Sport
LIGA E PARË: ÇAIRI NIKOQIR I DERBIT SHKËNDIJA (H) – ARSIMI
Të shtunën zhvillohen dy ndeshje e javës së katërt të rrethit të parë të sezonit vjeshtor. Në stadiumin në Çair, me fillim në ora 16:30, takohen Shkëndija e Haraçinës – Arsimi ndërsa në orën 17:00 në terrenin e FFM-së takohen Skopje – Tikveshi.
Ndeshja mes Shkëndijës së Haraçinës dhe Arsimit të Çegranit konsiderohet një mini derbi i javës së katër të kampionatit meqë për herë të parë luajnë njëra kundra tjetrës si anëtare të elitës së futbollit vendor.
Haraçinasit në tre xhirot e para kanë një disfatë në javën e pare, barazim me Sileksin javën e dytë në Çair dhe fitore në transfertë kundër Tikveshit në Kavadar në javën e tretë.
Pas fitores në Kavadar skuadra e Berat Imerit është motivuar të vazhdon rrugëtimin e sukseseve edhe kundër Arsimit , kësaj radhe para tifozëve të vet në Çair.
Trajneri Berat Imeri për TV Koha deklaroi se sfida me Arsimin do të jetë shumë e vështirë.
‘’ Na pret një ndeshje shumë e vështirë . Ne kemi shumë respekt për ekipin e Arsimit , Duhet të jemi shumë serioz . Gjatë tërë javës do të punojmë që të japim maksimumin dhe shpresoj për rezultat pozitiv. Por e rëndësishme është që futbollistët duhet ta kuptojnë se nuk ka ndeshje të lehta në kategorinë e parë. Jam optimist, presim fitore por nuk do të jetë lehtë‘’deklaroi Berat Imeri trajneri i Shkëndijës së Haraçinës
Futbollisti i Arsimit, Fatjon Jusufi, tha se pas dy dështimeve në dy xhirot e para, fitorja kundër Bashkimit, sadopak ktheu vetëbesimin dhe se kundër Shkëndijës së Haraçinës do të mundohen të nxjerrim rezultat pozitiv, me angazhimin maksimal të të gjithë ekipit.
“ Realisht mendoj se do të jetë një ndeshje shumë e vështirë edhe nga ana jonë edhe nga ana e Shkëndijës së Haraçinës. Mendoj se do të jetë një ndeshje mjaftë e luftuar fizikisht. Ekipi i cili do të bëjë më pak gabime besoj se edhe do ta fitoje ndeshjen. Ne kemi analizuar kundërshtarin edhe po punojmë në at aspekt. Mendoj se ndeshjet e para ne që i kemi luajt janë një shembull që nuk duhet marrë pasi është fillimi i kampionatit dhe shumica e lojtarëve ende nuk ishin kompozuar me ne. Më shumë jemi të hendikepuar nga viti i kaluar sepse shumicën e lojtarëve kanë ndruar ekipe edhe shumë të tjerë kanë ardhur tani. Por besoj se dalëngadalë do ta kapim edhe forcën fizike edhe po kthehemi bashkërisht si ekip dhe besoj se pas ndeshjes me Bashkimin dal nga dal ne do e kapim ritmin dhe në secilën ndeshje pa pa marr para sysh jashtë apo brenda për rezultate pozitive “ deklaroi futbollist Fatjon Jusufi.
Në terrenin FFM-së me fillim nga ora 17:00 do të përballen Skopje me Tikveshin e Kavadarit.
Dy ndeshjet e fundit të javës së katërt, Vardari – Sileksi dhe Shkëndija – Struga Trim Lum, zhvillohen të hënën.
Shkëndija me fitoren 3-1 kundër Skopjes në Autokomandë regjistroi fitoren e shtatë sezonale duke i prirë tabelës me 23 pikë. Trajneri Pollozhani në deklaratën pas ndeshjes, këtë fitore ia dedikoi futbollistit Drilon Ilsami, I cili pësoi një lëndim serioz dhe pritet të mungojë gjatë nga fusha e futbollit. Në Kumanovë, Sileksi mposhti Bashkimin.
Shkëndija e Tetovës ka triumfuar me rezultat 3:1 në transfertën ndaj Skopjes, në duelin e xhiros së 10-të të LPFMV-së.
Kuqezinjtë e nisën furishëm ndeshjen, duke kaluar në epërsi që në minutën e dytë me golin e Krasniqit, ndërsa Dimoski shënoi për 2:0 para se Angelov të ngushtonte rezultatin në 1:2.
Në pjesën e dytë, Tamba realizoi golin e tretë për tetovarët, ndërsa Besart Ibraimi nuk arriti të shënonte nga pika e bardhë.
Me këtë fitore, Shkëndija arrin në kuotën e 23 pikëve dhe shkëputet e vetme në krye të tabelës.
Pas ndeshjes trajneri Pollozhani tha se tre pikët shkojnë si dedikim për mesfushorin Drilon Islami, i cili javën e kaluar u dëmtua dhe për një periudhë të caktuar do të mungojë nga terreni.
