Connect with us

Lajme nga vendi

Vonohet referendumi kundër lojërave të fatit

Published

2 years ago

on

Nga Lëvizja Anti-Bixhoz kërkojnë që të mos ketë zhagitje për referendumin sepse gjatë verës mbajtja e tij do të mund të dështonte shkaku i pushimeve verore. Nga dita kur duhet që të kalojë në këshill pika për organizimin e referendumit e deri në mbajtjen e tij duhet të kalojnë jo më shumë se 45 ditë

Urim HASIPI

Tetovë, 3 maj – Lëvizja Anti Bixhoz është kundër që të organizohet edhe një debat publik në këshillin e komunës së Tetovës për mbajtjen e referendumit për të larguar nga qyteti objektet e lojërave të fatit. Këto qëndrime janë bërë publike, pasi që edhe në seancën e fundit të këshillit të komunës së Tetovës nuk është vendosur në rend dite pika për organizimin e referendumit. Përderisa nga komuna e Tetovës thonë se do të duhet të mbahet edhe një debat publik në këshillin e komunës, nga Lëvizja Anti Bixhoz pohojnë se kanë përfunduar të gjitha takimet me këshilltarët dhe është mbajtur një debat ku konkluzat janë dorëzuar në komunën e Tetovës. “Ka vonesë të qëndrimeve të komunës rreth mbajtjes së referendumit. Ne para ca ditësh patëm takim me gjithë këshilltarët dhe hasën mirëkuptim nga gjitha partitë politike. Tani kemi lënë takim tjetër për caktimin e datës së referendumit. Nuk duhet mbajtur më debat publik pasi që Lëvizja Anti bixhoz e mbajti debatin dhe konkluzionet dhe qëndrimet i janë dorëzuar komunës dhe tani presim që këto të kalojnë në këshillin e komunës së Tetovës”, tha Jushi Emërllahu nga Lëvizja Anti Bixhoz.

Nga komuna e Tetovës, thonë se do të duhet që edhe njëherë të ulen të diskutohen të gjitha mundësitë dhe hapat që do të ndërmerren për organizimin e referendumit. Një takim është lënë për më 20 maj. “Që të del me sukses qoftë procedura e referendumit apo nismës qytetare, e kemi lënë edhe një takim më 20 maj, gjithë palët bashkë që edhe një herë t`i diskutojmë gjitha mundësitë dhe hapat që do marrim. Komuna ka të drejtë ta realizoj por duke ditur historikun e zgjedhjeve deri më tani si kanë dalë zgjedhjet, ku asnjëherë nuk ka qenë mbi 50 për qind, ndërsa për të qenë i suksesshëm referendumi dalja duhet qenë mbi 50 për qind. Andaj kemi biseduar gjithë bashkë nëse do ia dalim të nxjerrim mbi 50 për qind të qytetarëve. Kështu që pasi të takohemi bashkë, ndoshta do bëjmë dhe një debat publik, ku do ftojmë gjitha palët që pasi të marrim një hap të tillë të del i suksesshëm”, tha Besar Durmishi, kryetar i këshillit të komunës së Tetovës.

Nga Lëvizja Anti Bixhoz kërkojnë që të mos ketë zhagitje për referendumin sepse gjatë verës mbajtja e tij do të mund të dështonte shkaku i pushimeve verore. Nga dita kur duhet që të kalojë në këshill pika për organizimin e referendumit e deri në mbajtjen e tij duhet të kalojnë jo më shumë se 45 ditë. Prandaj, edhe nga Lëvizja Anti Bixhoz kërkojnë që sa më shpejtë të jetë në rend dite kjo çështje, kurse për organizimin e referendumit sipas përllogaritjeve komuna duhet të ndajë një buxhet prej 6 milion denarëve.

Advertisement

Ndërkaq, për nesër është paralajmëruar protestë kundër hapjes së një kazinoje në afërsi të shkollës në fshatin Siniçan, ndërsa kjo protestë është përkrahur edhe nga Lëvizja Anti Bixhoz. KOHA

Related Topics:
Advertisement

Lajme nga vendi

E mashtroi se do t’ia punësojë djalin në MPB dhe i mori 22.500 euro, kallëzim penal ndaj një 43-vjeçare nga Manastiri

Published

58 seconds ago

on

July 2, 2025

By

Sektori për Punë të Brendshme në Manastir ka ngritur kallëzim penal në Prokurorinë Themelore Publike të Manastirit kundër M.L. (43) nga Manastiri.

Kjo për shkak të ekzistimit të dyshimeve të bazuara se ajo ka kryer vepër penale “mashtrim” sipas nenit 247 të Kodit Penal.

Konkretisht, e akuzuara në periudhën nga 15.09.2024 deri më 15.04.2025, me qëllim që të përfitojë dobi pasurore të kundërligjshme, e ka futur në lajthitje një person 64-vjeçar nga Manastiri, përkatësisht i është paraqitur në mënyrë të rreme se është e punësuar në MPB dhe se do t’i ndihmojë djalit të tij të punësohet në Ministrinë e Brendshme, si dhe për procedura të tjera”.

