Sport
SHKËNDIJA ME OPTIMIZËM UDHËTOI NË SKOCI
Klubi i futbollit Shkëndija ka udhëtuar në Skoci atje ku nesër me fillim në ora 21:00, do të zhvillojë ndeshjen e raundit të tretë kualifikues në UEFA Konferencë Liga kundër ekipit Hibernian. Kapiteni Zejnullai gjatë një prononcimi për mediat bën thirrje për kujdes maksimal, por nuk fsheh edhe pretendimet për rezultat pozitiv në ndeshjen e parë.
Skuadra kuqezi sot në orët e hershme të mëngjesit ka udhëtuar për në Edinburg të Skocisë ku nesër mbrëma me fillim në ora 21:00 do të zhvillojë ndeshjen e parë të raundit të tretë kualifikues në UEFA Konferencë Liga kundër ekipit Hibernian.
Për ekipin tetovar kjo do të jetë ndeshja numër 72 në garat europiane që e bënë skuadrën kuqezi më të suksesshme në historinë e futbollit në Maqedoninë e Veriut.
Ekipi pas akomodimit në Skoci gjatë ditës së sotme do të zhvillojë edhe seancën zyrtare në stadiumin ku do të zhvillohet ndeshja. Kapiteni Arbin Zejnullai pas arritjen në Skoci ka deklaruar se gjatë ditës do të kenë mundësi të njihen me kushtet por edhe atmosferën në këtë vend.
‘’Ne sa po kemi arritur në Skoci dhe skuadra duket mirë. Udhëtimi shkoi shumë mirë. Kështu që sot kemi edhe stërvitje n e parë zyrtare dhe do të njihemi me kushte këtu në Skoci, do të njoftohemi edhe me kushtet në stadium dhe shpresoj që të kalojmë sa më mirë’’ deklaroi kapiteni Arbin Zejnullai
Kapiteni Zejnullai thotë se kanë njohuri të bollshme për stilin e ekipeve britanike të cilët që në minutat e para të ndeshjes nisin me presion për të arritur epërsi në fushë. Ai thotë se Shkëndija është e përgatitur për këtë stil loje, por bënë thirrje edhe për kujdes.
‘’Gjithmonë këto ekipet skoceze, irlandeze fillimin e kanë me presion . Nëse kalojmë atë presionin në minutat e para, pastaj nuk ke probleme . Shkëndija e ka dëshmuar gjithmonë që ka eksperiencën e duhur për tu përball me kësi lloj ndeshje. Jemi gati dhe shpresoj edhe pse është ndeshja e parë ku normalisht duhet të jemi pak të kujdesshëm dhe shpresoj që të kalojmë sa më mirë’’
Zejnullai, krahas kujdesit, nuk fsheh pretendimet edhe për rezultat pozitiv.
‘’ Përveç se duhet të jemi të kuBIN ZEJNULLAI – Kapitenjdesshëm duhet që të futemi edhe për njkë rezultat pozitiv pasi që pavarësisht që është ndeshja e parë nuk do të thotë se nuk futesh për rezultat pozitiv. Thjeshtë dallon nga ndeshja e dytë , Kështu që gjithë jemi të gatshëm dhe shpresoj që në fund të dalim me rezultat pozitiv’’
Ndeshja Hibernian – Shkëndija, zhvillohet nesër në ora 21:00, në stadiumin ‘Easter Road’ në Edinburg që ka kapacitet diçka mbi 20 mijë ulëse, ndërsa drejtësinë do ta ndajë arbitri nga Qiproja Menealos Antoniu.
Ndeshja do të transmetohet drejtpërdrejtë në TVM2.
Tre skuadrat shqiptare Egnatia në Europa Liga si dhe Dinamo City dhe Drita e Gjilanit , në UEFA Konferencë Liga nesër zhvillojnë ndeshjet kthyese të play ofit. Kujtojmë se tre ekipet në duelet e para si vendas kanë barazuar që do të thotë se vetëm fitorja ua siguron vizën për të kaluar në fazën tjetër. Tre takimet fillojnë në ora 19:00
Kampioni i Shqipërisë ekipi Egnatia pas barazimit 0-0 në ndeshjen e parë të play off-it në UEFA Konferencë Liga me skuadrën Lilestrom të Norvegjisë, nesër mbrëma zhvillon takimin kthyes me shpresë se do t’ia dalin për t`u kualifikuar në fazën e grupeve në Ligën e Europës.
