Lajme nga vendi
“FORUMI I KARRIERËS 26” – NË FOKUS PUNËSIMI I TË RINJVE DHE PRAKTIKA PROFESIONALE
Në Tetovë u organizua “Forumi i Karrierës 26”, i cili mblodhi përfaqësues të institucioneve, universiteteve, sektorit privat dhe organizatave, me qëllim diskutimin e sfidave me të cilat përballen të rinjtë gjatë kalimit nga arsimi në tregun e punës. Forumi u organizua nga Instituti për Lidership dhe Politika Publike (ILPP), në kuadër të projektit “NextGen CareerUp”, me mbështetjen e Ambasadës së Mbretërisë së Holandës në Maqedoninë e Veriut. Në fokus të diskutimit ishin mundësitë për punësim, zhvillimi i aftësive profesionale dhe forcimi i bashkëpunimit ndërmjet institucioneve arsimore dhe bizneseve.
Ministri i Ekonomisë dhe Punës, Besar Durmishi, theksoi rëndësinë e krijimit të mundësive që studentët, pas përfundimit të studimeve, të përfshihen më lehtë në tregun e punës. Ai bëri të ditur se Ministria po zbaton një plan operativ që u mundëson të rinjve të aplikojnë për praktikë profesionale dhe të fitojnë përvojën e nevojshme për punësim.
BESAR DURMISHI – MINISTËR I EKONOMISË
“Ky forum organizohet për interes të të rinjëve të vendit tonë, posaqërisht, studentët. Organizohet në një format ku do të marrin pjesë edhe përfaqësues të universitetetve, por edhe të sektorit privat, pra se si mund të bëhet një sinkronizim i tillë, se si mund të rinjët dhe të rejat sapo e kryejnë fakulltetin të arijnë të inkuadrohen nëpër vendet e punës dhe në tregun e punës. Unë në kuadër të sektorit që e udhëheq, Ministrisë së Ekonomisë dhe Punës do të prezantoj planin operativ i cili është në realizim e sipër ku të gjithë të rinjtë dhe të rejat do të mund të apikojnë për praktikim për të marr përvojën e duhur dhe të mund të përgatitien për tu kyçur në tregun e punës”.
Drejtoresha ekzekutive e ILPP-së, Pranvera Kasami, vuri në pah se integrimi i të rinjve në tregun e punës është një sfidë që kërkon angazhimin e përbashkët të institucioneve, arsimit dhe sektorit privat. Ajo prezantoi të dhëna që, sipas saj, tregojnë mospërputhjen ndërmjet përgatitjes universitare dhe pritshmërive të tregut të punës.
PRANVERA KASAMI – Drejtoreshë ekzekutive e ILPP-së
“Kur flasim për integerimin e të rinjëve në tregun e punës, flasim për një sfidë shumë më të madhe se mund ta zgjidh një projekt apo një institucion i vetëm. Në Maqeodninë e Veriut papunësia te të rinjtë e moshës 15-24 vjet gjatë vitit 2025 ishte rreth 29%, por ajo që na shqetëson nuk është vetëm papunësia, por edhe distanca mes arsimit dhe mundësive reale. Në hulumtimin tonë vetëm 21% e punëdhënsve e vlerësojnë arsimin universitar si kryesisht ose të përshtatur me kërkesat e tregut të punës, kurse 67% të studentëve vlerësojnë kështu. Kjo diferenve flet shumë. Dhe këtu kemi zgjedhur të veprojmë”.
Ambasadorja e Holandës në Maqedoninë e Veriut, Ozlem Canel, theksoi se vështirësitë gjatë kalimit nga arsimi në punësim janë të pranishme në mbarë Evropën. Ajo nënvizoi se diplomat nuk garantojnë gjithmonë punësim të përshtatshëm dhe se mungesa e mundësive profesionale i shtyn shumë të rinj të mendojnë për largimin nga vendi.
OZLEM CANEL – Ambasadore e Holandës në RMV
“Në të gjithë Evropën e sidomos këtu, të rinjtë përballen me një tranzicion të rëndë nga edukumi te punësimi. Shumë shpesh, diplomat nuk vlejnë për të përfituar punë adekuate, njohuritë nuk i përshtaten tregut dhe fatkeqësisht shumë të rinjë ndjejnë se migrimi është e vetmja zgjidhje! Me “NextGen CareerUp” ne duam t’u tregojmë një tjetër rrugëzgjidhje, një rrugë ku të rinjtë mund ta shohin të ardhmen për vetën e tyre këtu, bazuar në njohuritë, mundësinë dhe mbështetjen”.
Ndërkaq, kryetari i Komunës së Gostivarit, Valbon Limani, u shpreh se sfida nuk qëndron vetëm në përfundimin e arsimit, por edhe në shndërrimin e njohurive të fituara në mundësi konkrete punësimi. Ai vlerësoi se bashkëpunimi ndërmjet institucioneve, universiteteve, shkollave dhe bizneseve është thelbësor për t’u ofruar të rinjve praktikë profesionale dhe qasje më të lehtë në tregun e punës.
