Connect with us

Lajme nga vendi

Reagon Ministria e Shëndetësisë për arrestimin e drejtorit të Klinikës për Geriatri: Jemi në dispozicion të Prokurorisë

Published

11 months ago

on

Ministria e Shëndetësisë ka reaguar në lidhje me arrestimin e drejtorit të Klinikës për Geriatri dhe Mjekësi Paliative, i cili dyshohet se u kap duke marrë ryshfet.
“Ministria e Shëndetësisë angazhohet për një sqarim sa më të shpejtë të rastit nga ana e Prokurorisë Publike në lidhje me pretendimet për marrje ryshfeti nga një person në pozitë udhëheqëse në një institucion shëndetësor publik”.
“Ministria e Shëndetësisë është në dispozicion nëse kërkohen çfarëdo lloj informacionesh në bazë të detyrës zyrtare. Prioriteti ynë mbetet ofrimi i kujdesit më të përshtatshëm për të gjithë pacientët në institucionet shëndetësore publike”, thonë nga MSH.
Ndërkohë kanë reaguar edhe nga Aleanca për Shqiptarët e Arben Taravarit, partia e të cilit e ka propozuar për drejtor të arrestuarin. Prej atje thonë se kush do që e ka shkelur ligjin duhet të mbajë përgjegjësi.

“Duke pasur parasysh se personi M.A është propozuar nga ASH për zgjidhje të përkohshme për drejtor të ISHP Spitali i Specializuar për Mjekësi Geriatrike dhe Paliative “13 Nëntori Shkup”, konsiderojmë të nevojshme të njoftojmë si në vijim: ASH u bën thirrje organeve kompetente shtetërore që në një procedurë të shpejtë dhe efikase të sqarojnë të gjitha rrethanat që kanë të bëjnë me ngjarjen konkrete penale. Kushdo që ka shkelur ligjin duhet të mbajë përgjegjësi, pavarësisht nga përkatësia etnike, fetare apo politike. Dhënia e drejtësisë duhet të jetë jo selektive dhe në përputhje me të gjitha mekanizmat dhe vlerat themelore kushtetuese dhe ligjore”.

“Aleanca për Shqiptarët mbetet fuqishëm e përkushtuar në luftën kundër korrupsionit dhe në reformimin rrënjësor të sistemit shtetëror, me qëllim që të gjitha dukuritë devijante të minimizohen. Populli shqiptar nuk meriton të përfaqësohet nga persona që eventualisht përpiqen të pasurohen në mënyrë të paligjshme mbi vuajtjet shëndetësore të qytetarëve. Kjo është e papranueshme dhe bie ndesh me parimet që ne përfaqësojmë. Organet partiake të Aleancës për Shqiptarët do të ndërmarrin të gjitha hapat statutare të nevojshme për ruajtjen e imazhit dhe integritetit të partisë”, thonë nga ASH.

Related Topics:
Advertisement

Lajme nga vendi

Ndërpritet bojkoti i mësimit në Vaksincë! Suspendohet arsimtarja deri në ekzaminimet mjekësore

Published

8 minutes ago

on

February 18, 2026

By

Pas një muaji të plotë bojkot, ka rifilluar mësimin në filloren e Vaksincës. Pas raportimit të vazhdueshëm të TV21 për mos reagim në kohë të institucioneve, më në fund drejtoria e shkollës mori vendim për suspendim të arsimtares së anglishtes S.S. për të cilën dyshohet se ka probleme shëndetësore. Drejtori i Sh. F. “Rilindja” përmes telefonit e konfirmoi se arsimtaren në fjalë e kanë larguar nga puna 3 muaj deri sa të kryhen procedurat administrative dhe ekzaminimet shëndetësore te Instituti i mjekësisë së punës.

Nga Komuna e Likovës thanë se kanë urdhëruar drejtorinë që ta zëvendësojnë përkohësisht me një arsimtare tjetër të anglishtes në mënyrë që mësimi të mos ngecë, ndërsa gjatë pushimit pranveror dhe veror do të kompensohen 4 javët e humbura mësimore. Nga Inspektorati shtetëror i arsimit thonë se brenda afateve ligjore presin raportin e drejtorisë për ekzaminimet mjekësore për të vendosur nëse arsimtarja S.S. i plotëson kushtet për tu rikthyer në mësim ose për përjashtim të përhershëm nga puna.

