Lajme nga vendi
Toshkovski: Po stabilizohet gjendja me dhënien e dokumenteve personale
Ministri i Punëve të Brendshme, Pançe Toshkovski, sot e vizitoi Departamentin për punë civile, ku u mbajt takim pune me ndihmës ministrin Jovan Altanxhiev, lidhur me kompetencat e Departamentit
Siç publikoi ministri Toshkovski në profilin e tij në Fejsbuk, në përgjithësi është krijuar kaos dhe pakujdesi nga menaxhmenti i mëparshëm, si në raport me qytetarët ashtu edhe në raport me punëtorët.
“Që në ditën e parë si ministër e kam theksuar se shërbimet administrative duhet të jenë fytyra e Ministrisë së Brendshme dhe e shtetit në përgjithësi. Puna atje duhet të bëhet prestigj, jo dënim. Duhet të jetë nder të punosh në shërbim të qytetarëve dhe të kënaqësh shpejt dhe me efikasitet nevojat e tyre me shërbime të shpejta dhe cilësore”, ka shkruar ministri resor i FB-së.
Në të ardhmen, siç paralajmëroi në FB, do të iniciojë rritje të pagave të punëtorëve, përmirësim të kushteve të punës në çdo zyrë dhe në çdo sportel të vendit.
“Konstatuam konkretisht se situata me dhënien e dokumenteve personale po stabilizohet. Presim brenda një muaji që dhënia e dokumenteve të kthehet në afatet ligjore. Do t’i rrisim kapacitetet në pjesën e përpunimit të kërkesave për pasaporta të dorëzuara në DPK, në mënyrë që diaspora të marrë dokument udhëtimi sa më shpejt. Jemi duke siguruar sasi të reja formularësh për dokumente personale që do t’i plotësojnë nevojat për periudhën e ardhshme“, ka shkruar Toshkovski.
Ai ka sqaruar se termin për procedurë urgjente mund të merret brenda një dite, ndërsa për procedurë të rregullt në maksimum 10 ditë.
Sipas tij, në pikën e Idrizovës nuk ka më interes për caktimin e termineve dhe siç ka shkruar në FB, ajo do të mbyllet pasi e përmbushi qëllimin me pranimin e rreth 25 mijë kërkesave.
Ministri informoi se ka nisur auditimi dhe kontrolli i punës së komisioneve përgjegjëse për dhënien e miratimit për blerjen e armëve.
“Nga njëra anë, armët nuk mund të posedojnë persona që nuk plotësojnë kushtet ligjore. Nga ana tjetër, u konstatua se vetëm nga viti 2020 e në vazhdim nuk janë zgjidhur 5800 kërkesa. Sa më shpejt që të jetë e mundur, pas auditimit të punës, do të gjejmë një zgjidhje dhe një metodologji për veprimin e tyre. Nuk do të ketë më vend për korrupsion“; publikoi ministri i Punëve të Brendshme.
Gjithashtu, një fokus i veçantë do t’i kushtohet Ligjit për Armët dhe Ligjit për Trafikimin e Lëndëve Eksplozive për Përdorim Civil në drejtim të pajtueshmërisë me rregulloret evropiane.
Në pjesën e qarkullimit dhe automjeteve, njoftoi, është konstatuar një situatë me mungesë të referentëve në stacionet e kontrollit teknik, gjë që vështirëson punën e tyre. Një grup i të punësuarve tashmë ka filluar trajnimin, sqaroi Toshkovski, me qëllim që të gjitha personat juridikë të jenë të barabartë në treg në një kohë sa më të shkurtër.
Në takimin e punës u diskutua edhe për gjendjen me kërkesat e dorëzuara për shtetësi të maqedonasve nga Shqipëria, të cilat për arsye të panjohura nuk janë zgjidhur me vite.
“Do të inicohet një takim pune me përfaqësues nga shoqatat maqedonase për të kanalizuar më lehtë procedurën. Në sferën e azilit, sipas komenteve të Komisionit Evropian, do të fillojmë një proces qëllimi përfundimtar i të cilit do të jetë zëvendësimi i dokumenteve në letër të lëshuara nga Sektori i Azilit me ato biometrike”, publikoi ministri Toshkovski në Fejsbuk.
Kryetari i Komunës së Çairit, Izet Mexhiti, ka vlerësuar rëndësinë e ruajtjes dhe zhvillimit të sportit të mundjes, duke theksuar se Shkupi vazhdon të jetë një nga qendrat më të rëndësishme të këtij sporti në vend.
Përmes një postimi në rrjetin social Facebook, Mexhiti tha se aktiviteti “Vera Kulturore dhe Sportive” ka bashkuar traditën, të tashmen dhe të ardhmen e sportit të mundjes, duke rikujtuar emrat e mëdhenj që kanë lënë gjurmë në historinë sportive shqiptare.
“Shkupi, qyteti që i dha sportit emra të mëdhenj si Mentaz Allajbegu, Shaban Tërstena dhe Shaban Sejdiu, vazhdon të mbetet vatër e traditës së lavdishme të mundjes”, ka shkruar Mexhiti.
Ai ka veçuar edhe kontributin e mundësit dhe trajnerit Besir Alili, për të cilin tha se po e mban gjallë këtë trashëgimi me përkushtim dhe profesionalizëm, duke bërë që fryma e kampionëve të vazhdojë të jetojë dhe të frymëzojë brezat e rinj.
Sipas Mexhitit, fëmijët që janë pjesë e aktiviteteve sportive përfaqësojnë shpresën për kampionët e së ardhmes, duke dëshmuar se tradita e mundjes në Shkup vazhdon të kultivohet dhe të zhvillohet.
“Këta fëmijë, plot ëndrra dhe vullnet, përfaqësojnë brezin e ri dhe shpresën për kampionët e nesërm”, theksoi ai.
Hekurudha e dëmtuar në rrugën që të shpie drejt fshatit Falishtë do duhet të pres deri sa të bëhet rruga e re, nga Bervernica përmes lagjes Jashtë Vardarit e që të shpie deri te fabrika e Teteksit. Pavarësisht se ky kalim po ua shkatëron veturat banorëve dhe bizneseve që gravitojnë në këtë zonë por edhe kalimtarëve të rastit, kreu i Komunës së Tetovës Bilall Kasami thotë se janë të njoftuar për problemin dhe se për këtë janë në komunikim me Hekurudhat e Maqedonisë.
BILALL KASAMI – Kryetar i Komunës së Tetovës
“Në atë pikë do të dal edhe rruga që është duke u ndërtuar nga rruga për në Bërvenicë, përmes lagjes jashtë vardarit, fabrikës së Teteksit dhe do të dal rreth hekurudhës dhe do të dal në atë pikë aty. Fazën finale të realizimit të rrugës do të shohim edhe mundësinë që bashkë të rregullohet edhe hekurudha. Kemi kërkesë edhe deri te Komuna, kemi një komunikim edhe me hekurudhat e Maqedonisë” tha Kasami.
Kasami tha se qëllimi është që projekti i rregullimit të kësaj pjese të bëhet i plotë dhe me të gjitha standardet e jo gjysmak andaj ai apeloi për durim dhe mirëkuptim deri në përfundimin e plotë të punimeve që sipas tij nuk do të zgjasin shumë.
BILALL KASAMI – Kryetar i Komunës së Tetovës
“Jemi duke kërkuar zgjidhje se si të rregullohet ajo çështje shkaku se aty me projektin për hapjen e rrugës ka edhe kanalizim atmosferik dhe fekal dhe aty do të shohim edhe rregullimin e kanalizimeve. Pra edhe aty nuk është thjeshtë merremetimi i rrugës por është një projekt serioz me gjithë infrastrukturën mbitokësore dhe nëntokësore. Sepse janë projekte të cilat ne nuk duam t’i bëjmë shkel e shko por duam t’i bëjmë edhe stuktrën përciellëse. Pra po kemi kërkesë dhe jemi duke e shqyrtuar mënyrën se si ta realizojmë të njëjtën” shtoi Bilall Kasami, Kryetar i Komunës së Tetovës.
Përndryshe Televizioni Koha ka raportuar disa herë për këtë rrugë dhe problemet që hasin qytetarët gjatë kalimit të hekurudhës. Banorët madje i thanë ekipit të Kohës se kanë bërë kërkesë deri te drejtoria e hekurudhave që ta rregullojnë këtë kalim me vetëiniciativë por nuk kanë marr fare përgjigje.