“Do ta filloj intervistën me një dedikim. Fitorja i takon plotësisht Drilon Islamit, i cili pësoi një lëndim dhe do na mungojë gjatë, kështu që e sot fitorja i përket atij, sepse patjetër që është një forcë që na shërben. Por që kështu e ka futbolli dhe duhet të vazhdojmë para. Tani, për sa i përket ndeshjes, unë mendoj që kishim një start jashtëzakonisht të mirë, duke shënuar dy gola, pastaj kishim kontrollin e lojës. Ajo që duhet të kemi kujdes është tek këto gabimet që bëjmë, që praktikisht ne e falim atë këndore, edhe nga ndërprerja erdh goli i kundërshtarit Mendoj që është fitore karakteri, sepse pavarësisht pozicionit në tabelë, Skopje është ekip që brenda fushës së vet luan mirë. Patjetër që kanë pasur edhe në ndeshjet tona direkte, por edhe ndeshjet para nesh që kanë luajtur, kanë krijuar rivalëve vështirësi. Kështu duhet vlerësuar pasi është një fitore karakteri, është një fitore që patjetër që u takon merita djemve. Është një fitore që futemi në derbi me një anë psikologjike, mendoj pozitive.” deklaroi trajneri Polloyhani
Në ndeshjen tjetër të zhvilluar dje në Kumanovë, Sileksi mundi Bashkimin 3-0.
Me tre pikët e fituara Sileksi ngjitet në pozitën e gjashtë me 13 pikë, ndërsa Bashkimi mbetet në pozitën e parafundit me vetëm 7 pikë.
Me dy ndeshjet Kamjani – Kozhufi dhe AP Brera – Bellasica, që u zhvilluan dje, u kompletua java e tetë e sezonit vjeshtor në ligën e dytë. Nga shtatë ndeshjet e zhvilluara vendasit regjistruan tre fitore, tre ndeshje përfunduan me barazim, ndërsa në një ndeshjen fituan mysafirët.
Ndeshja Kamjani – Kozhufi i Gjevgjelisë përfundoi me barazim 1-1 edhe pse vendasit ishin në epërsi deri në minutën e 89-të, kur pas një fauli diskutabli që e referoi Iva Projkovska, mysafirët arritën ta barazojnë rezultatin.
Ky vendim por edhe referimi I Projkovskës nuk u mirëprit nga tifozët e Kamjanit, të cilët me fishkëllima shprehën pakënaqësinë e tyre.
Vendasit kaluan në epërsi në minutën e 22-të të pjesës së parë me një gol të bukur të futbollistit Arbin Kurti.
Vendasit gjatë 90-të minutave ishin superior duke dominuar në terren dhe duke krijuar raste që nuk u arritën t`i realizojnë. Me pikën e fituar KF Kamjani ka 11 pikë, ndërsa Kozhufi 9-të.
Autori I golit Arbin Kurti pas ndeshjes për TV Koha tha se është i zhgënjyer me rezultatin.
“ Është shumë zhgënjyese rezultati duke pas parasysh se çfarë loje krijuam, çfarë rastesh krijuam, çfarë performance bëmë. Ishte loja shumë e përgatitur nga trajneri, normal edhe nga lojtarët. Po, normal një gabim referimi ndërroi komplet kahjen e ndeshjes. Po prap i lumtur jam edhe për golin sot, I lumtur për performancën, por prap them se shumë zhgënjyes rezultati në fund, kemi merituar fitore“ deklaroi futbollisti Arbin Kurti
Në ndeshjen e fundit që zhvillua mbrëmë, në derbin e Strumicës, AP Brera dhe Bellasica ndanë pikët duke luajtur pa gola 0-0.
Pas kompletimit të xhiros së tetë, tabelën e kryeson Ohri me 19 pikë para Rabotniçkit dhe Pelisterit me nga 18 pikë.
SHABAN SINANI – TV KOHA
Tre fitore të ekipeve vendase, një barazim dhe dy fitore të ekipeve mysafire me 28 gola të shënuar, është epilogu i javës së shtatë në Ligën e Tretë – Rajoni i Gjashtë.Tabelën vazhdojnë ta kryesojnë Gostivari, Drita e Bogovinës dhe Dobroshti.
Ndeshja derbi e xhiros së shtatë mes Lubotenit dhe Dritës së Bogovinës që u zhvillua në stadiumin e Skënderbeut në Poroj, ka përfunduar me fitoren 1-4 për ekipin nga Bogovina.
Autor të golave ishin Besim Alili 2 gola, Arsim Ramadani dhe Endrit Alimani. Golin e nderit për Lubotenin e ka shënuar Kostadinovski.
Skuadra e Cetinskës ka regjistruar fitore të sigurt 3-1 kundër Lirisë së Zhelinës, Gostivari fitoi 2-1 kundër Reçicës, Vardari i Bërvenicës ka regjistruar fitore të thellë 6-0 ndaj Jehonës, ndërsa Dobroshti në transfertë ka mundur Gradecin 5-3.
Ndeshja e vetme që ka përfunduar me barazim 1-1, ishte dueli Xhepçishti – Korabi i Dibrës
Pas shtatë xhirove të zhvilluara, tabelën e kryesojnë Gostivari , Drita dhe Dobroshti me nga 16 pikë.
NEZIRI: NË BËRVENICË KA GARË ETNIKE, QYTETARËT TË PAKËNAQUR ME POLITIKËN
ARKINI FITOJ ZGJEDHJET POR JAKUPI ZEMRAT E SHQIPTARËVE – APELOHET PËR BASHKËPUNIM
Pse po protestohet në mbarë Evropën?
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga bota2 months agoRusia dhe Ukraina po përgatiten për një shkëmbim të ri të madh të të burgosurve