Connect with us

Lajme nga vendi

Rriten thirrjet, por po pakësohen oxhakpastruesit

Published

on

Me afrimin e sezonit të ngrohjes, po rritet numri i thirrjeve drejtuar oxhakpastruesve. Në Kumanovë, një pjesë e familjeve vazhdojnë të ngrohen me dru. Dino, njëri nga të paktët oxhakpastrues në rajonin verilindor të vendit, thotë se kërkesa aktualisht është shumë e madhe, ndërsa numri i zejtarëve të kësaj profesioni është gjithnjë e më i vogël. Ai thekson se pastrimi dhe përgatitja e oxhaqeve janë masa të rëndësishme për rritjen e sigurisë.

“Më thërrasin edhe nga Shkupi, Kriva Pallanka dhe Kratova, por nuk mund t’ia dal t’i përballoj të gjitha kërkesat. Të rinjtë nuk duan ta bëjnë këtë punë. Vijnë për një apo dy ditë, por kur e shohin se ndonjëherë duhet të ngjiten në lartësi dhe të përballen me pluhurin, heqin dorë. Aktualisht kam mbi 250 klientë të rregullt. Thirrjet nuk ndalen, vetëm që nga mëngjesi kam marrë shtatë telefonata dhe mundohem t’i shërbej të gjithëve. Gjatë sezonit nuk mund t’ia dalim, prandaj bëj apel që oxhaqet të pastrohen në fund të sezonit, në mënyrë që të jenë të gatshme për sezonin e ardhshëm”, thotë oxhakpastruesi nga Kumanova, Dino.

Njësia e Zjarrfikësve në Kumanovë vitin e kaluar ka regjistruar 22 intervenime për shkak të oxhaqeve të përfshira nga zjarri nëpër amvisëri. Këtë vit janë regjistruar 14 raste të tilla.

“Nëse nuk i pastron, oxhaku nuk do të tërheqë siç duhet dhe do të bllokohet”, thotë një qytetar.

Një tjetër qytetar thekson se oxhakun e pastron rregullisht, si në fillim të sezonit, ashtu edhe gjatë dimrit.

Advertisement

“E pastroj edhe në fillim të sezonit, edhe në fund. Gjatë dimrit e pastroj tri herë”, thotë ai.

“ Nëse nuk pastrohet, mund të shkaktojë zjarr që mund ta përfshijë tërë shtëpinë. Është mirë që oxhaqet të pastrohen para fillimit të sezonit, rreth Vitit të Ri dhe në fund të sezonit, pra gjithsej tri herë”, thekson një qytetar tjetër.

Megjithatë, oxhaqet e pastra nuk janë të rëndësishme vetëm për sigurinë e shtëpive. Sipas oxhakpastruesit Dino, mirëmbajtja e tyre ndikon edhe në cilësinë e ajrit. Ai thekson se është i domosdoshëm një zgjidhje sistematike për rregullimin e profesionit të oxhakpastruesit, si dhe mbështetja për mirëmbajtjen e rregullt të oxhaqeve. përcjell Zhurnal.mk .

Lajme nga vendi

Goditje lojërave të fatit: Nga 1 janari ndalohen reklamat, shteti merr monopolin e lojërave online!

Published

on

Qeveria ka miratuar ndryshime ligjore që kufizojnë ndjeshëm organizimin e lojërave të fatit në Maqedoninë e Veriut, deklaroi zëvendëskryeministri Aleksandar Nikolloski.

Sipas tij, nga 1 janari ndalohen reklamat e lojërave të fatit, ndërsa objektet e tyre duhet të jenë të paktën 500 metra larg shkollave. Gjithashtu, rriten taksat për licencat, aparatet dhe objektet e lojërave të fatit.

Nikolloski theksoi se vetëm Lotaria Shtetërore do të ketë të drejtën të organizojë lojëra online dhe lojëra përmes terminaleve elektronike VLT.

Ai njoftoi se janë hequr licencat e tri kompanive dhe është shfuqizuar platforma 2WIN.

Duke iu referuar procedurave gjyqësore ndaj Artan Grubit, Përparim Bajramit dhe të tjerëve, Nikolloski kërkoi përgjegjësi ligjore, ndërsa ngriti edhe dyshime për lidhje të mundshme mes ish-zyrtarëve dhe interesave financiare, duke kërkuar hetim nga institucionet kompetente.