VALBON LIMANI – Kryetar i Komunës së Gostivarit
“Sot sfida nuk është që të rinjtë vetëm të përfundojnë arsimin, por që njohuritë e fituara t’i shndërrojnë në mungësi konkrete punësimi. Për këtë arsye, bashkëpunimi në mes të institucioneve, universiteteve dhe shkollave dhe bizneseve është thelbësor. Të rinjëve duhet të u ofrohet mundësi për praktik, për përvojë profesionale dhe qasje më e lehtë në tregun e punës”.
Në kuadër të forumit u ndanë edhe mirënjohje për bizneset që kanë pranuar praktikantë në kuadër të programit të praktikës profesionale, duke vlerësuar kontributin e tyre në krijimin e mundësive për përvojë pune dhe zhvillim profesional të të rinjve. Forumi shërbeu si hapësirë për dialog ndërmjet të rinjve dhe aktorëve kryesorë të punësimit, me synimin që njohuritë e fituara gjatë arsimimit të përkthehen në aftësi praktike dhe mundësi konkrete për të ardhmen profesionale./Tv Koha/
Vetëm katër vjeç është milioneri më i ri në Maqedoni për vitin 2025, i cili ka realizuar të ardhura prej një milion denarësh nga dividenda.
Në anën tjetër të kufirit të moshës është milioneri më i moshuar, i cili është 97 vjeç dhe të ardhurat i ka realizuar nga pensioni dhe burime të tjera.
Këto janë të dhënat më të fundit të Drejtorisë së të Ardhurave Publike (DAP), të cilat japin një pasqyrë mbi të ardhurat e qytetarëve dhe deklaratat tatimore për vitin e kaluar.
Gjatë vitit 2025 janë dorëzuar më shumë se 860 mijë deklarata tatimore, që paraqet një rritje prej 10,6 për qind krahasuar me vitin paraprak.
Numri më i madh i deklaratave është dorëzuar në Shkup, pasuar nga Shtipi, Prilepi, Manastiri, Tetova dhe Strumica.
“Interesante janë të dhënat për të ardhurat më të larta individuale. Paga më e lartë vjetore bruto arrin në 139,1 milionë denarë, ndërsa dividenda më e lartë është 252,6 milionë denarë, kurse fitimi më i lartë kapital arrin në 164,2 milionë denarë. Të ardhurat më të larta nga veprimtaria e pavarur janë 157,9 milionë denarë.
Sa i përket të ardhurave të përgjithshme nga të gjitha burimet, të ardhurat më të larta në vitin 2025 arrijnë në 257,5 milionë denarë dhe i ka realizuar një qytetar nga Gjevgjelia, përmes pagës, dividendës dhe të ardhurave të tjera të paguara nga një kompani. Pas tij renditet një qytetar nga Ohri, me 254,4 milionë denarë. Këto të ardhura tregojnë se përse është e rëndësishme që burimet e ndryshme të të ardhurave të shqyrtohen së bashku dhe jo të ndara”, tha Petrova në një takim informues me gazetarët.
Megjithatë, pagesat rekord të dividendave i kanë tejkaluar edhe këto shuma. Tri pagesat më të larta janë realizuar nga kompani me seli në Gjevgjeli, Ohër dhe Haraçinë.
Të dhënat zbulojnë dallime të mëdha në të ardhurat e qytetarëve – nga dividendat milionëshe të realizuara që në moshën katërvjeçare, deri te të ardhurat nga pensioni dhe burime të tjera të tatimpaguesve më të moshuar.
Shëndeti i qytetarëve është mbi gjithçka dhe nuk duhet të rrezikohet nga tregtia e paligjshme e barnave, ka shkruar në Facebook, Zv/Drejtori i Doganave, Mustafa Dauti, teksa ka njoftuar për një tjetër aksion anti-trafikim të Doganave.
Ekipet mobile të Doganës, në pikën kufitare të Bogorodicës, kanë parandaluar një tentativë për kontrabandimin e 29 flakonëve të barit „Xgeva“, që përdoret në trajtimin e pacientëve me sëmundje malinje, me vlerë rreth 336 mijë denarë. Gjatë rastit janë zbuluar edhe 29 kuti dhe 30 etiketa vetëngjitëse, të fshehura në kutinë e ndihmës së parë brenda një autobusi.
Barnat transportoheshin në kundërshtim me procedurat e përcaktuara për importin dhe transportin e tyre. Për rastin është ngritur kallëzim penal ndaj personit të dyshuar.
Vetëm gjatë këtij viti, Drejtoria e Doganave ka sekuestruar mbi 30.000 njësi barnash në raste të lidhura me kontrabandën.
Përtej shkeljes së ligjit, tregtimi dhe transportimi i pakontrolluar i barnave paraqet rrezik serioz për shëndetin e njerëzve. Barnat duhet të ruhen dhe të transportohen sipas kushteve të përcaktuara, në mënyrë që të garantohet siguria dhe cilësia e tyre.
