VLEN thotë se me projektin për ndërtimin e parkingut nëntokësor  te Sheshi “Skënderbeu”, më në fund do t’i jepet zgjidhje problemit shumëvjeçar të mungesës së hapësirave për parkim në Çair dhe rrethinën e Çarshisë së Vjetër. “Ky është një investim që u shërben drejtpërdrejt qytetarëve, bizneseve dhe ofertës turistike të këtij rajoni unik të Shkupit. Ky investim do të dyfishojë volumin e punës në Çarshinë e Vjetër”, në nga VLEN.

Kumtesa e plotë:

Projekti parasheh parking sipas standardeve bashkëkohore me kapacitet për qindra automjete, çka do të çlirojë hapësira publike dhe do të krijojë rregull në komunikacion. Investimi, i vlerësuar në disa miliona euro, do të financohet nga buxheti i shtetit, gjë që dëshmon qartë përcaktimin e Qeverisë për të investuar në infrastrukturë që mbetet përfitim i qëndrueshëm për qytetarët. Në këtë mënyrë, përmirësohet siguria në trafik, lehtësohen kushtet për bizneset lokale dhe mbështetet zhvillimi i turizmit në Çarshinë e Vjetër.

Investime të tilla, në kohën e BDI-së, nuk mund të mendoheshin as për Çairin, as për Tetovën, as për Strugën. Sot, Qeveria e VLEN-it dëshmon se është partner i vërtetë strategjik i komunave ku jetojnë shqiptarët, duke orientuar mjete dhe vëmendje drejt nevojave reale të tyre.

Qëndrimi ynë është i qartë: do të vazhdojmë të investojmë në infrastrukturë, shërbime publike dhe zgjidhje urbane që e përmirësojnë jetën e përditshme të qytetarëve. Këto projekte janë pjesë e vizionit më të gjerë për modernizim dhe zhvillim, por edhe simbol i një politike të re, politikë veprash, e jo fjalësh boshe.

Advertisement

Qeveria e VLEN-it do të vazhdojë të ndërtojë bashkëpunimin ndërmjet pushtetit qendror dhe vetëqeverisjes lokale. Vetëm përmes këtij partneriteti mund të sigurojmë kushte të barabarta për të gjithë qytetarët dhe t’i ngremë komunat me popullatë shumicë shqiptare në nivelin që për vite të tëra ishte i kontestuar dhe i lënë pas dore.

MPB njofton se ka ndaluar një 27-vjeçar nga Shkupi i cili dyshohet se ka kryer veprën penale “Prodhim dhe shpërndarje të pornografisë me fëmijë”.

“Më 21.08.2025, Sektori për Krimin Kibernetik në kuadër të MPB-së ngriti një kallëzim penal në Prokurorinë Publike të Shkupit kundër F.M. (27) nga Shkupi, për kryerjen e veprës penale “Prodhim dhe shpërndarje të pornografisë me fëmijë”.

Pas marrjes së informacionit nga policia në Gjermani për një hetim për abuzim seksual të fëmijëve dhe posedim dhe shpërndarje të materialeve të abuzimit seksual të fëmijëve, si dhe faktit se bëhej fjalë për një profil në aplikacionin “Telegram”, me numër telefoni dhe adresë IP nga Republika e Maqedonisë, Sektori për Krimin Kibernetik i Ministrisë së Brendshme ndërmori masa dhe aktivitete për mbledhjen e provave, dhe pas identifikimit të përdoruesit, më 20.08.2025, pas marrjes së një Urdhri nga Gjykata Themelore Penale e Shkupit për bastisje të një shtëpie dhe ambienteve ndihmëse, një Urdhri për bastisje të një sistemi kompjuterik dhe të dhënave kompjuterike dhe një Urdhri për sekuestrim të përkohshëm të të dhënave kompjuterike, policia nga Sektori për Krimin Kibernetik ka kryer bastisje në shtëpinë e F.M. (27), gjatë së cilës u gjetën dhe u sekuestruan sende për procedura të mëtejshme.

F.M. u ndalua në Stacionin Policor të Gazi Babës dhe u njoftua Prokurori Publik për procedura të mëtejshme”, thuhet në njoftimin e MPB-së.

Në 24 orët e fundit, deri në orën shtatë të mëngjesit, në territorin e vendit janë regjistruar gjithsej 27 zjarre në hapësirë të hapur. Prej tyre tetë janë aktive, informojnë nga Qendra për Menaxhim me Kriza (QMK).

Aktive janë zjarret në territorin e komunës së Makedonski Brodit, Prilep, Dollnen, Rosoman, Kërçovë, Studeniçan, Veles dhe komuna e Sopishtës.

Zjarret e shuara kanë qenë në territorin e komunave Mavrovë – Rostushë, Bogovinë, Strugë, Kërçovë, Likovë, Nagoriçan i Vjetër, Dollnen, Kratovë, Studeniçan, Gazi Babë, Ilinden, Vasilevë, Gjevgjeli, Strugë, dy në rajonin e Gjorçe Petrovit dhe tre në rajonin e Kumanovës.