Lajme nga vendi
NË TETOVË MBAHET KONFERENCË NDËRKOMBËTARE KUSHTUAR PAQES | VIDEO
Në Tetovë, në hotel Merkur, është mbajtur konferenca Ndërkombëtare e Paqës që u organizua nën ombrellën e Organizatës Botërore të Ambasadorëve të Paqes. Kancelari evropian Gjusepe Prete, tha se qëllimi i përhershëm i Organizatës Botërore të Ambasadorëve të Paqes është paqa botërore. Ai nënvizoi se viteve të fundit është punuar në drejtim të asa që mesazhi ynë për paqe të pranohet nga të gjithë dhe në këtë drejtim është arritur shumë përparim, transmeton Televizioni KOHA.
“Një mision i vërtetë jetësor për Organizatën tonë që gjithmonë ka dashur dhe ka punuar për paqen në botë. Në një shoqëri plot konflikte dhe dhunë të të gjitha llojeve,Organizata jonë shquhet për punën e saj fantastike ndërkombëtare. Një mision i vërtetë jetësor për atë që gjithmonë ka dashur dhe ka punuar për paqen në botë. Në një shoqëri plot konflikte dhe dhunë të të gjitha llojeve, Ëoa shquhet për punën e saj fantastike ndërkombëtare.Kjo është një organizatë që synon paqen ndërkombëtare. Vitet e fundit jemi përpjekur dhe ia kemi dalë të arrijmë në shumë vende të Europës, por edhe më gjerë, në mënyrë që mesazhi ynë të njihet dhe të pranohet nga të gjithë.Sepse vetëm duke punuar së bashku mund të ndërtohen ura për të ribashkuar çdo vend të thyer nga luftërat dhe politikat jopacifiste.U deshën vite punë, por ne po rritemi gjithnjë e më shumë dhe kjo është një shenjë e mirë duke pasur parasysh ndjenjën e paqes që po përhape”, tha Gjusepe Prete, kancelar evropian, transmeton Televizioni KOHA.
Për ambasadorët e Paqes, ky organizim ka një rol të veçantë që të dërgohet mesazhi për paqe në mbarë botën.
Krahas përfaqësuesve nga vendi, në këtë konferencë kishte të pranishëm edhe përfaqësues edhe nga Kosova. Organizatorët për Televizionin KOHA thanë se Tetova është përgjzedhur që të mbahet ky samit për shkakun se Tetova është dëshmuar se është një qytet i paqes, thotë Rabit Sadiku, ambasador i Paqes nga Kosova.
Në konferencën e sotme kushtuar paqës që u mbajt në Tetovë morën pjesë personalitete të rëndësishme nga shumë sfera, në mesin e tyre, pronarë të mediave, gazetarë, kryetar të komunave, nga organizata joqeveritare e kështu me rradhë, të cilët vlerësuan rolin e paqes në shoqëri duke thënë se bota ka nevojë për solidaritet dhe harmoni mes njerëzve. /Televizioni KOHA/
Në Universitetin “Shën Kirili dhe Metodi” në Shkup, u mbajt Forumi i Parë Vjetor për Cilësinë në Arsimin e Lartë, në të cilin mori pjesë Rektori i Universitetit të Tetovës Prof. Dr. Jusuf Zejneli.
Ky forum kishte për qëllim shpërndarjen e përvojave dhe arritjeve të deritanishme në zbatimin e sistemit të ri për ndjekjen dhe përmirësimin e cilësisë në arsimin e lartë, në përputhje me standardet kombëtare dhe ato të Shoqatës Evropiane për Sigurimin e Cilësisë në Arsimin e Lartë.
Gjatë punimeve u prezantuan praktikat më të mira të njësive universitare, si dhe hapat e ardhshëm për zhvillimin e arsimit të lartë dhe rritjen e cilësisë.
Një nga pikat më të rëndësishme të forumit ishte thellimi i bashkëpunimit ndërmjet komunitetit akademik dhe sektorit të biznesit, me qëllim krijimin e një sistemi arsimor më të përshtatur dhe më relevant për nevojat e tregut të punës.
Forumi përfundoi me diskutime të frytshme dhe me qëllime të përbashkëta për forcimin e standardeve akademike dhe bashkëpunimit institucional në fushën e arsimit të lartë.
Wizz Air, prej sot dhe nesër fillon fluturime në pesë destinacione të reja – Bari, Stokholm, Madrid, Larnaka dhe Bazel, të cilat do të operojnë nga Aeroporti Ndërkombëtar i Shkupit dhe Aeroporti Shën Pali Apostull në Ohër, njoftoi TAV Macedonia, transmeton Portalb.mk.
Fluturimi i parë në linjën e re Shkup-Stokholm u nis nga Aeroporti i Shkupit këtë mëngjes në orën 6:05 të mëngjesit, dhe destinacioni i tij është aeroporti kryesor në kryeqytetin suedez – Arlanda.
Fluturimi i Wizz Air nga Shkupi për në qytetin e Barit në bregdetin italian është planifikuar për sot pasdite në orën 14:40, ndërsa aeroplani për në Bazel, Zvicër, është planifikuar të niset nga Aeroporti i Ohrit saktësisht në mesditë.
Linja e re Shkup-Madrid do të fillojë gjithashtu nesër (28 tetor), me fluturimin e parë në orën 16:05. Kthimi i linjës Shkup-Larnaka do të fillojë me një fluturim që mbërrin nga Larnaka në Shkup nesër në orën 7:15.
Fluturimet që fillojnë sot, 27 tetor, nga Shkupi për në Stokholm dhe për në Bari, si dhe nga Ohri për në Bazel, do të operohen dy herë në javë, pra çdo të hënë dhe të premte.
Linjat që do të fillojnë nesër – nga Shkupi për në Madrid, do të zhvillohen çdo të martë, të premte dhe të shtunë, ndërsa nga Shkupi për në Larnaka – të martën dhe të shtunën.
TAV Macedonia thotë se presin një vëllim të madh të trafikut të pasagjerëve në të pesë linjat e reja të Wizz Air, duke marrë parasysh faktin se të gjitha këto qytete janë destinacione tërheqëse turistike që ishin të kërkuara nga pasagjerët.
Nga pesë linjat e reja që fillojnë sot dhe nesër, Madridi dhe Bari janë destinacione krejtësisht të reja për tregun maqedonas, pra kryeqyteti i Maqedonisë do të lidhet për herë të parë me kryeqytetin spanjoll dhe qytetin bregdetar italian.
Larnaka dhe Bazeli janë linja të rivendosura, ndërsa Shkupi – Stokholmi është e re sepse Wizz Air tani do të fluturojë për në aeroportin kryesor në metropolin suedez – “Arlanda”.
“ Besoj se do t’i shijoni destinacionet e reja, dhe ne nuk po ndalemi këtu, jemi të përkushtuar të ofrojmë sa më shumë destinacione të jetë e mundur nga të dy aeroportet dhe jam i sigurt se gjëra edhe më emocionuese na presin”, tha drejtori i përgjithshëm i TAV Macedonia, Nexhat Kurt, në një deklaratë me shkrim.
Përveç pesë linjave të reja që fillojnë sot dhe nesër, Nikolloski njoftoi se më 3 nëntor do të fillojnë edhe fluturimet për në Gjenevë, e cila, sipas tij, është një destinacion jashtëzakonisht i rëndësishëm, sepse përveç turistëve, pritet të sjellë biznesmenë në Shkup. Fluturime direkte për në Pragë dhe Këln duhet të futen gjithashtu nga 15 dhjetori.
Komisioni Rregullator për Energjetikë (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 0,88 % në raport me vendimin e datës 20.10.2025.
Nga data 28.10.2025, ora 00:01 çmimet maksimale të derivateve të naftës do të jenë:
EUROSUPER BS – 95 73,50 (denarë/litër)
EUROSUPER BS – 98 75,50 (denarë/litër)
EURODIZEL BS (D-E V) 68,00 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 36,057 (denarë/kilogram)
Çmimet e shitjes me pakicë të benzinës EUROSUPER BS-95 dhe EUROSUPER BS-98 rriten për 0,50 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 1,00 denarë/litër.
Çmimi i shitjes me pakicë i Мazutit М-1 SU rritet për 0,010 den/kg dhe do të jetë 36,057 den/kg.
Theksojmë se këto janë çmimet maksimale të derivateve të naftës nga ora 00:01 e datës 28.10.2025.
UT – pjesë thelbësore e Forumit të Parë Vjetor për Cilësinë në Arsimin e Lartë
Wizz Air nisi pesë linja të reja nga aeroportet e Shkupit dhe Ohrit
REALI FITON EL KLASIKON KUNDËR BARCELONËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