Përndryshe, ka vite të tëra që në këtë herkurudhë nuk kalon asnjë tren, megjithatë, kalimi ka mbetur i dëmtuar dhe për vite me rradhë nuk është ndërmarr asgjë./Tv Koha/
Pas shënimit të ditëlindjes së VMRO-DPMNE-së, Izet Mexhiti, Bilall Kasami dhe Maksim Dimitrievski pritet që në fund të javës të ulen në një tryezë të përbashkët me Kryeministrin Mickoski për të diskutuar përbërjen e re të Qeverisë. Sipas partnerëve të koalicionit të VMRO-DPMNE-së, në takim do të marrin pjesë edhe sekretarët e përgjithshëm të partive ose koordinatorët e grupeve parlamentare.
Pas 17 qershorit, pas festimit të ditëlindjes së VMRO-DPMNE-së, pritet të nisin bisedimet e Kryeministrit Hristijan Mickoski me partnerët e koalicionit qeveritar lidhur me rikonstruimin e Qeverisë.
Kryeministri deklaroi se gjërat do të bëhen më të qarta pasi të ulet në një tryezë të përbashkët me drejtuesit e VLEN-it dhe ZNAM-it për të diskutuar ndarjen e resorëve dhe rotacionet e mundshme në disa ministri.
Ai theksoi se qëllimi nuk është që me çdo kusht të shkohet në zgjedhje të parakohshme parlamentare, por nëse kundërshtarët politikë i provokojnë ato, qeveria është e gatshme edhe për atë skenar.
Mediat njoftojnë se takimet do të zhvillohen me liderët e VLEN-it dhe ZNAM-it, përkatësisht me Izet Mexhitin dhe Bilall Kasamin si përfaqësues të bllokut politik shqiptar në qeveri, si dhe me Maksim Dimitrievskin nga ZNAM, i cili do të shoqërohet nga sekretari i përgjithshëm i partisë ose koordinatori i grupit parlamentar.
Çështja e rikonstruimit ka hapur edhe dilema rreth asaj se kush do ta zërë vendin e Arben Fetait në resorin e Qeverisjes së Mirë, pasi ai dha dorëheqje pas reagimeve të opinionit publik dhe opozitës se nuk paraqitej në punë, ndërsa më pas u emërua nga kryeministri si përfaqësues i lartë i vendit në Bruksel.
Rikonstruimi i ri ka hapur debat edhe për Ministrinë e Politikës Sociale, Demografisë dhe Rinisë, pasi Ministri Limani deklaroi se nuk është më pjesë e VLEN-it, ndërsa kjo koalicionon këmbëngul se ministria u takon atyre.
Përveç VLEN-it dhe ZNAM-it, të dyja palët presin t’i mbajnë resorët e tyre, por nuk e përjashtojnë mundësinë e rokadave të caktuara.
Në opinion është spekuluar se ekziston mundësia që zëvendëskryeministri Bekim Sali të kalojë në krye të Ministrisë së Shëndetësisë, një sektor që ai e ka drejtuar edhe në periudhën 2022–2023. Gjithashtu, nuk përjashtohet mundësia e ndryshimeve të tjera mes partnerëve të koalicionit në këtë resor.
Spekulimet për largimin e ministrit të Drejtësisë, Igor Filkov, janë hedhur poshtë nga lideri i ZNAM-it, Maksim Dimitrievski, megjithatë fjalën e fundit do ta ketë mandatari dhe kryeministri Hristijan Mickoski.
Megjithatë, nëse rikonstruimi do të jetë i vogël apo i gjerë do të varet kryesisht nga planet e qeverisë për zgjedhje të mundshme të parakohshme parlamentare.
Kryeministri ka deklaruar disa herë se zgjedhjet po afrohen dhe mund të mbahen edhe vitin e ardhshëm.
Për këtë arsye, nuk përjashtohet mundësia që rikonstruimi të jetë më i kufizuar, megjithëse priten edhe emra të rinj, veçanërisht nga VLEN-i për ministritë e përmendura./Tv Koha/
Mexhiti: Shkupi vazhdon të mbetet vatër e traditës së lavdishme të mundjes
KASAMI PREMTON RREGULLIMIN E KALIMIT TË HEKURUDHËS PËR NË FALISHTË
NBA: NEW YORK KNICKS KAMPION PAS 53 VITEVE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
