Sport
LIGA E DYTË: KF KAMJANI NESËR DEBUTON NË TERRENIN VENDAS!
Kampionati në Ligën e dytë të futbollit vendor vazhdon nesër me gjashtë ndeshje të xhiros së dytë , ndërsa dueli Teteksi – Rabotniçki është caktuar për datën 24 gusht. Derbi i javës së dytë zhvillohet në stadiumin e Kamjanit mes KF Kamjani – KF Osogova . Të gjitha ndeshjet fillojnë në ora 16:30.
Debutuesi në Ligën e dytë klubi i futbollit Kamjani pas barazimit historik kundër Pelisterit në Manastir në kuadër xhiros së parë sezonale nesër debuton edhe para publikut vendas ku do të përballet me ekipin e Osogovës.
Pikërisht për këtë ndeshje drejtuesit e klubit dhe stafi teknik organizohen në nivelin më të lartë mundshëm në të gjitha aspektet.
Pika e fituar në Manastir ka vlerën e madhe por vetëm nëse kundër Osogovës skuadra arrinë të arkëtojë tre pikët.
Trajneri Burhan Emurllai për TV Koha tha se kanë analizuar kundërshtarin dhe shpreson që futbollistët të zbatojnë detyrat
BURHAN EMURLLAI- Trajner i KF Kamjani
‘’Ekipi është e përgatitur , kjo pika në Manastir na dha një vetëbesim. Mirëpo pas një analize të shkurt dje e mbyllëm Pelisterin tani i gjithë fokusi jonë është te Osogova . Domethënë ndeshje shumë e rëndësishme për ne është fillimi i kampionatit akoma edhe tre pikë në këtë ndeshje janë shumë të rëndësishme për ne, nëse marrim tre pikët do të jemi në rrugë të mirë .Kemi kaluar një ndeshje me kundërshtarë të fortë me Pelisterin . Dmth çdo gjë të shtunën përpos tre pikëve nuk na intereson nëse çalojmë atëherë këtë ndeshje atëherë pika me Pelisterin nuk vlen deri sa nuk marrim tre pikët me Osogovën. Kështu që jemi të përgatitur psiqikisht, do të jemi me këmbë në tokë të kaloj një ndeshje e mirë tani të fokusohemi te ndeshja e radhës . E kemi ndeshjen e parë në shtëpi , mendoj se do të ketë edhe tifozë, nuk duhet që ti zhgënjejmë. Do të japim maksimumin ‘’deklaroi trajneri Burhan Emurllai
Trajner i Emurllai ka edhe një porosi për tifozët e klubit, që të jenë në numër sa më të madh dhe t`i përkrahin ashtu siç meriton klubi.
BURHAN EMURLLAI- Trajner i KF Kamjani
‘’Patjetër që duhet të na përkrahin. Do ta përkrahin këtë ekip dhe këto djem të cilët të dielën në mbrëmje na nxorën të gjithëve faqebardhë, luftuan dri në atomin e fundit mos dalin të mposhtur atje . Tani ngelën të shtunën këtu që të kem përkrahje të publikut ti marrim tre pikët se janë shumë pikë të rëndësishme për kampionatin ku çdo pikë është e rëndësishme për ne ‘’ tha trajneri Emurllai
Në javën e dytë të kampionatit nesër me fillim në ora 16:30, takohen: Kamjani – Osogova, Novaci – Bellasica, Detoniot Plaçkovica – Ohri, Kozhufi – Shkupi, Euromilk – Makedonija Gj.P, Pelisteri – AP Brera ndërsa ndeshja Teteksi – Rabotniçki luhet më 24 gusht me fillim në ora 16:30.
Faza e ligës në Ligën e Kampionëve vazhdon sot me nëntë ndeshje në kuadër të xhiros së tretë, ku në program janë disa përballje që pritet të tërheqin vëmendjen e tifozëve të futbollit evropian.
Përballja mes Paris Saint-Germainit dhe Barcelonës është njëra prej ndeshjeve kryesore të mbrëmjes.
Kjo përballje konsiderohet si një finale e parakohshme që do të përcaktojë kryesuesen, pasi të dyja ekipet vijnë në formë të jashtëzakonshme me nga 6 pikë pas 2 fitoreve në start.
Një transfertë delikate e pret Liverpool-in, që do të luajë në Spanjë ndaj Villarreal pasi ka siguruar 2 fitore të mëparshme kundër Atletico Madrid dhe LASK.
Nga ana tjetër, skuadra spanjolle e Villarreal numëron 1 humbje ndaj Dortmund dhe 1 fitore me përmbysje ndaj Napoli-t. Në ndeshjet e tjera të mbrëmjes, Atletico Madrid udhëton drejt Gjermanisë për t’u përballur me Stuttgart pas një bilanci me 1 fitore dhe 1 humbje, Manchester City pret në shtëpi grekët e AEK-ut, ndërsa Napoli luan në fushën e tij ndaj Bodo/Glimt.
Paralelisht në orën 21:00, Roma do të kërkojë fitoren e saj të parë duke pritur Slovan Bratislava-n, ndërkohë që do të luhet edhe dueli mes Porto-s dhe PSV-së.
Ndeshjet e këtij raundi do të nisin më herët në orën 18:45, ku Dortmund do të luajë në transfertë kundër Sabah Baku, ndërsa Fenerbahce do të presë skuadrën e Slavia-s së Pragës.
– 18:45 – Fenerbahçe – Slavia Pragë
– 18:45 – Sabah – Borussia Dortmund
– 21:00 – Paris Saint-Germain – Barcelona
– 21:00 – Liverpool – Villarreal
– 21:00 – Manchester City – AEK Athinë
– 21:00 – Roma – Slovan Bratislava
– 21:00 – Porto – PSV Eindhoven
– 21:00 – Napoli – Bodø/Glimt
– 21:00 – Stuttgart – Atletico Madrid.
Dy fitore të ekipeve vendase dhe tre të atyre mysafire me 14 gola të shënuar është epilogu i javës së 9-të në Ligën e parë të futbollit për femra. Luboteni vazhdon kryesimin me 23 pikë para Skopje 2014 që ka 22 pikë
Ndeshja derbi i zhvilluar në manastir mes ekipeve Pelisteri Pro 2026 dhe Lubotenit ka përfunduar me fitoren e sigurt 0-3 të vashave tetovare.
Autore të golave për Lubotenin ishin Yllza Maksuti, Elena Simjanova dhe Mihaela Volçeska.
Me këtë fitore Luboteni dëshmoi se aktualisht është skuadra më cilësore dhe më e përgatitur në të gjitha aspektet në kategorinë e vajzave në Maqedoninë e Veriut.
Fitore në cilësinë e mysafirit ka regjistruar Tiverija Brera në Strugë 4-1 ndaj AS United, ndërsa Skopje 2014 ka shënuar fitore 0-1 kundër Kamaenica Sasa .
Dy skuadrat të cilat kanë regjistruar fitore në cilësinë e vendasit janë Vardari 2023 kundër Koçanit 1-0 dhe Istatov 2015 Skopje kundër Reçicës 4-0.
Pas xhiros së 9-të renditjen e kryeson Luboteni me 23 pikë, para kopje 2014 që ka 22 , Tiverija Brera 19 dhe Pelisteri Pro 2026 me 17 pikë
Xhiroja e 10-të hapet nesër me ndeshjen Koçani – Skopje 2014 , ndërsa katër takimet tjera do të zhvillohen të dielën me fillim në ora 15:00, takohen: Kamenica –Sasa – Luboteni, Pelisteri PRO 2026 – Tiverija Brera, AS United – Reçica dhe Istatov2025 Skopje – Vardari 2023
SHABAN SINANI – TV KOHA
Java e 10-të e sezonit vjeshtor në ligën e parw prodhoi 1 barazim dhe katër fitore të mysafire me 12 gola të shënuar. Shkëndija me 23, Struga Trim Lum dhe Vardari me nga 20 pikë mbajnë tre pozitat e para në renditjen e tabelës.
Me ndeshjen Arsimi – Tikveshi që u zhvillua në pasditen e djeshme u mbyll java e 10-të e sezonit vjeshtor e cila prodhoi një barazim dhe katër fitore të ekipeve mysafire me gjithsejt të 12 gola të shënuar.
Arsimi dhe Tikveshi nuk kanë shkuar më shumë se një barazim 1:1 në duelin e fundit të xhiros së 10-të në Ligën e Parë të futbollit në Maqedoninë e Veriut.
Skuadra e Arsimit kaloi në epërsi në minutën e 38 me golin e Lorik Kaba Jakupi ndërsa Tikveshi barazoi në minutat shtesë të pjesës sëparë me autor Silla.
Arsimi tani me 10-të pikë vazhdon të mbetet në pozitën e 8-të, ndërsa Tikveshi me 17 pikë mbanë pozitën e katërt .
Pas kompletimit të xhiros së 10-të kryeson Shkëndija me 23 pikë e ndjekur nga Struga Trim Lum dhe Vardari me nga 20 pikë, Tikveshi me 17, Shkëndija e Haraçinës me 14, Sileksi me 13, Bregallnica dhe Arsimi me nga 10-të Bashkimi me 7 dhe Skopje me 3 pikë.
Java e 11-të do të hapet të premten në ora 14:00, me ndeshjen Sileksi – Shkëndija e Haraçinës, të shtunë në ora 12:00, takohen Struga Trim Lum – Skopje dhe në orën 14:00 në Gostivar derbi i madh Shkëndija – Vardari, ndërsa të dielën takohen Arsimi – Bregallnica në ora 12:00 dhe Tikveshi Bashkimi në ora 14:00.
SHABAN SINANI – TV KOHA
Deputeti gjerman i CDU-së mbështet studentët: shqiptarët me vlera europiane kërkojnë fundin e korrupsionit.
Akademik Kambovski: Propozimi për provimin e jurisprudencës është racional
Nuk ka më afate për kërkesat për blerjen e oborreve: Pesë ndryshime të rëndësishme në Ligjin për privatizimin dhe me qira të tokës ndërtimore shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës