Me të dalë rezultatet e para të zgjedhjeve të jashtëzakonshme lokale në Bërvenicë, ndryshoi edhe atmosfera. Partitë shqiptare dukej se nuk ekzistonin më. Ndodhi fenomeni popull. Jakup Huseni, kandidati i VLEN-it i cili nuk arriti të del në rrethin e dytë, u nis për te shtabi i AKI-së për t’i uruar fitoren te kampi politik shqiptar, Arkin Jahijit, ku ishin mbledhur aktivi i këtij koalicioni për të pritë rezultatet.

Jakupi në shtabin e AKI-së u prit me duartrokitje nga aktivistët. Me përqafime dhe me ngrohtësi i prit edhe  nga kundërkandidati Arkin Jahiji.

Jakupi tha se gjithë këtë garë e ka parë me sportivitet duke u bërë apel aktivistëve që të veprojnë bashkë për rrethin e dytë.

Arkin Jahiji, kandidati shqiptar që shkon në rrethin e dytë tha se i falënderon të gjithë aktivistët për garën fer, duke ju lutur të dy blloqeve politike që bashkërisht ta çojnë garën deri në fund dhe të tirumfojnë me fitore.

Kujtojmë që dy ciklet e fundit zgjedhore kryetari i Komunës së Bërvenicës i ka takuar partive maqedonase, pavarësisht se shumica e banorëve të kësaj Komune janë shqiptarë, me thuajse dyfishin e numrit të nacionalitetit maqedonas.

Advertisement

Të rinjtë në disa vende të Evropës, përfshirë Francën, Spanjën, Portugalinë dhe Shqipërinë, kanë protestuar kundër gjendjes në arsim, rritjes së kostos së jetesës dhe krizës së banimit.

Në Francë, nxënësit janë përplasur me policinë për mungesën e mësimdhënësve dhe kushtet e këqija në shkolla. Protestave u janë bashkuar qytetarë që kërkojnë uljen e çmimeve, rritjen e pagave dhe pensioneve.

Në Spanjë, protestat u nxitën nga dëbimi i një 87-vjeçareje, pasi qiraja e saj u rrit për 230%. Ndërsa në Portugali, qindra persona protestuan kundër çmimeve të banesave, të cilat u rritën për 124% nga viti 2015 deri më 2024.

Në Milano, protestat kundër kostos së jetesës përfunduan me përleshje mes protestuesve të maskuar dhe policisë.Në Shqipëri, protestuesit kundërshtojnë kryeministrin Edi Rama dhe korrupsionin e perceptuar, mungesën e vendeve të punës dhe cilësinë e dobët të arsimit. Ato nisën gjatë verës, të nxitura edhe nga një projekt luksoz bregdetar i mbështetur nga Jared Kushner, dhëndri i presidentit amerikan Donald Trump.

Presidenti francez Emmanuel Macron ka refuzuar dorëheqjen e ministrit të Brendshëm, i cili tha se policia “humbi kontrollin” gjatë protestave që përfunduan me dhunë gjatë fundjavës. ndërsa zgjedhjet presidenciale në Francë mbahen në prill 2027. Qeveria ka premtuar 3000 mësimdhënës zëvendësues dhe ka hequr dorë nga rritja e disa tarifave universitare.

Advertisement

Ndërkohë, partitë kryesore në Spanjë kanë premtuar ndërtimin e më shumë banesave për të përballuar krizën e strehimit. Dështimi i një ligji për mbrojtjen e qiramarrësve e shtyu kryeministrin Pedro Sanchez të shpallë zgjedhje të parakohshme për 29 nëntor, shkruan The Guardian.

“Provimi i jurisprudencës në gjuhën shqipe është një arritje e madhe, po thyhet një barrierë”, ka deklaruar Mevlan Ademi, njëri nga iniciatorët e protestave studentore për mundësimin e provimit të jurisprudencës në gjuhën shqipe.

Deklarata e Ademit vjen pas njoftimit të ministrit të Drejtësisë, Jeton Shasivari, se është prezantuar zgjidhja ligjore që do të mundësojë mbajtjen e provimit edhe në gjuhën shqipe.

Shasivari deklaroi se po numëron ditët deri në heqjen e barrierës gjuhësore 35-vjeçare. Ndërkaq, për studentët shqiptarë të drejtësisë, kjo çështje ishte prej vitesh objekt kërkesash dhe protestash.