Lajme nga vendi
Studentët kanë nevojë për digjitalizim të universiteteve dhe uljen e ngarkesës financiare gjatë studimeve
Studentët kanë nevojë për përmirësimin e kushteve të studimit përmes zvogëlimit të ngarkesës financiare dhe digjitalizimit, njëherësh kërkojnë edhe pagesën në kohë të bursave, u theksua në Forumin e sotëm studentor organizuar nga Forumi për ndryshime në arsim.
Drejtori ekzekutiv i Forumit për ndryshime në arsim, Blendi Hodai theksoi se aktiviteti i sotëm ka për qëllim krijimin e një platforme përmes së cilës do të diskutohen këto probleme për të gjetur zgjidhje më të lehtë.
“Qëllimi i aktivitetit të sotëm është krijimi i një platforme përmes forumit studentor ku të gjithë studentët e universiteteve publike dhe private do të mblidhen për të diskutuar mbi problemet me të cilat përballemi dhe zgjidhjet që duhet të ndërmarrim. Nga ana tjetër, më vjen mirë që dje shtatë universitete në vend nënshkruan deklaratë të përbashkët për krijimin e trupit kombëtar studentor i cili do të jetë një platformë legjitime joformale ku ata do të bëhen bashkë për të forcuar kapacitetet e tyre dhe përfaqësuesit e studentëve do të kenë mundësinë më lehtë të paraqesin problemet e studentëve, tha Hodai.
Ai shtoi se në periudhën e kaluar janë bërë hulumtime që kanë vërtetuar problemet momentale të studentëve.
“Forumi për ndryshime në arsim në periudhën e fundit ka bërë hulumtim në lidhje me atë se sa implikime financiare kanë studentët për të përfunduar katër ose pesë vjet fakultet në vend dhe pamë që ngarkesa financiare është shumë më e madhe nga ajo që dimë se është vetëm participim në një semestër, që të zgjidhet ngarkesa financiare duhet të kemi arsim të lartë falas në ciklin e parë të studimeve. Problemi i dytë që adresohet shumë është fakti që universitetet tona, sidomos ato publike nuk janë fare të digjitalizuara përveç universitetit ‘Goce Dellçev’ dhe ky është një hall i madh për studentët, sepse çdo vit kur duhet të paraqiten dhe të bëjnë regjistrimin e semestrave, studentët presin nga tre orë radhë para pyetjeve studentore dhe kjo nuk duhet të ndodhë”, tha ai.
Ai theksoi se është e nevojshme të zgjidhet edhe problemi me vonesën e bursave të studentëve dhe pagesa të bëhet në afat sa më të shkurtër.
Hodai tha se probleme të këtilla të ngjashme ka edhe në vendet fqinje.
Ai ka thënë se në periudhën e kaluar janë bërë hulumtime që kanë konfirmuar problemet momentale të studentëve.
“Jemi të kënaqur me praninë dhe interesimin e studentëve në një ngjarje të tilla dhe ata që janë të pranishëm janë të interesuar të ndjekin dhe të japin fidbekun për panelet, si dhe për diskutimet joformale që kemi me të ftuarit nga rajoni nga Serbia, Shqipëria, Kosova dhe Bullgaria dhe të gjitha këto vende përballen me sfida të ngjashme. Është shumë interesante se po të mos kishim flamuj, duke parë problemet do të thoshim se jemi një shtet, tani shohim që lartë- poshtë te gjitha vendet kanë të njëjtat probleme, por e mira është se mund të frymëzohemi nga ata dhe ata nga ne për disa praktika të mira”, vlerëson Hodai.
MPB njofton se është arrestuar një person nga rajoni i Shkupit, i cili u gjet duke vënë zjarr pranë autostradës Shkup – Tetovë.
“Sot (30.07.2025) rreth orës 08.00, në SPB Shkup ka marrë një njoftim se në autostradën Shkup – Tetovë, pas pikës pagesore Glumovë, një person po vinte zjarr.
Zyrtarët policorë kanë dalë në vendngjarje dhe kanë gjetur R.Z. (59) nga fshati Arnaqi, komuna Saraj, duke vënë zjarr në një deponi plehrash dhe bar të thatë pranë një stalle bagëtish”, njoftojnë nga MPB.