Continue Reading

Lajme nga vendi

Tiranë, deklaratë e 5 vendeve për Korridorin 8

Published

22 minutes ago

on

February 18, 2026

By

Shqipëria, Italia, Bullgaria, Maqedonia e Veriut dhe Rumania angazhohen për avancimin pa vonesa të ndërtimit të Korridorit 8 si një ndërlidhje e rëndësishme strategjike, politike, ekonomike dhe të sigurisë. Angazhimi i 5 vendeve u  konfirmua përmes një deklarate të përbashkët në ministerialin e mbajtur në Tiranë.
“Ne thjesht po përfundojmë një detyrë që historia e ka përcaktuar tashmë për ne: ta bëjmë këtë pjesë të Evropës realisht të ndërlidhur. Në të gjithë vendin, korridori është në qendër të strategjisë sonë kombëtare të transportit. Shqipëria po bëhet një nga nyjet më të besueshme të këtij projekti. Për rajonin tonë, ky nuk është vetëm një projekt transporti. Është një deklaratë politike. Ai tregon se Adriatiku dhe Deti i Zi nuk janë skajet e Evropës, por portat e saj hyrëse.”, – deklaroi ministrja e Jashtme e Shqipërisë, Elisa Spiropali.
Për kryediplomatin italian, Antonio Tajani, Korridori 8 është një projekt kyç për ndërlidhjen e një rajoni që pret ribashkim me Evropën.
“Ne do të bëjmë gjithçka që ju të jeni pjesë e Bashkimit Evropian së shpejti. Por, përpara duhet të bëjmë ribashkimin. Nuk është zgjerim por ribashkim. Ju jeni vende evropiane dhe kështu është më mirë të flasim për ribashkim. Do të këmbëngulim në Bruksel për të arritur rezultate shumë të mira për korridorin 8, jam i gatshëm të bëjmë gjithçka për ta përshpejtuar.”, – theksoi ministri i Jashtëm i Italisë, Antonio Tajani.
Angazhimin për të vijuar investimet dhe përfundimin në një kohë sa më të shpejtë e morën edhe Maqedonia e Veriut, Bullgaria dhe Rumania.
“Të harmonizojmë hapat në të gjitha anët. Ndërlidhja nuk është vetëm beton. Rajoni duhet të prodhojë rezultate të prekshme për të gjithë, sidomos për të rinjtë.”, – u shpreh ministri i Jashtëm i RMV-së, Timço Mucunski.
“Korridori 8 rrit konkurrueshmërinë dhe ekonominë e rajonit, ul varësinë nga korridoret e tjera, është një katalizator zhvillimi dhe  do ta bëjë më tërheqës rajonin.”, – deklaroi zëvendësministri i Jashtëm i Bullgarisë, Nikolaj Pavlov.
“Rumania është shumë e përkushtuar të mbështesë këtë infrastrukturë të rëndësishme për Evropën Juglindore. Aspekti strategjik në të ardhmen na bën bashkë dhe është detyra jonë të bashkëpunojmë.”, – theksoi ambasadori i Rumanisë,
Oktavian Sherban.
Korridori 8 është një nga projektet më të rëndësishme infrastrukturore për integrimin rajonal që synon të lidhë portin e Durrësit dhe Vlorës me Maqedoninë e Veriut dhe më tej me Bullgarinë, duke krijuar një aks strategjik mes Detit Adriatik dhe Detit të Zi.
LULJETA NDOKA
Continue Reading

Lajme nga vendi

MICKOSKI HEQ DORË NGA BLERJA E AEROPLANIT QEVERITAR!: Do të lutemi që të mbetemi gjallë

Published

26 minutes ago

on

February 18, 2026

By

LSDM-ja thotë se qeveria planifikon të blejë një aeroplan të ri me vlerë rreth 100 milion euro, derisa refuzon ta rrisë pagën minimale në 600 euro. Sipas socialdemokratëve me shumën prej 100 milion euro sigurohet gjysma e mjeteve të nevojshme për rritjen e pagës minimale, mund të ndërtohen 20 shkolla bashkëkohore, 25 cerdhe dhe 10 konvikte studentore.

BOGDANKA KUZESKA – LSDM

“Shteti nuk është pronë private, kurse paratë e popullit nuk janë lojra për pushtetin criminal. Derisa populli njeh denarët deri në fund të muajit, punëtorët janë në rrugë për pga më të larta, Kryeministri fluturon për pushime me aeroplan qeveritar”

Pas akuzave nga LSDM-ja, Kryeministri Mickoski potencoi se Qeveria heq dorë nga blerja e aeroplanit të ri. Sipas tij, nisma për këtë blerje kishte ardhur nga euipazhi që menaxhon aeroplanin.

HRISTIJAN MICKOSKI – KRYEMINISTËR

Advertisement

“Shoh që opozita po krijon tema edhe pse në një nga takimet e liderëve formale dhe joformale që kam patur me Filipçen, ai ishte I qartë dhe tha se për këtë nuk duhet kritikiuar qeveria, për shkak se nesër do të ketë qeveri tjetër, kurse avioni do të shfrytëohet edhe për qëllime humanitare. Por, shoh se nuk e mbajnë fjalën. Ne tërhiqemi nga blerja dhe do të lutemi të mbetemi gjallë”

Lidhur për akuzat e LSDM-së për rritjen e pagave, VMRO-DPMNE thotë se si opozitë kanë mbrojtur rritjen e pagave.

Me 40 amendamente vepruam që paga minimale të mbetet në formulën e llogaritjes – thanë nga VMRO-DPMNE.

Continue Reading

Më të lexuarat