Advertisement
Continue Reading

Lajme nga vendi

Sëmundja pulmonare obstruktive kronike, shkaktarë, duhani dhe ajri i ndotur

Published

on

Instituti për Sëmundje të Mushkërive dhe Tuberkulozit me rastin e Ditës Botërore të Sëmundjes Pulmonare Obstruktive Kronike, kryen kontrolle falas për qytetarët, për vlerësimin e funksionit të frymëmarrjes dhe zbulimin e hershëm të sëmundjes. Sipas tyre, kjo sëmundje është shumë e shpeshtë tek qytetarët dhe çdo i dhjeti person mbi 40 vjeç përballet me këtë sëmundje. Mjekët thonë se shkaktari kryesor për këtë sëmundje është duhani dhe ajri i ndotur.
“Faktori kryesor për këtë sëmundje është pirja e duhanit. Fatkeqësisht RMV-ja, në nivel evropian, sipas statistikave është në krye të listës për persona që konsumojnë duhan. Kjo sëmundje shfaqet kur të rinjtë fillojnë duhanin nën moshën 15 vjeç, pastaj sa vite dhe sa cigare në ditë i konsumojnë. Problemi i dytë për këtë sëmundje është ajri i ndotur si brenda në shtëpi varësisht se me çka ngrohen qytetarët, ashtu edhe jashtë nga industria, automjetet etj.”, thanë nga Instituti për Sëmundje të Mushkërive.
“Motoja për këtë vit është diagnostikimi i hershëm i kësaj sëmundje që të intervenohet më herët me terapinë adekuate. Qytetarëve që u bëjmë kontrolle këtu, u shohim rezultatet dhe ata që kanë nevojë për analiza shtesë, i drejtojmë për në Institut.”, thotë mjekja.
Mjekët thonë se në RMV çdo i dyti person konsumon duhan, ndërsa 13.6 për qind e të rinjve të moshës 13 deri në 15 vjeç konsumojnë ndonjë formë të duhanit, sidomos cigare elektronike, të cilat janë të rrezikshme për shëndetin dhe shkaktojnë dëme në mushkëri. al.mrt.
VLORA LATIFI TOPOJANI
Continue Reading

Lajme nga vendi

Italia propozon kufizimin e rrjeteve sociale për të miturit, ndalohen llogaritë për fëmijët nën 13 vjeç

Published

on

Qeveria italiane e kryeministres Giorgia Meloni po përgatit masa të reja për kufizimin e përdorimit të rrjeteve sociale nga fëmijët dhe adoleshentët, me qëllim mbrojtjen e tyre nga varësia digjitale dhe ndikimet negative të platformave online.
Sipas ndryshimeve të propozuara në një dekret qeveritar, fëmijëve nën moshën 13 vjeç do t’u ndalohet krijimi i llogarive në rrjetet sociale. Për grupmoshën 13 deri në 15 vjeç, përdorimi do të lejohet vetëm nëse llogaritë janë të lidhura me ato të prindërve, ndërsa llogaritë e pavarura do të lejohen nga mosha 16 vjeç.
Propozimi mbështetet nga koalicioni qeverisës, por ende nuk është paraqitur zyrtarisht dhe mund të pësojë ndryshime gjatë procedurës parlamentare.
Masat parashikojnë gjithashtu detyrimin e kompanive të rrjeteve sociale për të verifikuar moshën e përdoruesve. Autoriteti italian i komunikimeve, AGCOM, pritet të përcaktojë rregullat e verifikimit brenda nëntë muajve nga hyrja në fuqi e dekretit, ndërsa aplikacionet edukative do të përjashtohen nga kufizimet.
Sipas autoriteteve italiane, nisma synon të zvogëlojë rreziqet që lidhen me përdorimin e tepruar të rrjeteve sociale dhe ndikimin e tyre në shëndetin mendor të të miturve.
Italia i bashkohet kështu vendeve si Australia, Brazili dhe Greqia, të cilat kanë ndërmarrë ose po shqyrtojnë masa për kufizimin e qasjes së fëmijëve në platformat sociale.
Continue Reading

Më të lexuarat