllai për TV Koha tha se të gjitha fazat përgatitore do të zhvillohen në stadiumin e Kamjanit ku ka kushte adekuate për të arritur objektivat.

“Qëllimet  janë të përfaqësohemi sa më denjësisht në Ligën e dytë dhe të ndërtojmë një ekip të re, një ekip  që do të kënaq  futbollin e Pollogut. Kemi mjaft kualitet, mjaft djem të talentuar në ekip . Mbetet që të përgatitemi mirë, kemi planifikuar 4-5 ndeshje kontrolluese, që do të  filtrojnë disa  gjëra  rreth ekipit  që të  hymë në kampionat  sa më të përgatitur dhe me  a më pak pikëpyetje . Pikë së pari  ju dëshiroj futbollistëve  atyre që janë të rinj  mirëseardhje në ekip dhe sa më shumë shëndet  dhe shumë punë”  deklaroi  trajneri  Burhan Emurllai

Advertisement

KF “Kamjani” në merkaton e kësaj vere deri tani ka sjellë disa përforcime por  ditëve në vijim pritet të vijnë  edhe dy-tre prurje tjera. Njëri nga  prurjet më me  përvojë  është Arsim Lamallari.

“Prej sot fillojmë përgatitjet me Kamjanin, jemi ekip e re në Ligën e dytë të inkuadruar sivjet. E kemi shpresën të shkojë gjithçka siç është më mire. Klubi ka ambicie të mira, por realisht qëllimi është mbijetesa  në Ligën e  dytë, por nëse  na jepet mundësia të shkojmë më lartë, do shkojmë pse  jo” deklaroi futbollisti Arsim Lamallari.

Futbollisti Huzri Xhemaili, i cili ishte pjesë e ekipit që shënoi suksesin historik, uroi që të mos ketë lëndime në mesin e futbollistëve, të sigurohet mbijetesa në Ligën e Dytë, por nëse jepet mundësia, të shfrytëzohet cdo shans për objektivat e skuadrës.

HUZRI XHEMAILI – Futbollist

“Sëpari  uroj  të  gjithë  futbollistët që të mos kenë lëndime dhe në bazë të  afrimeve, transfereve së pari  ta luftojmë mbijetesën. Por, rrugës nëse del ma mire, do ta  luftojmë” deklaroi futbollisti  Huzri Xhemaili

Advertisement

KF Kamjani  ndeshjet kampionale do  t`i  zhvillojë në stadiumin e tyre ku ka  kushte që të luajnë edhe me drita të reflektorëve.

Kampionati Botëror në SHBA ka marrë një njollë serioze dhe të errët. Sulmuesi i SHBA-së, Folarin Balogun, i cili u ndëshkua me karton të kuq direkt, megjithatë do të jetë në dispozicion për ndeshjen e 1/8 së finales kundër Belgjikës, pasi FIFA vendosi ta pezullojë dënimin e tij prej një ndeshjeje. Ky vendim i pazakontë dhe tronditës ka ngritur shumë polemika dhe ka hapur pyetje serioze mbi integritetin e futbollit modern.

Kujtojmë se 25-vjeçari Balogun u ndëshkua me karton të kuq direkt në ndeshjen kundër Bosnjë e Hercegovinës për një ndërhyrje ndaj mbrojtësit Tarik Muharemoviq. Sipas nenit 10.5 të rregullores së FIFA-s për turneun, një karton i tillë sjell automatikisht pezullim prej një ndeshjeje.

FIFA devijoi nga praktika e saj duke u thirrur në nenin 27 të Kodit Disiplinor, duke vendosur që dënimi të pezullohet me kusht për një periudhë prej një viti.

Sikur kjo të mos mjaftonte, menjëherë pas publikimit të vendimit reagoi edhe presidenti amerikan Donald Trump. Përmes rrjetit të tij social “Truth Social”, ai falënderoi FIFA-n duke shkruar: “Faleminderit FIFA-s që bëri atë që ishte e drejtë dhe korrigjoi një padrejtësi të madhe!”

Reagimi nga Belgjika ishte i ashpër dhe i pritshëm. Federata Mbretërore Belge e Futbollit (RBFA) publikoi një komunikatë zyrtare, ku shprehet se është “e habitur” nga vendimi dhe thekson se ai është në “kundërshtim të drejtpërdrejtë” me rregullat e garës, të cilat u ishin konfirmuar në mënyrë të qartë të gjitha federatave pjesëmarrëse që në muajin maj. Federata belge njoftoi se po shqyrton të gjitha mundësitë ligjore për të mbrojtur parimin e lojës së ndershme.

Advertisement

Me një përballje spektakolare Anglia arriti të sigurojë kualifikimin në çerekfinale  pas fitores 3-2 Meksikës. Pas një vonese prej një ore, 15 minutat e para u zhvilluan me shumë tension dhe në një atmosferë elektrizuese në kryeqytetin meksikan.

Në këtë  ndeshje  shkëlqeu ylli anglez Jude Bellingham i cili realizoi 2 gola si dhe  Harry Kane me një  gol nga  pika e bardhë, ndërsa për Meksikën shënuan Kinjones dhe Jiménez nga penaltia.

Në çerekfinale, Anglia do të përballet me Norvegjinë të shtunën në “Miami Stadium”, duke vazhduar ëndrrën për t’i dhënë fund pritjes 60-vjeçare për një trofe madhor.

Norvegjia shkakton surprizën më të madhe të Kupës së Botës 2026, duke eliminuar Brazilin me rezultatin 2-1. Heroi absolut i sfidës në Nju Xhersi ishte Erling Haaland, i cili në pjesën e dytë realizoi dy golat dhe dërgoi skandinavët për herë të parë në çerekfinalet e një Botërori. Golin e nderit për Brazilin e realizoi Neymar nga penaltia. Në pjesën e parë, Bruno Gimaraesh nuk arriti të realizoi një penalti për Brazilin.

Kualifikim në çerekfinale ka siguruar edhe Maroku që triumfoi 3-0 kundër Kanadasë. Në çerekfinale më 9 korrik Maroku do të përballet me Francën e cila   falë  golit të Mbappes nga penaltia siguroi kualifikim në çerekfinale .

Advertisement

Kujtojmë  se deri ditën e sotme listën e golashënuesve e  kryesojnë  Messi, Mbappe dhe Haland me nga 7  gola të regjistruar.

Faza e  1/8  së vazhdon me ndeshjet  që  do të  zhvillohen  sonte  në orët e vona  të natës  dhe nesër mbrëma ku  do të përballen:  Portugalia – Spanja, SHBA – Belgjika, Argjentina – Egjipti  dhe Zvicra – Kolumbia.