Zjarri është shuar nga ekipi i Brigadës së Zjarrfikësve të Shkupit, ndërsa personi është ndaluar dhe është dërguar në stacionin policor. Pas dokumentimit të plotë të rastit, kundër tij do të ngrihen kallëzime përkatëse.
Lajme nga vendi
Nga 4 gushti, pacientët onkologjikë në RMV do të mund të marrin nga farmacitë terapinë me tableta
Nga 4 gushti, pacientët onkologjikë do të mund të marrin terapinë me tableta (“anastrozol” dhe “letrozol”) në farmaci, njoftoi Fondi i Sigurimeve Shëndetësore (FSSH), transmeton Portalb.mk.
“Sot do të publikohet shifrori, i vlefshëm nga 4 gushti, kur pacientët do të mund të marrin terapinë nga një farmaci me recetë. Kjo do të thotë që pacientët së pari duhet të marrin raport nga një onkolog, pastaj të marrin recetë nga mjeku i tyre amë dhe prej andej të marrin ilaçet në farmaci. Tarifa e pjesëmarrjes për këtë shërbim do të jetë rreth 50 denarë”, tha Sasho Klekovski, drejtori i FSSH.
Drejtori i Klinikës së Radioterapisë dhe Onkologjisë, Igor Stojkovski, njoftoi se javën e ardhshme do t’i informojë pacientët onkologjikë se ku dhe kur mund të marrin injeksionin hormonal “Resiligo”.
Klinika e Onkologjisë vazhdimisht përballet me mungesë terapie. Në qershor të këtij viti u raportua për mungesë të kimioterapisë me “Taxol”. Një pacient me kancer në mëlçi u ankua në redaksinë e “Sloboden Peçat” se është jashtëzakonisht i mërzitur që procesi i trajtimit të tij po kompromentohet nga mungesa e kimioterapisë.
Drejtori i Klinikës për Radioterapi dhe Onkologji, Igor Stojkovski, tha se ilaçi pritet të mbërrijë në fillim të korrikut.
“Ka defekt në shpërndarje. Vetë furnizuesi na informoi se “Taxol” pritet në fillim të muajit të ardhshëm. Nuk varet nga ne, por nga fakti që ka një problem me prodhimin e ilaçit”, tha Stojkovski.
Kujtojmë se edhe në fund të janarit, pacientët onkologjikë ngritën alarmin se një pjesë e madhe e barnave që marrin si terapi biologjike për mjekim, mungonin.
Ish-ministri i Shëndetësisë Arben Taravari nga ana tjetër, tha se nuk ishte në dijeni që pacientët onkologjikë nuk kishin terapi.
Lajme nga vendi
Vendoset pllaka përkujtimore për ngjarjet e Bit Pazarit 1992, Mexhiti: Kjo ngjarje nuk guxon të harrohet kurrë
Zëvendëskryeministri Izet Mexhiti ka kujtuar ngjarjet tragjike të Bit Pazarit të vitit 1992, duke i cilësuar ato si një plagë që nuk guxon të harrohet dhe si një mesazh për drejtësi e barazi.
“Sot e shkruam në gur, një ngjarje që nuk guxon të harrohet kurrë,” ka theksuar Mexhiti në statusin e tij, pas vendosjes së pllakës përkujtimore për viktimat e asaj ngjarjeje. Ai shtoi se Bit Pazari i ’92-shit është “mesazh, provë dhe borxh”, si dhe “harta morale e shqiptarëve”.
Duke reflektuar mbi rëndësinë historike dhe morale të ngjarjes, Mexhiti theksoi se përgjigjja më e denjë është ndërtimi i institucioneve të forta dhe një drejtësi që nuk përkulet. “Vetëm kështu u jepet kuptim sakrificave dhe sigurohet që padrejtësia të mos përsëritet kurrë,” përfundoi ai.
Ndalohet një person në Saraj, kapet duke ndezur zjarr në një deponi
Nga 4 gushti, pacientët onkologjikë në RMV do të mund të marrin nga farmacitë terapinë me tableta
Vendoset pllaka përkujtimore për ngjarjet e Bit Pazarit 1992, Mexhiti: Kjo ngjarje nuk guxon të harrohet kurrë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve