Sport
KOMPLETOHET JAVA E 8-TË, STRUGA TRIM LUM KRYESON E VETMUAR
Me dy ndeshjet e djeshme që zhvilluan në Kumanovë dhe Strugë u kompletua java e tetë e sezonit vjeshtor në Ligën e pare të futbollit vendor. Struga Trim Lum me 22 pikë e vetmuar kryeson renditjen në tabelën e klasifikimit.
Ndeshja e cilësuar e rrezikut të larë mes Bashkimit dhe Vardarit në atmosfere impozante e krijuar nga numri I madh I tifozëve të pranishëm në tribunat e stadiumit të Bashkimit, përfundoi me barazim pa goila 0-0. Të dyja ekipet luajtën u munduan aq sa mundën por përkund;r disa rasteve nuk arritën të shënon. Epilogu u barabartë është real dhe të dyja ekipet kanë mbetur të kënaqur me pikën e fituar nga kjo ndeshje derbi. Por në pjesën e dytë pati një ndërprerje për disa minuta shkaku për këtë ishte se një tifoz kishte rënë në fushë duke pësuar lëndime. I njëjti me ambulancën e ndihmës së shpejtë është transferuar në spital. Lidhur me incidentin në fjalë në komunikatën zyrtare të KF Bashkimi thuhet: “Gjatë ndeshjes së sotme kundër Vardarit, ndodhi një incident me njërin nga tifozët tanë të vegjël, Noarin. Fatmirësisht, pas intervenimit të menjëhershëm të prindërve dhe stafit mjekësor, gjendja e tij shëndetësore është e shkëlqyeshme dhe jashtë çdo rreziku.
Noari është në gjendje të mirë dhe po merr gjithë kujdesin e nevojshëm. Falënderojmë të gjithë ata që shprehën shqetësim dhe solidaritet”.
Në stadiumin e qytetit në Strugë, skuadra e Bledi Shkëmbit shënoi fitore 2:0 përballë Pelisterit, me dy golat që i realizoi Hristijan Malevski në 10 minutëshin e fundit të takimit. Me këto tre pikë të fituara kundër Pelisterit, Struga Trim Lum kryeson e vetmuar renditjen tabelën me 22 pikë grumbulluara me 7 fitore dhe vetëm një barazim.
Në testin e fundit para ndeshjes kualifikuese kundër Uellsit më 18 nëntor, përfaqësuesja e Maqedonisë së Veriut mbrëmë barazoi me Letoninë 0-0, në duelin miqësor që u zhvillua në arenën ‘’Todor Proeski’’ në Shkup
Ndeshja miqësore në futboll midis përfaqësueses së Maqedonisë së Veriut dhe Letonisë, e zhvilluar mbrëmë në arenën “Todor Proeski” në Shkup, përfundoi me barazim pa gola. Gjatë 90 minutave lojë të dy ekipet krijuan disa raste për të shënuar, me një dominim të lehtë të ekipit të Letonisë të cilët më tepër e posedonin topin, por pa konkretizime në gola.
Kjo ndeshje miqësore shërbeu si përgatitje për Maqedoninë e Veriut në prag të sfidave të mëdha.
Seleksionuesi Blagoja Milevski pas ndeshjes në press konferencën zyrtare u shpreh i kënaqur me paraqitjen e futbollistëve në aspektin taktik
“Gjithçka që vendosëm si qëllim për këtë ndeshje, përveç fitores, u përmbush. Doja të shihja se si do të dukej skuadra në një formacion të ri, me detyra të reja taktike dhe në situata që nuk i kemi punuar më parë. Nga kjo perspektivë, jam vërtet i kënaqur. Më vjen keq që kushtet e lojës nuk ishin më të mira. Shpresoj që së shpejti do të bëhen përpjekje për të luajtur në një fushë më cilësore, në mënyrë që të jemi më efikasë në finalizim. Në ato momente të fundit, në fazën e tretë të sulmit, kur kundërshtari është i vendosur në një bllok të dendur, nevojitet një pasim i saktë finalizues, dhe sot kundër Letonisë nuk e patëm atë. Pavarësisht kësaj, krijuam disa raste, por nuk arritëm t’i realizonim. Urime të dyja ekipeve, si Maqedonisë ashtu edhe Letonisë. Jam i kënaqur, të gjithë lojtarët, pavarësisht nëse janë lojtarë standardë apo vijnë nga stoli, e justifikuan besimin. Kjo më jep besim se mund të mbështetem te secili prej tyre“, tha trajneri Blagoja Milevski.
Më 18 nëntor, përfaqësuesja e Maqedonisë së Veriut në transfertë do të përballet me Uellsin në ndeshjen e fundit të grupit J, në kuadër të kualifikimeve për Kupën e Botës 2026. Aktualisht Maqedonia e Veriut renditet në vendin e dytë të Grupit J me 13 pikë, pas Belgjikës me 14 pikë. Në vendin e tretë është Uellsi me 10 pikë, i ndjekur nga Kazakistani me 7 pikë dhe në fund Lihtenshtajni me asnjë pikë.
Shqipëria me një gol të Asllanit ka shënuar fitore minimale 1-0 në Andorra, duke siguruar kualifikimin në play off të Botërorit 2026, kjo falë dhe fitores 2-0 të Anglisë përballë Serbisë.
Mbrëmja e 13 nëntorit do të shkruhet me shkronja të arta në historinë e futbollit shqiptar. Kombëtarja shqiptare ka shkruar historinë. Për herë të parë, kuqezinjtë kanë siguruar kualifikimin për në “play off”-in e Botërorit.. Shqipëria triumfoi minimalisht ndaj Andorrës në transfertë dhe falë humbjes së Serbisë me Anglinë, ka siguruar vendin e dytë në grup. Golin e vetëm dhe të fitores, e shënoi Kristjan Asllani në minutën e 67-të. Mesfushori u tregua i saktë në zonë, pas një asisti të marrë nga Uzuni. Me këtë sukses, Shqipëria blindon vendin e dytë me 14 pikë, 4 më shumë se Serbia e vendit të tretë. Ndeshja e fundit në grupin K, do të jetë të dielën e 16 nëntorit ndaj Anglisë në Tiranë.
Trajneri i përfaqësueses kuqezi, Silvinjo ka komentuar fitoren 1-0 të arritur përballë Andorrës që siguroi biletën për në play off të Botërorit 2026.
“Nuk ishte e lehtë. E dinim që ishte një kundërshtar i vështirë. Anglia ka fituar 1-0, Letonia barazoi, Serbia ishte 1-1 në pjesën e parë. Ne po rritemi, po bëjmë mirë, por nuk jemi Gjermania që të fitojmë 6-0”.“Ishte e vështirë, por mbaroi dhe tani po festojmë. Për herë të parë po shkojmë në play off, ishte një mbrëmje e mrekullueshme. Mungesë loje? Mendoj se duhet të festojmë të gjithë, ndodh për herë të parë një arritje e tillë. Tifozët meritojnë gjithçka, është hera e parë, është shumë bukur. Kemi humbur vetëm kundër Anglisë, nuk është pak”.
Në ndeshjen tjetër të grupit J. Anglia mundi Serbinë 2-0. Pas ndeshjeve të mbrëmshme grupin J e kryeson Anglia me 21 pikë, para Shqipërisë që ka 14, Serbisë me 10 , Letonia 5 dhe Andorra 1 pikë
Shaban Sinani – TV Koha
Kombëtarja e Kosovës udhëton sot drejt Lubjanës për sfidën vendimtare të së shtunës kundër Sllovenisë, ndërsa përgatitjet për këtë duel të rëndësishëm të kualifikimeve për Botërorin 2026 po zhvillohen me intensitet maksimal.
Në seancat e deritanishme stërvitore, përzgjedhësi Franco Foda ka vazhduar të theksojë punën taktike, me fokus të veçantë te tranzicionet dhe organizimi mes reparteve. Gjithë grupi i futbollistëve është në gjendje të shkëlqyer fizike, duke i dhënë trajnerit një komfort të plotë para ndeshjes që mund të përcaktojë fatin e Dardanëve në këto kualifikime.
Atmosfera në kampin kosovar mbetet shumë pozitive dhe e mbushur me besim. Të gjithë janë të vetëdijshëm për rëndësinë e sfidës në “Stožice”, e cila mund t’i sigurojë Kosovës vendin në ‘play-off’ dhe ta mbajë në garë për kualifikim direkt.
Pas stërvitjes, optimizmi u reflektua edhe nga mbrojtësit Mërgim Vojvoda dhe Dion Gallapeni. Të dy vlerësuan cilësinë e Sllovenisë, por njëzëri theksuan se në Lubjanë do të hyjnë vetëm për fitore. “Grupi është duke punuar shumë mirë dhe jemi gati për lojë. E dimë rëndësinë e ndeshjes dhe po e presim me padurim. Është një finale për ne. Një pikë nuk është e keqe, por ne hyjmë për të fituar dhe do të shkojmë për tri pikë”, tha Vojvoda.
Ndërsa Gallapeni shtoi: “Atmosfera është shumë pozitive dhe përgatitjet po shkojnë perfekt. Këto dy ndeshje janë jetike për ne, një mundësi historike. Sllovenia është ekip kompakt, edhe atyre u duhen tri pikët, ndaj pres një ndeshje të hapur. Ne do të luftojmë për fitore.”
Kosova do të mbajë një seancë të fundit të lehtë stërvitore para dite, para nisjes për në kryeqytetin slloven, ku të shtunën do të kërkojë fitoren që do ta afronte me ëndrrën e Botërorit.
PËRSËRITJA E ZGJEDHJEVE NË KATËR KOMUNA MË 11 JANAR
Komuna e Tearcës së shpejti bëhet me nënstacion të zjarrfikësve
Dimitrieska-Koçoska: Propozim-buxheti për vitin 2026 është një mesazh ekonomik për stabilitet, besim dhe zhvillim
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi2 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi1 week agoUniversiteti i Tetovës shpreh ngushëllime për vdekjen e studentes Daorsa Spahija