Lajme nga vendi
Kronika e zezë – Tetovë dhe Gostivar, 06 Korrik
Pas mesnate në ora 00:30 në fshatin Leunovë, zyrtarë policorë nga DPB Gostivar kanë privuar nga liria një 27-vjeçar nga fshati Shipkovicë e Tetovës, pasi gjatë kontrollit ndaj tij është gjetur një lëndë pluhur me ngjyrë të bardhë. Ai është ndaluar në stacionin policor dhe pas dokumentimit të rastit, ndaj tij do të ngrihet parashtresa përkatëse.
……Dje në ora 17:45, në rrethrrotullimin midis bulvardit “Ilinden” dhe “Iliria” në Tetovë, zyrtarë policorë nga Stacioni Policor për Sigurinë në Trafikun Rrugor Tetovë kanë privuar nga liria një 28-vjeçar nga fshati Bogovinë. Ai, duke drejtuar një moped me targa të Shkupit pa leje drejtimi, ka qenë pjesëmarrës në një aksident komunikacioni. Për ngjarjen është njoftuar prokurori publik, me udhëzimet e të cilit mopedi është konfiskuar, ndërsa ndaj personit do të ngrihet parashtresa përkatëse.
…..Dje në ora 18:50, në SPB Tetovë, një burrë 28-vjeçar nga një fshat i Gostivarit ka raportuar se rreth orës 06:00 është sulmuar fizikisht nga gjyshja e tij. Po ndërmerren masa për zbardhjen e rastit.
…..Dje në ora 20:45 në SP Gostivar, një 43-vjeçar nga Gostivari ka raportuar se rreth orës 19:00 në rrugën “Vëllezërit Gjinovski”, para një objekti hotelerik, është sulmuar fizikisht nga një person. Po ndërmerren masa për zbardhjen e ngjarjes.
……Dje në ora 21:00 në DPB Gostivar, një grua 28-vjeçare nga një fshat i Gostivarit ka raportuar se bashkëshorti i saj rreth orës 18:45 në shtëpinë e tyre, i ka sulmuar fizikisht dhe me një send të fortë atë dhe djalin e tyre 10-vjeçar. Po ndërmerren masa për zbardhjen e rastit.
……Dje në ora 23:10, në DPB Gostivar është raportuar se në lagjen Mllaki në Gostivar ka ndodhur një aksident komunikacioni midis automjetit të udhëtarëve “Citroen Berlingo” me targa të Gostivarit, i drejtuar nga një 59-vjeçar nga Gostivari, dhe automjetit të udhëtarëve “Seat Leon” me targa të Shkupit, i drejtuar nga një 70-vjeçar nga Gostivari. Me këtë rast, lëndime të rënda trupore kanë pësuar dy shoferët si dhe tre bashkëudhëtarë, të cilët janë transferuar në Kompleksin e Klinikave “Nënë Tereza” në Shkup. Këqyrjen e vendit të ngjarjes e ka kryer një ekip nga DPB Gostivar.
……. Sot në mëngjes rreth orës 02:10, gjatë asistencës së zyrtarëve policorë nga SP Gostivar në Qendrën Urgjente në Qendrën Mjekësore Gostivar, një qytetare nga Kërçova ka filluar të sillet në mënyrë të pahijshme dhe agresive, duke bërtitur dhe duke hedhur sende, me ç’rast ka sulmuar fizikisht edhe një zyrtar policor. Ajo është privuar nga liria dhe është ndaluar në stacionin policor për procedurë të mëtejshme, pas së cilës do të vijojë parashtresa përkatëse.
Barnat antikoagulante apo kundër mpiksjes së gjakut, Enoxaparin, Nadroparin dhe Rivaroxaban tashmë janë të disponueshme në farmaci, duke u mundësuar pacientëve qasje më të lehtë në terapi dhe kosto dukshëm më të ulëta, njoftoi drejtori i Fondit të Sigurimit Shëndetësor të Maqedonisë, Sasho Klekovski.
Sipas tij, barnat Enoxaparin dhe Nadroparin, të cilat deri më tani siguroheshin përmes rimbursimit, tani mund të tërhiqen drejtpërdrejt në farmaci me recetë të lëshuar nga mjeku specialist.
Pjesëmarrja e pacientëve për këto barna do të variojë nga 160 deri në 240 denarë, varësisht nga doza dhe paketimi, në vend të çmimit të deritanishëm prej 1.160 deri në 2.700 denarë.
Një nga markat do të jetë i disponueshëm pa pagesë shtesë, ndërsa për dy markat e tjera do të ketë bashkëpagesë.
