Sport
Rexhep Hajdari dhe Fati Vejseli në finalen e Lojërave Mesdhetare: Dy mundësit shkupianë synojnë medaljen e artë
Sukses historik për mundjen maqedonase. Dy mundësit shkupianë, Rexhep Hajdari dhe Fati Vejseli, kanë siguruar finalen e Lojërave Mesdhetare pas fitoreve të mëdha në gjysmëfinale.
Hajdari dhe Vejseli janë dy sportistët e parë nga Maqedonia që kanë arritur të kualifikohen në finalen e Lojërave Mesdhetare, duke shkruar një kapitull të ri në historinë e mundjes së vendit.
Të dy mundësit nesër do të luftojnë për medaljen e artë, me synimin për t’i dhënë Maqedonisë medaljen e 12-të të artë në mundje në historinë e Lojërave Mesdhetare.
Ky sukses është rezultat i punës së palodhshme, sakrificës, disiplinës dhe përkushtimit të sportistëve, por edhe i punës së stafit dhe klubeve që qëndrojnë pas tyre.
Urime të veçanta nga legjenda e këtij sporti Shaban Trstena janë adresuar edhe për Imer Kadriun, kryetarin e klubit më të suksesshëm, për kontributin dhe përkushtimin e tij në zhvillimin dhe sukseset e këtyre sportistëve.
Tashmë të gjithë sytë janë te finalja e madhe. Rexhep Hajdari dhe Fati Vejseli do të kërkojnë të shkëlqejnë edhe një herë dhe të ngjiten në majën e podiumit me medaljet e arta. (INA)
Presidenti i UEFA-s ka pohuar se nuk do të kandidojë për kreun e qeverisë së futbollit botëror në zgjedhjet e marsit 2027.
Alksandar Ceferin ka bërë të ditur pozicionin e tij në lidhje me presidencën e FIFA-s. Në një intervistë për podcast-in britanik ‘The Rest is Politics’, Ceferin, një nga opozitarët kryesorë të presidentit aktual të FIFA-s, Gianni Infantino, ka pohuar se nuk ka në plan të kandidojë përballë tij.
“Nuk jam i interesuar për presidencën e FIFA-s – ka deklaruar Ceferin. – Më pëlqen UEFA dhe puna që bëj aty. Kredibiliteti im është më i rëndësishëm, nuk jam i interesuar për atë pozicion”.
Slloveni 58-vjeçar, mandati i të cilit në krye të UEFA-s skadon në 2027-ën, ka shtuar se dëshiron të “shijojë jetën”. Deri tani ai nuk është shprehur, nëse do të rikandidojë apo jo. Nën drejtimin e tij, UEFA ka njoftuar se do të bojkotojë të gjitha kompeticionet e organizmit që drejton futbollin botëror, duke përfshirë edhe Kupën e Botës.
UEFA kërkon dorëheqjen e Infantino-s. “Ai (Infantino) duhet të kuptojë se nuk ka mbështetjen për t’u rizgjedhur. Pastaj, mendoj se këtë herë mund të kemi një kandidat kundër tij. Nuk e di ende se cili do të jetë ky kandidat”, – ka shpjeguar Ceferin. Slloveni ka lënë të kuptohet se nuk ka folur me Infantino-n që nga fillimi i krizës. Numri 1 i FIFA-s më parë ka qenë sekretar i përgjithshëm i UEFA-s.
Ndeshja derbi mes Shkëndijës së Haraçinës dhe Arsimit të Çegranit që u zhvillua në stadiumin e Çairit në Shkup në kuadër të javës së katërt të kampionatit në Ligën e Parë, përfundoi me fitoren e ekipit mysafirë 0-2 .
Hero i kësaj përballjeje doli të jetë ish futbollisti kuqezi Lorik Jakupi me dy super gola në minutat 81-të dhe 90-të.
Ndeshjen Shkëndija Haraçinë – Arsimi e ndoqën një numër i konsiderueshëm i tifozëve.
Pas ndeshjes trajneri I haraçinasve, Berat Imeri, pranoi përgjegjësinë e tij për këtë disfatë.