Drejtoria e Doganave vazhdon angazhimin për mbrojtjen e shëndetit publik, zbatimin e ligjit dhe parandalimin e çdo forme të kontrabandës që rrezikon qytetarët.
Dje, në ora 10:40, në SPB Tetovë është raportuar se në rrugën rajonale f. Lleshkë – f. Shemshovë, rajon i Tetovës, një 44-vjeçar nga f. Kopanicë, rajon i Tetovës, duke drejtuar një mjet katërrotësh (quad) me targa të Tetovës, ka humbur kontrollin dhe është përmbysur. Me këtë rast, ai ka pësuar lëndime të rënda trupore, të konstatuara në Spitalin Klinik të Tetovës. Është kryer inspektim nga një ekip hetimor i SPB Tetovë, me ç’rast është konstatuar se ai e ka drejtuar automjetin pa patentë shoferi. Pas dokumentimit të plotë të rastit, do të pasojë parashtresë përkatëse.
……Dje, në ora 16:40, në SPB Tetovë, një 63-vjeçar nga Gostivari ka raportuar se në gardhin e shtëpisë së tij në Gostivar janë shkruar grafite. Po ndërmerren masa për pastrimin dhe zbardhjen e rastit.
……Dje, në ora 15:15, në SPB Tetovë është raportuar se në rrugën lokale f. Pallaticë – f. Ozormisht, në një arë buzë rrugës, është përfshirë nga zjarri një veturë e parkuar e pasagjerëve “Volksëagen Golf” me targa të Tetovës, pronë e një 74-vjeçari nga f. Pallaticë. Si pasojë e zjarrit, automjeti është djegur plotësisht, si dhe një sipërfaqe me bar të tharë, ndërsa ai, gjatë tentimit për të shuar zjarrin, ka pësuar djegie dhe është transportuar në Spitalin Klinik të Tetovës për ndihmë mjekësore. Zjarri është shuar nga Njësia Territoriale Kundër Zjarrit Tetovë. Është kryer inspektim nga një ekip hetimor i SPB Tetovë, me ç’rast është konstatuar se 74-vjeçari ka qenë duke pastruar arën duke ndezur barin e thatë, pas së cilës zjarri është përhapur dhe ka kapluar automjetin.
……Dje, në ora 20:35, në kryqëzimin e rrugës “Boris Kidriç” dhe rrugës “Jane Sandanski” në Tetovë, nëpunës policorë nga SPB Tetovë kanë privuar nga liria një 44-vjeçar nga Tetova. Gjatë kontrollit të trafikut, nëpunësit policorë kanë ndalur një veturë të pasagjerëve “Mercedes” me targa të Tetovës, të cilën e ka drejtuar ai, dhe pas kontrolleve të kryera është konstatuar se e ka drejtuar mjetin pa patentë shoferi. Pas dokumentimit të plotë të rastit, do të pasojë parashtresë përkatëse.
……Pas mesnate, në ora 01:40, në rrugën “Nikolla Teslla” në Tetovë, nëpunës policorë nga SPB Tetovë kanë privuar nga liria një 38-vjeçar nga Gostivari. Gjatë kontrollit të trafikut, nëpunësit policorë kanë ndalur një veturë të pasagjerëve “Renault Megane” me targa të Gostivarit, të cilën ai e ka drejtuar, dhe pas kontrolleve të kryera është konstatuar se e ka drejtuar mjetin nën ndikimin e alkoolit, respektivisht i janë matur 1,69 promilë alkool në gjak. Pas dokumentimit të plotë të rastit, do të pasojë parashtresë përkatëse.
……Sot, në ora 08:40, në Gostivar, nëpunës policorë nga DPB Gostivar kanë privuar nga liria një 44-vjeçar nga Gostivari, duke vepruar sipas një denoncimi paraprak nga partnerja e tij 45-vjeçare nga rajoni i Shkupit se i kishte drejtuar kërcënime. Sipas raportimit, ai edhe më parë ishte sjellë në mënyrë agresive dhe i kishte drejtuar kërcënime. Po ndërmerren masa për zbardhjen dhe dokumentimin e rastit.
……Sot, në ora 03:30 të mëngjesit, në rrugën “Goce Dellçev” në Gostivar, nëpunës policorë nga SPB Gostivar kanë privuar nga liria një 25-vjeçar nga Gostivari. Gjatë kontrollit të trafikut, nëpunësit policorë kanë ndalur një veturë të pasagjerëve “Chevrolet” me targa të Gostivarit, të cilën ai e ka drejtuar, dhe pas kontrollit të kryer është konstatuar se e ka drejtuar mjetin megjithëse i ishte shqiptuar masa mbrojtëse aktive “ndalesë për drejtimin e mjetit motorik”. Pas dokumentimit të plotë të rastit, do të pasojë parashtresë përkatëse.
DAP: MILIONERI MË I RI KA VETËM 4 VJEÇ – MË I MOSHUARI 97 VJEÇ!
PARANDALOHET KONTRABANDIMI I BARNAVE ME VLERË PREJ 336 MIJË DENARËSH
Kronika e zezë – Tetovë dhe Gostivar, 20 Tetor
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës