Lajme nga vendi
Kasami: Kovaçevski nuk ka kapacitet për të udhëhequr me Qeverinë
Kryeministri i vendit e dhe njëherë përkujtoi në rendësin e ndryshimeve kushtetuese, duke rikujtuar se ky nuk do të jetë vendimi i fundit që duhet ta miratojnë deputetët në rrugën e vendit drejtë BE-së. Sipas tij deputetët i presin edhe një sërë vendimesh të rënda. Ndërkohë që nënvizoi se çdo kundërshtim i këtyre vendimeve përfshi edhe ato kushtetuese nënkupton vendim kundër ardhmërisë evropiane të vendit. Për kryeministrin Dimitar Kovaçevski janë të papranueshme kushtëzimet e ndryshimeve kushtetuese me zgjedhje të parakohshme parlamentare,. I pyetur për deklaratat e djeshme të kreut të Lëvizjes Besa, Bilall Kasami, Kovaçevski tha se zgjedhje do të ketë në vitin 2024.
“Levica tanimë ka marr pengë VMRO-DPMNE-në, unë nuk dua të besoj se zoti Kasami është vënë në pozicion që të bëhet peng i Levicës. E përsëris dhe njëherë se do të ketë numër të madh të vendimeve të cilat do të duhet të miratohen në Kuvend, ndryshimet kushtetuese nuk janë vendimi i fundit, dhe kushtëzimi i atyre vendimeve për ardhmërinë e këtij vendi dhe gjeneratave të ardhshme që të jetojnë në Bashkimin Evropian, ku ka prosperitet ekonomik, ku ka drejtësi sociale nënkupton frenim të ardhmërisë së vendit”, deklaroi Dimitar Kovaçevski, kryeministër.
Mënjëherë ka reaguar kryetari i Lëvizjes Besa Bilall Kasami.
“E kuptojmë që kryeministri Kovaçevski është në situatë të pa lakmueshme dhe duke mos pasur kapacitetin politik dhe legjitimitetin për të udhëhequr me Qeverinë e vendit, ai devijon qëndrimet politike të Lëvizjes BESA. Kërkesa për zgjedhje të parakohshme parlamentare është kërkesë e shumicës së qytetarëve, pasi që kjo qeveri nuk buron nga legjitimiteti i marrë nga zgjedhjet e fundit parlamentare, prandaj nuk duhet që kryeministri t’i përzien tezat për ndryshimet kushtetuese dhe zgjedhjet e parakohshme. Ndërsa, kur flasim për ndryshimet kushtetuese, Lëvizja BESA edhe njëherë riafirmon qëndrimin e saj se kërkon që të hiqet termi “20%” dhe të zëvendësohet me termin “gjuha shqipe”. I nderuar kryeministër, çdo kush që është kundër gjuhës së një populli e sidomos në rrethanat e Maqedonisë së Veriut detyrimisht është edhe kundër vlerave evropiane dhe Bashkimit Evropian, thuhet në reagimin me shkrim të kryetarit të Lëvizjes Besa, Bilall Kasami.
Ndërsa nga VMRO-DPMNE thonë se mbështesin çfarëdo iniciative të sinqertë për rrëzimin e pushtetit.
“Mendojmë se zgjedhjet e jashtëzakonshme gjatë vitit të ardhshëm janë të pashmangshme, për shkak se situatat janë alarmante dhe do të kemi situatë edhe më dramatike, kemi ende vend të bllokuar në korrupsion, krim dhe krizë ekonomike, vend pa negociata në BE dhe me një sërë kushtëzimesh që të njëjtat të fillojnë, mirë do të ishte që Kovaçevski vetë të tërhiqet dhe të mos e rrezikojnë më tepër shtetin”, deklaroi Vllado Misajllovski, nënkryetar i VMRO-DPMNE-së.
Ministri i Punëve të Jashtme, Bujar Osmani, ka paralajmëruar intensifikimin e konsultimeve për ndryshimet kushtetuese për javën e ardhshme. Duke iu përgjigjur pyetjes së gazetarëve, kreu i diplomacisë tha se procesi do të nisë në momentin që të krijohet një shumicë prej dy të tretash. Ai ka sqaruar se pikërisht për votimin e parë nga tre të parapara, sipas procedurës për ndryshime kushtetuese, pra për nevojën e ndryshimit të Kushtetutës, nevojitet një shumicë prej 80 deputetësh. Osmani shprehu besimin se ndryshimet kushtetuese për hyrjen e bullgarëve, kroatëve dhe malazezëve do të votohen vitin e ardhshëm.
Lajme nga vendi
Mickoski: Fatura elektronike po futet në përdorim – një fund për kompanitë dhe individët fantazmë
Kryeministri Hristijan Mickoski sot mori pjesë në prezantimin e faturës elektronike, e cila sipas tij do të paraqes një fund për kompanitë dhe individët fantazmë që kanë keqpërdorur miliona euro para publike.
“Sot mora pjesë në një takim pune ku u prezantua instrumenti i faturës elektronike në ambientet e Zyrës së të Ardhurave Publike. Sistemi i faturës elektronike po futet në përdorim – një fund për kompanitë dhe individët fantazmë që kanë thithur qindra miliona euro para publike nga Buxheti. Falënderoj DAP-in, drejtoreshën, ekipin e saj, Ministren e Financave që më në fund pas më shumë se 10 vitesh, filloi dhe zbatimi do të fillojë më 1 korrik”, ka shkruar Mickoski në FB.
Lajme nga vendi
Forcimi i bashkëpunimit ekonomik: Takim i ministrit Besar Durmishi me u.d. Ambasador i Katarit, E.T. Rashid Bin Said Al-Kajarin
Ministri i Ekonomisë dhe Punës, Besar Durmishi realizoi sot takim protokollar me ushtruesin e detyrës Ambasador i Shtetit të Katarit në Republikën e Maqedonisë së Veriut, E.T. Rashid bin Said Al-Kajarin.
Të dy bashkëbiseduesit diskutuan për avancimin e mëtejshëm të marrëdhënieve ekonomike mes dy vendeve. Theks i veçantë është vënë në thellimin e bashkëpunimit në fushën e investimeve, punësimit dhe projekteve infrastrukturore me interestëndërsjellë.
Gjatë bisedës u theksua nevoja e avancimit të shkëmbimit tregtar, si dhe thellimin e bashkëpunimit në sektorët si agrobiznesi, industria përpunuese, logjistika, TIK dheturizmi.
Ministri Durmishi konfirmoi gatishmërinë e Ministrisë së Ekonomisë dhe Punës për të qenë partner aktiv dhe në shërbim të investitorëve të Katarit, si dhe për të siguruar mbështetje në realizimin e projektevekonkrete.
Takimipërfundoi me përcaktim të përbashkët për rritjen e dinamikës ekonomike dhe forcimin e marrëdhënieve dypalëshe midis Republikës së Maqedonisë së Veriut dhe Shtetit të Katarit.
Lajme nga vendi
Snopçe pyet qeverinë: A do ta shfuqizoni vendimin për uljen e numrit të këshilltarëve pas vendimit të Gjykatës Kushtetuese?
Deputeti i Aleancës për Shqiptarët, Halil Snopçe, në seancën e fundit të Kuvendit ka ngritur një çështje të rëndësishme që ka të bëjë me legjitimitetin e vendimit të qeverisë për uljen e numrit të këshilltarëve nëpër Komuna, duke u mbështetur në vendimin e fundit të Gjykatës Kushtetuese, e cila konstatoi se ndarja e popullsisë në rezidentë dhe jorezidentë ishte kundërkushtetuese.
“E pyeta kryeministrin nëse qeveria do ta shfuqizojë vendimin për uljen e numrit të këshilltarëve në Komuna, tani që Gjykata Kushtetuese ka shfuqizuar metodologjinë e regjistrimit që bazohej në ndarjen antikushtetuese të popullsisë”, – deklaroi Snopçe.
Sipas deputetit, Gjykata Kushtetuese e ka bërë të qartë se drejtori i Entit Shtetëror të Statistikave ka tejkaluar kompetencat, duke ndarë popullsinë në mënyrë të paligjshme.
“Si pasojë, vendimi i qeverisë për uljen e numrit të këshilltarëve nga ky moment është i pavlefshëm”, – shtoi ai.
Megjithatë, përgjigja e kryeministrit, sipas Snopçes, ishte befasuese dhe e pakuptimtë:
“Përgjigja e kryeministrit ishte e çuditshme. Ai potencoi se Gjykata Kushtetuese nuk mund të jetë ligjvënës, se nuk mund të tregojë se si duhet të punohet, por vetëm të deklarohet për zgjidhjet ligjore. Kjo është relativizim i rrezikshëm i një vendimi të prerë gjyqësor”, – theksoi deputeti.
Ai nënvizoi se standardi i dyfishtë është i papranueshëm:
“Nëse për ‘balansuesin’ dhe për gjuhën shqipe thuhet se duhet të respektohen vendimet e gjykatës, atëherë pse nuk respektohet ky vendim që ndikon direkt në përfaqësimin e drejtë të shqiptarëve në pushtetin lokal?”, – pyeti Snopçe.
Në fund, Snopçe lëshoi edhe një apel publik për VLEN-in, që është pjesë e shumicës qeveritare:
“Kërkojmë prononcim edhe nga VLEN-i. A do të inicojnë ndryshimin e vendimit të qeverisë, apo si zakonisht do të heshtin dhe do të pajtohen me kryeministrin në heshtje?”
Mickoski: Fatura elektronike po futet në përdorim – një fund për kompanitë dhe individët fantazmë
Forcimi i bashkëpunimit ekonomik: Takim i ministrit Besar Durmishi me u.d. Ambasador i Katarit, E.T. Rashid Bin Said Al-Kajarin
Snopçe pyet qeverinë: A do ta shfuqizoni vendimin për uljen e numrit të këshilltarëve pas vendimit të Gjykatës Kushtetuese?
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi2 years ago
Kovaçevski paralajmëroi drejtor të ri të Drejtorisë për Zbatimin e Sanksioneve