“E dinim se do të jetë vështirë kundër Arsimit, një kundërshtarë shumë serioz. Mendoj se na ishim OK sot përveç minutave të fundit të ndeshjes ku kundërshtari na ndëshkoj me dy kundërsulme apo me dy goditje. Ne në shumicën e ndeshjes e kemi kontrolluar lojën kishim rastet tona, kishim posedimin e topit, po ja në futboll ndodhin ndeshje këtilla. Gjithmonë kësi lloje situata unë mbajë përgjegjësinë, trajneri është përgjegjës për këtë humbje. Besoj që do rikthehemi te fitoret, duhet të vazhdojmë punojmë mos u bëjmë presion djemve. I gjithë presioni në këtë situatë duhet të jetë mbi trajnerin “ deklaroi trajneri i Shkëndisë së Haraçinës, Berat Imeri.
Trajneri i Arsimit, Vildan Saliju, krahas tre pikëshit, u shpreh i kënaqur me lojën e futbollistëve të tij në fushën e Çairit.
“Ne në momente të caktuara goditëm kundërshtarin sepse ato avancuan në sulm për t`i marrë tre pikët. Dhe na e dinim se këtu do të jetë momenti jonë dhe patëm durim, patëm guxim dhe arritëm ti marrim këto tre pikë shumë të rëndësishëm të cilat do të na japin besim shtesë për vazhdimësinë e kampionatit. Sigurisht se kjo është liga e parë asnjë kundërshtarë nuk ka të lehtë. Duhet me e dhënë maksimumin në secilën ndeshje, atë e potencova edhe në mbledhjen me lojtarët duhet me e vlerësua lartë secilin kundërshtarë, duhet me dhënë maksimumin , duhet me sakrifikuar njëri për tjetrin që të mund t`i marrim pikët që do të na sigurojnë edhe mbijetesën” deklaroi trajneri i Arsimit Vildan Saliu.
Pas katër xhirove të zhvilluara, Shkëndija e Haraçinës ka një fitore një barazim dhe dy disfata, ndërsa Arsimi ka dy fitore dhe dy humbje.
Në javën e pestë Shkëndija e Haraçinës është mysafire e Bashkimit, ndërsa Arsimi është nikoqire e Skopjes.
Dy fitore të ekipeve vendase, një barazim dhe dy fitore të ekipeve mysafire me gjithsejtë 7 gola të shënuar është epilogu i pesë ndeshjeve të xhiros së dytë në Ligën e dytë. KF Kamjani regjistroi fitoren e parë si pjesë e Ligës së dytë.
KF Kamjani pas barazimit 1:1 në ndeshjen debutuese javën e kaluar ndaj Pelisterit në Manastir, në ndeshjen e parë si vendas në stadiumin e Kamjanit para afro 400 tifozëve të pranishëm, në temperatura tropikale, shënoi fitoren e parë në Ligën e Dytë.
Kamjani mposhti Osogovën me rezultatin 2-1. Autor të golave ishin Besar Rexhepi dhe Arsim Lamallari , ndërsa golin e vetëm për ekipin mysafir e realizoi Martin Acevski.
“Po normal fitore e madhe është sot me që dihet se Kamjani për herë të Parë lufton dhe garon në Ligën e dytë. Besoj se me këtë ritëm nëse vazhdojmë do na presin punë të m࡙dhaja dhe rezultatet të mëdha. Padyshim se grupi është shumë i mirë. Lojtarët janë shumë të disiplinuar dhe sa më shumë mundohemi me i zbatuar detyrat që na jep trajneri dhe në fund rezultati nuk mungon” deklaroi futbollisti Arbin Kurti
Në pesë ndeshjet e zhvilluara të shtunën u regjistruan këto rezultate: Pelisteri – AP Brera 0-0, Euromilk – Makedonija Gj.P 0-1 Novaci – Bellasica 0-1, Kozhufii – Shkupi 2-0 .
CEFERIN SQARON POZCIONIN E TIJ: NUK JAM I INTERESUAR PËR PRESIDENCËN E FIFA-s
KF ARSIMI MUNDI 2-0 SHKËNDIJËN E HARAÇINËS NË ÇAIR
Rexhep Hajdari dhe Fati Vejseli në finalen e Lojërave Mesdhetare: Dy mundësit shkupianë synojnë medaljen e artë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