Por në stadiumin “Arasen”, me kapacitet 10.500 ulëse, ku luan ekipi norvegjez, e pret një atmosferë e flaktë. Lilestrom ka bërë të ditur sot se janë shitur thuajse të gjitha biletat për këtë ndeshje të rëndësishme për ata. Por edhe Egnatia do të ketë përkrahësit e vetë në këtë ndeshje kur dihet se në Norvegji ka një numër të konsiderueshëm të shqiptarëve që jetojnë dhe veprojnë në këtë vend skandinav.
Kujtojmë se Egnatia nëse nuk arrin të kualifikohet në fazën tjetër të Europa Ligës, ka të siguruar kualifikim në fazën e Ligës të UEFA Konferencë Liga.
Ndeshja Egnatia – Lilestrom luhet nesër me fillim në në ora 19:00
Po, nesër zhvillohen edhe ndeshjet kthyese të play off-it edhe në UEFA Konferencë Liga ku garojnë edhe Dinamo City i Tiranës dhe Drita e Gjilanit.
Dy ekipet në ndeshjet e para përfunduan me barazim. Dinamo City barazoi 1-1 me ekipin Pafos të Qipros, ndërsa Drita e Gjilanit barazoi 2-2 me ekipin Inter Escaldes të Andorrës.
Ndeshjet Pafos – Dinamo City dhe Inter Escaldes – Drita luhen nesër me fillim në ora 19:00.
Shaban Sinani – TV Koha
Java e pestë e sezonit vjeshtor në Ligën e parë të futbollit do të zhvillohet të premten, të shtunën dhe të dielën. Siparin e kësaj jave e hapin Sileksi – Shkëndija të premten me fillim në ora 16:00
Komisari i garave në kuadër të Federatës së futbollit të Maqedonia ka publikuar orarin e ndeshjeve për xhiron e pestë të sezonit vjeshtor.
Sipari i javës së pestë hapet të premten me fillim në ora 16:00 me ndeshjen Sileksi – Shkëndija, ndërsa po të premten me fillim në ora 17:00 zhvillohet ndeshja mes Struga Trim Lum – Bregallnica
Të shtunën me fillim në orën 16:30 në stadiumin e qytetit në Gostivar është caktuar të zhvillohet ndeshja Arsimi – Skopje. Ndërsa për ditën e diel janë caktuar të zhvillohen ndeshjet Bashkimi – Shkëndija e Haraçinës me fillim në ora 16:30 dhe ndeshja në Kavadar Tikveshi – Vardari, do të zhvillohet në ora 17:00.
Shaban Sinani – TV KOha
Dy mundësit shqiptarë nga Shkupi, Rexhep Hajdari dhe Fati Vejseli, kanë fituar medalje të argjendta për Maqedoninë e Veriut në Lojërat Mesdhetare “Taranto 2026”.
Mundësit Rexhep Hajdari dhe Fati Vejseli kanë fituar medaljet e argjendit në kategorit e tyre në Lojërat Mesdhetare ‘’Taranto 2026 ‘’.
Rexhep Hajdari u mposht në finalen e kategorisë deri në 97 kilogramë, në stilin e lirë, me rezultat 6:0 nga Dauren Kurugliev i Greqisë. Kurugliev është me prejardhje nga Dagestani i Rusisë, ndërsa që nga viti 2023 garon për Greqinë.
Hajdari pati një paraqitje të mirë në garat e “Taranto 2026”, duke regjistruar dy fitore për të siguruar vendin në finale.
Medaljen e argjendtë e fitoi edhe Fati Vejseli, në kategorinë deri në 74 kilogramë. Mundësi shqiptar nga Shkupi nuk arriti ta përfundojë finalen ndaj Islam Dudaevit të Shqipërisë, pasi pësoi lëndim. Në momentin e ndërprerjes, Dudaev ishte në epërsi.
Vejseli kishte treguar formë të shkëlqyer gjatë garave, duke regjistruar tri fitore për të arritur deri në finalen e kategorisë së tij.
Me dy medaljet e argjendta të Hajdarit dhe Vejselit, Maqedonia e Veriut tashmë ka tri medalje në Lojërat Mesdhetare “Taranto 2026”. Përveç dy të argjendtave, vendi ka fituar edhe një medalje të bronztë, të cilën e siguroi Ahmad Magomedov, po ashtu në mundje
TETOVA NË VAPËN AFRIKANE – SI FRYMON QYTETI NË 40 GRADË?
DREJTORIA E GJIMNAZIT PËRGËNJESHTRON “LEVICËN”
BDI: Me dy vjet vonesë dhe 30 milionë euro më shtrenjtë, VLEN vazhdon projektin e BDI-së Shkup- Bllacë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
