Lajme nga vendi
LSDM pyet: Pse drejtori aktual i Inspektoratit të Tregut nuk është përfshirët në hetimin e Koçanit?
Serioziteti i tragjedisë në Koçan që preku mbarë Maqedoninë dhe në të cilën humbëm 59 jetë të rinj kërkon me zë të lartë një hetim të paanshëm për të gjetur përgjegjësinë nga të gjithë, pa përjashtim, njoftoi sot LSDM, duke shtuar se mbështesin fuqishëm një hetim të pavarur, të plotë dhe jo selektiv që do të gjejë përgjegjësi për të gjithë funksionarët aktual dhe të dikurshëm, zyrtarët dhe politikanët, transmeton Portalb.mk.
“Shteti, institucionet duhet të tregojnë kapacitetin për të vënë drejtësinë deri në fund. Ne ia kemi borxh familjeve të viktimave, qytetarëve dhe brezave të ardhshëm. Tmerr i tillë, tragjedi të tilla nuk duhet të përsëriten më. Nga ajo që po ndodh deri më tani gjatë hetimit dhe për çfarë kemi informacione, shprehim shqetësim të thellë se hetimi zhvillohet në mënyrë selektive dhe se i drejtohet vetëm ish-funksionarëve dhe zyrtarëve”, tha në një konferencë për media Jon Frçkoski, drejtor i Qendrës për Hulumtime dhe Analiza.
Ai vlerësoi se deri më tani janë injoruar plotësisht ata që ishin në detyrë në kohën kur ndodhi tragjedia në Koçan.
“Sipas informacioneve të disponueshme publikisht, dy ish-drejtorë të Inspektoratit Shtetëror të Tregut (ISHT) janë të përfshirë në hetim për gjoja mosveprim. Logjikisht shtrohet pyetja pse drejtori aktual i ISHT-së, Vllatko Stojkoski, nuk është i përfshirë në hetim? Edhe pse ai mban përgjegjësi edhe më të madhe për mbikëqyrjen e objektit “Pulsi” në periudhën para dhe gjatë ngjarjes penalo-juridike. Inspektorati Shtetëror i Tregut ka kompetencë të mbikëqyrë zbatimin e ligjeve, si dhe ka detyrim ligjor që të caktojë ndalim pune prej 30 ditësh nëse nuk plotësohen kushtet ligjore. A u zbatua e gjithë kjo gjatë mandatit të drejtorit aktual të ISHT-së? A kishte dijeni për shkelje të ligjit? Apo dikush nuk ka vepruar qëllimisht? Këto janë pyetje legjitime të cilave hetimi duhet tu përgjigjet”, tha Frçkoski.
Ndryshe, Prokuroria në Koçan dhe Prokuroria për Ndjekjen e Krimit të Organizuar dhe Korrupsionit kanë identifikuar si të dyshuar gjithsej 34 persona dhe tre kompani për krime të rënda kundër sigurisë publike. Ndërkaq, Ministria e Punëve të Brendshme ka ngritur kallëzime penale kundër tyre, në mesin e tyre ka ish-funksionarë shtetërorë. Në paraburgim janë 24 persona.
Në zjarrin e rënë në diskotekën “Pulse” më 16 mars 2025, jetën e humbën 59 persona, midis të cilëve 6 të mitur, u lënduan 196 persona të cilët trajtohen brenda dhe jashtë vendit.
Sipas hetimeve të deritanishme nga institucionet, diskoteka nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.
Kryetari në ardhje i Komunës së Çairit, Izet Mexhiti, ka vlerësuar se Ali Ahmeti, lideri i BDI-së, është humbësi më i madh i zgjedhjeve lokale në Maqedoninë e Veriut të mbajtura më 19 tetor.
Në emisionin “Këndi i Debatit” në Tëvë1, Mexhiti ka theksuar se Ahmeti, i cili qeveriste në 90% të komunave, ka përfunduar me vetëm një komunë të fituar, Likovën.
“Qëllimisht apo jo, Ahmeti dhe BDI-ja kanë fokusuar rëndësinë kryesore te Tetova dhe posaçërisht te Çairi, ndërsa komunat e tjera i kanë konsideruar më pak të rëndësishme. Ne e pranuam këtë sfidë dhe sot Çairi u mbyll në raundin e parë. Tetova ka një epërsi mbi 4 mijë vota, kështu që është çështje e kryer. Gjithashtu, ne vetëm në raundin e parë kemi fituar 5-6 komuna. Kam deklaruar edhe më parë se humbësi më i madh i këtyre zgjedhjeve është Ali Ahmeti, i cili qeveris në 90% të komunave, dhe në mbrëmjen kur të numërohen votat, BDI-ja do të ketë fituar vetëm një apo dy komuna rurale, pra BDI ka fituar vetëm në Likovë”, ka deklaruar ai.
Sipas Mexhitit, shqiptarët në Maqedoninë e Veriut kanë vendosur t’i japin shansin një gjenerate të re për qeverisje, si në nivel qendror, ashtu edhe në atë lokal.
“Shqiptarët në Maqedoni kanë vendosur të japin mundësinë për një gjeneratë të re për qeverisje, për hir të konkurrencës dhe demokratizimit të skenës politike. Pas tre apo katër viteve që kanë mbetur, çdo qytetar shqiptar në Maqedoni do të ketë mundësinë të bëjë krahasimin ndërmjet këtij dhe tjetrit tabori, duke i vlerësuar në bazë të punës dhe programeve. Deri më tani kjo mundësi nuk ka ekzistuar, pasi ka pasur një lloj monopoli politik ose skena ka qenë shumë e shpërndarë”, është shprehur Mexhiti.
Personi u mbajt në Stacionin Policor të Gjevgelisë, u njoftua prokurori nga Prokuroria Themelore e Gevgelisë, dhe pas dokumentimit të rastit, gjatë ditës do të paraqitet kallëzim penal.
“Më 21.10.2025, rreth orës 13:00, zyrtarët e policisë nga SPB Strumicë – DPB Gjevgjeli arrestuan A.R. (54) nga Bogdanci. Bazuar në urdhër gjyqësor, u krye bastisje në shtëpinë e tij, ku u gjetën rreth 1 kilogram e 100 gramë marihuanë, katër bimë të mbjella kanabis, mbetje të degëve me marihuanë dhe objekte me mbetje të marihuanës”, thonë nga MPB.
Prokuroria e Prilepit ka kërkuar paraburgim për gjashtë persona dhe masa kujdesi për 15 të tjerë të arrestuar në lidhje me rastin e Spitalit të Përgjithshëm të Prilepit.
“Prokuroria Themelore Publike e Prilepit ka dorëzuar në Gjykatën Themelore të Prilepit propozime për paraburgimin e gjashtë personave, për 15 masa kujdesi dhe për gjashtë deri në shtatë persona juridikë nga Prilepi, Manastiri dhe Shkupi, si dhe propozim për ndalesë nga pjesëmarrja në procedurat e prokurimeve publike,” tha Jasmina Shishkovska, kryetare e Gjykatës Themelore në Prilep.
Personat e arrestuar pritet të dorëzohen gjatë ditës në Gjykatën e Prilepit. Më shumë se 10 persona u arrestuan mbrëmë dhe sot nga policia e Prilepit gjatë një aksioni të Drejtorisë së Policisë Financiare, e cila ndërmori bastisje në disa lokacione në kuadër të hetimeve për keqpërdorime financiare në spital.
Sipas Prokurorisë, që nga prilli i këtij viti zhvillohet një procedurë parahetimore për shkak të dyshimeve për veprën penale “keqpërdorim i pozitës dhe autoritetit zyrtar” lidhur me operacionet financiare të spitalit. Drejtori aktual i Spitalit të Përgjithshëm të Prilepit, Borka Taleski, ka deklaruar vitin e kaluar se pas marrjes së detyrës ka vërejtur parregullsi financiare dhe se institucionit i është trashëguar një borxh prej rreth 193 milionë denarësh.
Bilall Kasami “ndez motorët” për fitoren e 2 nëntorit, viziton shtabet e lagjeve Teteks dhe Migjeni
Aktivisti i flaktë i BDI-së, Zeka Fazlija jep dorëheqje nga organet partiake
Mexhiti: VLEN është fitues i zgjedhjeve lokale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