“I dëmtuari i ka paguar asaj para në disa raste në shumë totale prej 22.500 euro”, thonë nga MPB.

Continue Reading

Lajme nga vendi

Mbi 600 persona vazhdojnë të mbeten fantomë, Limani: Kjo çështje është hapur në Qeveri, po kërkohet zgjidhje

Published

4 minutes ago

on

July 2, 2025

By

Numri i personave fantomë në shtet vazhdon të mbetet alarmant. Autoritet pavarësisht rekomandimeve të institucioneve, vazhdojnë të mbajnë pezull qytetarët pa status juridik me shtetin. Ministri i Politikës Sociale, Demografisë dhe të Rinjve, Fatmir Limani tha se po punohet për identifikimin dhe pajisjen e tyre me dokumente, por që sipas tij, kjo nuk është çështje që tangon vetëm një ministri.

“Çështja e nënshtetësisë nuk ka të bëjë vetëm me ministrinë tonë, është një nga problematikat e cila zen të gjitha ministritë tjera. Jemi në kontakt edhe me kryeministrin edhe me ministritë e tjera për të gjetur zgjidhje sa më të shpejtë këtë problematikë e cila nuk është më e viteve të fundit por është shekullore”, u shpreh Fatmir Limani, Ministër për Politikë Sociale, Demografisë dhe të Rinjve.

Avokati i Popullit para disa muajsh përmes një regjistri nxori në pah këtë problematikë. Sipas tij, përskaj ndryshimeve ligjore me të cilat u thjeshtësuan dhe përshpejtuan procedurat për regjistrimin në librat amë dhe pajisja me certifikata, në Maqedoninë e Veriut vazhdojmë të kemi mbi 600 persona fantomë. Ai pati thënë se një numër i madh i këtyre personave janë viktimë e mënyrës së funksionimit të Institucioneve. Për shkak të mos evidentimit, në vitin 2023, një person nga Shkupi, mbeti për gati 10 ditë në morg dhe familja nuk kishte mundësi të kryente ceremoninë mortore. Kuvendi ka miratuar ndryshimet ligjore si pako edhe atë në: Ligjin për letërnjoftimet, Ligjin për evidencën amë dhe Ligjin për paraqitjen e vendbanimit dhe vendqëndrimit. Pavarësisht miratimit të tyre, kjo çështje mbetet e pazgjidhur. /Alsat.mk

Continue Reading

Lajme nga vendi

“Ngjyra e emocione në vargje poetike, poet evropian dhe shqiptar”

Published

15 minutes ago

on

July 2, 2025

By

Orë letrare e realizuar nga Departamentiit ë Rinjëve i Shoqatës së Shkrimtarëve Oeneum në Tetovë të titulluar “Ngjyra e emocione në vargje poetike, poet evropian dhe shqiptar”. Një udhëtim I thellë në botën e brendshme të çdo individi, ku emocionet marrin formë dhe ngjyrë. Aktiviteti kulturor u mbajt në hapësirat e Qendrës ballkanike “Loja” në Tetovë duke ofruar një platform frymëzuese për të rinjtë krijues.
Sadije Aliti, kryetare e Shoqatës së Shkrimtarëve Oeneum, në fjalën përshëndetëse theksoi se ky është një aktivitet letrar që është hartuar dhe organizuar nga departamenti i krijuesve të rinj, janë përzgjedhur poet evropian dhe shqiptar që kanë lënë gjurmë e vlera në krijimtarinë poetike pa mos shënuar një epokë të caktuar se kur kanë jetuar e krijuar, me të vetmen ide që të afrohen brezat krujes si urë lidhëse e së nesërmes.
Qëllimi i këtij manifestimi është të krijojë një bashkëpunim ndërlidhës mes traditës poetike evropiane dhe shqiptare, duke sjellë për mes zërit të të rinjve një mozaik emocionesh, reflektimesh dhe frymëzimi, të nxisë kreativitetin dhe shprehjen artistike të të rinjve. Poezitë e përzgjedhura nga autor evropian dhe shqiptar u deklamuan nga krijuesit e rinj, ndërsa pjesa e dytë e aktivitetit nxorri në skenë krijuesit tetovar me vargjet e tyre, ata krijues që ishin të pranishëm në aktivitet. Ky aktivitet letrar u koordinua nga krijueset e reja tetovare Merita Isaki dhe Azra Alija. Pika muzikore me flautë luajti Merita Emurllai, e cila edhe e moderoi këtë aktivitet dhe në kitarë Donjeta Rexha.

Të gjithë pjesëmarrësit shijuan krijimet më të bukura të përzgjedhura, zbuluan botën e brendshme, duke interpretuare mocionet e ndryshme për mes gjuhës së artit me një mundësitë shkëlqyer për të ndarë perspektivat unik edhe për të festuar diversitetin e shprehjes.
Nga sektori për informim: Sh Sh Oeneum, Tetovë

Continue Reading

Më të lexuarat