Lajme nga vendi
MICKOSKI: ZGJEDHJET NË BRVENICË NUK NDRYSHOJNË MARRËVESHJEN ME VLEN!
Kryeministri Hristijan Mickoski deklaroi se rezultatet e zgjedhjeve në Komunën e Brvenicës nuk ndikojnë në marrëveshjen me koalicionin VLEN për ndarjen e pozitave në pushtetin ekzekutiv.
Rikonstruimi i niveleve të dyta dhe të treta të pushtetit pritet të përfundojë deri në fund të nëntorit, ndërsa në dhjetor është dakorduar një takim i liderëve të koalicionit qeverisës.
I pyetur nëse VLEN-i do të marrë më pak pozita gjatë rikonstruimit pas zgjedhjeve në Brvenicë, Mickoski iu referua marrëveshjes së arritur dhe fjalës së dhënë, duke theksuar se ajo vlen deri në vitin 2028, kur janë paraparë zgjedhjet e rregullta parlamentare.
„Kjo nuk është çështje matematike, por çështje e thelbit të marrëveshjes së arritur gjatë formimit të koalicionit në qershor të vitit 2024. Nuk kam ndërmend të bëhem viktimë e politikës ditore, sepse fjala është fjalë. Marrëveshja vlen deri në vitin 2028, kur mbahen zgjedhjet e rregullta parlamentare. Kemi biseduar me udhëheqësinë e VLEN-it dhe kemi vendosur që, pasi të përcaktojmë çështjet e tjera të rëndësishme shtetërore, në nivel pune, përmes komisioneve partiake për kuadro, t’i konkretizojmë propozimet“
Nga VLEN për Tv Koha thanë se bëhet fjalë për një takim të rregullt, ku janë diskutuar çështjet aktuale politike dhe janë definuar disa procese të rëndësishme
Sipas tyre, për çështjen e Zv/Ministrave dhe Drejtorëve do të ketë një takim shtesë ditëve në vijim, kurse në dhjetor mbahet takim i rregullt i gjithë koalicionit qeveritar.
Kryeministri komentoi edhe deklaratën e liderit të ZNAM-it, Maksim Dimitrievski, se mund të largohet nga Qeveria nëse provimi i jurisprudencës mbahet edhe në gjuhën shqipe. Mickoski tha se vendimi i takon Dimitrievskit, duke përsëritur qëndrimin e tij se Qeveria është stabile./Tv Koha/
Lajme nga vendi
Alarm për sigurinë ushqimore: Kosova bllokon produktet e një qumështoreje nga Maqedonia, zbulohet bakteri E. coli!
Autoritetet e Kosovës kanë ndaluar importin e produkteve të një qumështoreje nga Maqedonia e Veriut, pasi në disa dërgesa është konstatuar prania e bakterit Escherichia coli (E. coli).
Pas këtij vendimi, Agjencia e Ushqimit dhe Veterinarisë (AUV) në Maqedoninë e Veriut ka paralajmëruar kontroll të jashtëzakonshëm inspektues në qumështoren përkatëse.
Sipas AUV-së, ndalesa është vendosur në fillim të nëntorit, por institucioni pretendon se nuk ka marrë njoftim zyrtar nga autoritetet kosovare.
Ende nuk dihet emri i qumështores, cilat produkte janë të prekura dhe nëse të njëjtat seri janë shitur edhe në tregun vendor.
Lajme nga vendi
61 shqiptarë dhe 105 maqedonas janë punësuar së fundi në institucionet shëndetësore në Kumanovë
Anëtari i VLEN në Kumanovë, Orhan Kurtishi ka publikuar shifrat e punësimit të shqiptarëve dhe maqedonasve në këto institucione.
Sipas Kurtishit, në Shtëpinë e Shëndetit, Qendrën e Shëndetit Publik dhe Spitalin e Përgjithshëm në Kumanovë janë gjithsej 105 të punësuar maqedonas dhe 61 shqiptarë.
Ai ka paraqitur edhe ndarjen sipas institucioneve:
* Shtëpia e Shëndetit: 36 shqiptarë dhe 6 maqedonas.
* Qendra e Shëndetit Publik: 11 shqiptarë dhe 1 maqedonas.
* Spitali i Përgjithshëm: 14 shqiptarë dhe 98 maqedonas.
Kurtishi ka bërë të ditur se në periudhën e ardhshme pritet punësimi edhe i 15 shqiptarëve, në bazë të një marrëveshjeje politike.
“Para argumenteve të gjithë heshtin, përveç propagandës së lodhur të BDI-së”, ka shkruar Kurtishi, duke iu përgjigjur kritikave të opozitës.
Sipas tij, VLEN është ende në mandatin e parë qeverisës, i cili nuk ka përfunduar, ndërsa ka kërkuar që para publikimit të akuzave për skandale, të verifikohen shifrat dhe të bëhen llogaritë.(INA)
Lajme nga vendi
Skandal milionësh në TEC “Manastir”! Ish-drejtori dënohet me burg, ndërmarrjes iu shkaktuan 2.9 milionë euro dëme!
Ish-drejtori i TEC “Manastir”, Pece Matevski, është dënuar me dy vjet burg për shpërdorim të detyrës zyrtare në një tender publik, që i shkaktoi ndërmarrjes dëme prej rreth 2.9 milionë eurosh.
Sipas vendimit të shkallës së parë të Gjykatës Themelore në Manastir, parregullsitë lidhen me një tender të vitit 2022, me vlerë mbi 11 milionë euro, për nxjerrjen e djerrinës në minierën Brod Gneotino.
Gjykata konstatoi se përjashtimi i ofertës më të lirë të kompanisë “Granit” favorizoi kompaninë “Rud Kop”, duke dëmtuar financiarisht termocentralin.
Gjashtë persona të tjerë morën dënime me kusht, ndërsa tre anëtarë të Komisionit të Prokurimit Publik u liruan nga akuzat.
Alarm për sigurinë ushqimore: Kosova bllokon produktet e një qumështoreje nga Maqedonia, zbulohet bakteri E. coli!
61 shqiptarë dhe 105 maqedonas janë punësuar së fundi në institucionet shëndetësore në Kumanovë
Skandal milionësh në TEC “Manastir”! Ish-drejtori dënohet me burg, ndërmarrjes iu shkaktuan 2.9 milionë euro dëme!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKa ndërruar jetë Flora Brovina, një nga figurat e njohura të jetës politike dhe shoqërore në Kosovë
-
Lajme nga rajoni2 months agoThaçi e Krasniqi dënohen me nga 25 vjet burgim, Veseli 18 e Selimi 13
-
Lajme nga vendi2 months agoSot protestohet në Shkup për katërshen e UÇK-së