Klekovski theksoi se, me kërkesë të qytetarëve, Fondi i Sigurimit Shëndetësor do të vazhdojë rimbursimin e këtyre dy barnave gjatë një periudhe kalimtare, deri më 15 korrik 2026.
Njëkohësisht, Rivaroxaban për herë të parë është përfshirë në listën pozitive të barnave. Për paketimin më të përdorur prej 30 tabletash nga 10 miligramë, i cili deri më tani kushtonte 2.228 denarë, pacientët tani do të paguajnë 160 denarë pjesëmarrje dhe 315 denarë bashkëpagesë, ose gjithsej 475 denarë.
Kjo nënkupton një kursim prej 1.752 denarësh.
Nga 1 janari 2027, Rivaroxaban do të jetë i disponueshëm vetëm me pjesëmarrje, pa bashkëpagesë shtesë.
Sipas Klekovskit, ulja e çmimit referues do të sjellë kursime jo vetëm për pacientët, por edhe për Fondin e Sigurimit Shëndetësor, ndërsa ai paralajmëroi edhe zgjerimin e mëtejshëm të listës pozitive të barnave.
Çdo barnatore duhet të ketë ilaçet që janë në listën pozitive dhe që lëshohen me recetë, theksoi sot drejtori i përgjithshëm i Fondit për Sigurime Shëndetësore, Sasho Klekovski.
Ai u bëri thirrje qytetarëve që të denoncojnë në Fond, përmes email-it informativ ose formularit të informacionit, nëse një barnatore refuzon të japë një ilaç me recetë.
“Çdo ilaç në listën pozitive duhet të lëshohet me recetë”, shtoi Klekovski, duke u përgjigjur në pyetjen e gazetarëve pas konferencës për shtyp në Qeveri, në të cilën prezantoi zgjerimin e ri të listës pozitive me tre ilaçe të reja antikoagulante – enoksaparinë, nadroparinë dhe rivaroksaban.
Ndryshimet në Kodin Zgjedhor kanë përplasur partite parlamentare.
Për deputetët e VLEN ky është një nga proceset më të rëndësishme në kuadër të Agjendës Reformuese dhe afrimit të vendit me standardet evropiane.
Ata e vendosin theksin te votimi I diasporës që ishte premtim parazgjedhor i diasporës, që ishte premtim parazgjedhor i VLEN-it.
BEKIM QOKU – VLEN
“Për ne, është me rëndësi që diaspora të ketë mundësi të votojë, qoftë përmes votimit elektronik, qoftë përmes formave të tjera të sigurta, transparente dhe të besueshme, në përputhje me standardet ndërkombsatare. Diaspora jonë nuk është vetëm për remitenca. Ajo nuk mund të kujtohet vetëm kur dërgon para, kur investon në vendlindje apo kur ndihmon ekonominë e vendit. Ajo është pjesë e pandashme e shoqërisë sonë dhe doemos duhet të ketë mundësi të jetë pjesë edhe e vendimmarrjes”
Nga BDI rikujtojnë se çdo ndryshim dhe plotësim i Kodit Zgjedhor duhet të miratohet me konsensus ndëretnik dhe ndërpartiak.
RINA AJDARI – BDI
“Me keqardhje ju njoftoj se bisedimet e sotme për miratimin e ndryshimeve në Kodin Zgjedhor dështuan. Dhe dështuan jo përfajin e të gjithëve, por për shkak të tërheqjes së disa partivepolitike. BDI nuk do të pranojë zgjidhje të njëanshme qëcenojnë barazinë politike, përfaqësimin e drejtë dhe besimin nëprocesin zgjedhor”.
Lidhja Shqiptare e Ziadin Selës kërkon që diasporës t’I mundësohet votimi edhe në zgjedhjet lokale.
ZIADIN SELA – LSH
“Ju bëj thirrje nëpërmjet kësaj pres konference, që të gjithëaktorë politik shqiptar, të bashkohet te ideja e LSH për votimine diasporës, pa e hequr nga zgjedhjet lokale”
Ndryshimet dhe përmirësimet e Kodit Zgjedhor aktualisht janë bllokuar përmes amendamenteve nē Komision, ndërkaq problem për opozitën maqedonase mbetet votimi elektronik i diasporës I kërkuar nga VLEN që në takimin e fundit të liderëve./Tv Koha/
TRE ILAÇE KUNDËR MPIKSJES SË GJAKUT NË LISTËN POZITIVE!
Fondi apelon: Denonconi barnatoret që refuzojnë ilaçet me recetë
NDRYSHIMET NË KODIN ZGJEDHOR – “MOLLË SHERRI” VOTIMI I DIASPORËS!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
