Lajme nga vendi
Mbështetje financiare për bujqësinë: Hapet thirrja për pagesa direkte shtesë
Bujqit deri më 25 dhjetor 2025 do të mund të dorëzojnë kërkesat për pagesa direkte shtesë sipas Programës për mbështetje financiare në bujqësi për vitin 2025.
Agjencia për Mbështetje Financiare në Bujqësi dhe Zhvillim Rural i njofton ekonomitë bujqësore se deri më 25 dhjetor 2025 do të mund të paraqesin kërkesa për pagesa direkte shtesë sipas Programës për mbështetje financiare në bujqësi për vitin 2025.
Në këtë periudhë dorëzohen kërkesat për këto nën-masa:
Nën-masa 1.2 „Pagesa direkte shtesë nga nën-masa 1.1 për prodhimin e grurit, elbit, lulediellit, kolzës vajore dhe lulëkuqes (afionit)”
Përfitues të kësaj nën-mase janë ekonomitë bujqësore që grurin dhe elbin e prodhuar e kanë shitur ose magazinuar te një blerës i regjistruar, përfshirë edhe sasinë e prodhuar për nevojat e kapaciteteve të veta përpunuese, e kanë shitur te një blegtor i regjistruar ose e kanë përdorur për ushqim të bagëtive për nevojat e veta.
Përfitues janë edhe ekonomitë bujqësore që lulëkuqen e prodhuar e kanë shitur te një blerës i regjistruar në Regjistrin e blerësve të afionit për prodhimin e narkotikëve.
Përfitues janë gjithashtu ekonomitë bujqësore që lulediellin dhe kolzën vajore të prodhuar i kanë shitur në një kapacitet përpunues të regjistruar.
Shuma e pagesave direkte shtesë është 6.000 denarë për hektar për grurë, elb, lulediell dhe kolzë vajore, dhe 18.000 denarë për hektar për afion.
Nën-masa 1.5 „Pagesa direkte shtesë nga nën-masa 1.3 për kulturat hortikulturale të dorëzuara në kapacitete përpunuese”
Përfitues të kësaj nën-mase janë ekonomitë bujqësore që kulturat hortikulturale të prodhuara i kanë dorëzuar në kapacitete përpunuese të perimeve, drejtpërdrejt ose përmes një blerësi të regjistruar, në periudhën nga 26 dhjetor 2024 deri më 25 dhjetor 2025.
Shuma e pagesave direkte është 3 denarë për kilogram për të gjitha kulturat hortikulturale, përveç specit të varietetit “Kurtovska kapija”, ku pagesa është 4 denarë, përkatësisht 5 denarë për kilogram për sasinë e dorëzuar gjatë maj-qershor dhe nëntor-dhjetor 2025.
Nën-masa 1.7 „Pagesa direkte shtesë nga nën-masa 1.6 për pemët e dorëzuara në kapacitete përpunuese ose te blerësit e regjistruar”
Përfitues të kësaj nën-mase janë ekonomitë bujqësore që pjeshkët, qershitë, mjedrat, manaferrat, aroninë, goji berry, kajsitë, luleshtrydhet, shegët dhe lajthitë e prodhuara i kanë dorëzuar në kapacitete përpunuese të frutave drejtpërdrejt ose përmes një blerësi të regjistruar në periudhën 26 dhjetor 2024 – 25 dhjetor 2025, përveç lajthisë, për të cilën periudha është 15.09.2024 – 31.03.2025.
Përfitues janë edhe ekonomitë bujqësore që mollët e prodhuara i kanë dorëzuar në kapacitete përpunuese ose te blerës të regjistruar drejtpërdrejt ose përmes një blerësi të regjistruar gjatë periudhës 15 gusht 2024 – 30 qershor 2025.
Shuma e mbështetjes është 3 denarë për kilogram për të gjitha kulturat frutore, përveç mjedrës dhe lajthisë (5 denarë/kg) dhe mollëve (2 denarë/kg).
Nën-masa 2.15 „Pagesa direkte shtesë nga nën-masa 2.14 për familjet e bletëve të përfshira në seleksionim për prodhimin e mbretëreshave të bletëve”
Përfitues janë ekonomitë bujqësore të regjistruara në Regjistrin e rritësve të bletëve dhe të regjistruar si prodhues të mbretëreshave të bletëve në Ministrinë e Bujqësisë, ose anëtarë të një rritësie të regjistruar të mbretëreshave të bletëve.
Pagesa është 2.000 denarë për familje bletësh që është në kontroll dhe e përfshirë në procesin e seleksionimit.
Nën-masa 2.16 „Pagesa direkte për analizë laboratorike të vetive fizike dhe kimike të mjaltit”
Përfitues janë ekonomitë bujqësore të regjistruara si rritës bletësh, që posedojnë së paku 10 familje bletësh të regjistruara të dimëruara dhe që në vitin 2025 kanë kryer analizë laboratorike të vetive fizike dhe kimike të mjaltit.
Kërkesat dorëzohen përmes sistemit elektronik të Agjencisë nga ana e ekonomisë bujqësore, ndërsa për ndihmë mund të drejtohen te njësitë rajonale të MZSHV-së.
Lidhja për qasje në aplikacion: www.ipardpa.gov.mk
– Pagesa direkte e-subvencione.
Në rubrikën “Njoftime/Udhezime” gjenden udhëzimet e detajuara për paraqitjen e kërkesës, lista e dokumenteve të nevojshme, si dhe Programi dhe Udhëzimi për pagesa direkte, ku paraqiten në detaje kushtet dhe shuma e mbështetjes financiare.
Lajme nga vendi
Një emigrante nga Kina ka vdekur, ndërsa 7 emigrantë të tjerë janë lënduar në një aksident me kamion në Maqedoni
Një kamion me targa të Serbisë u përmbys sot në mëngjes në rrugën Valandovë–Dojran, ku si pasojë një emigrante nga Kina humbi jetën, ndërsa shtatë të tjerë u lënduan, njofton Sektori i Punëve të Brendshme (SPB) Strumicë, përcjell TV21.
“Sot rreth orës 04:20, kamioni doli nga rruga dhe u përmbys në rrugën Valandovë–Dojran. Nga lëndimet e marra në aksident, ka ndërruar jetë një emigrante nga Kina”, thuhet në njoftimin e Policisë.
Trupi i viktimës është dërguar për obduksion. Shtatë migrante të tjerë nga Kina kanë marrë lëndime trupore, pasi dyshohet se kishin hyrë në rimorkion e kamionit pa dijeninë e shoferit.
“Shoferi S.M. është ndaluar në spitalin e Gjevgjelisë për t’i dhënë ndihmë mjekësore”, bëjnë me dije nga SPB Strumicë.
Zjarrfikësit e Strumicës raportojnë se sot rreth orës 08:00 morën pjesë në një aksion për nxjerrjen e personave nga automjeti i përmbysur.
Akrobacionet e Ziadin Selës nuk përbëjnë më asnjë befasi.
Ajo që po shohim është thjesht kapitulli i fundit i një rruge të nisur mbrapsht që në fillim. Rrugë të cilën e hapi vetë Ziadin Sela, dhe e shtroi Arben Taravari.
Të dy zgjodhën t’i shërbejnë agjendës së Ali Ahmetit, duke harruar një të vërtetë historike: votuesi i Aleancës është antipodi i BDI-së dhe kurrë, për asnjë çmim, nuk pranon të bëhet patericë e saj.
Sot nuk ka më dilema. Kur tradhton parimet, strukturat dhe votën anti-BDI për t’u bërë pjesë e planeve të Ahmetit e të Grubit, fundi është i pashmangshëm: saltoja morale bëhet mortale, dhe të mbaron karriera politike.
Para vetëm dy vitesh, votuesi i Aleancës mori një vendim të qartë si kristali: JO me Ahmetin, JO me Grubin.
Këtë e dinin shumë mirë si Taravari, ashtu edhe Sela. Megjithatë, ata tentuan ta merrnin atë votues me vete, ta mashtronin, t’ia thyenin dinjitetin.
Por votuesi i Aleancës nuk është plaçkë që kontrabandohet sipas qejfit të dikujt. Ata dështuan sepse votuesi ynë nuk nënshtrohet kurrë.
PO-ja për VLEN-in mori 107 mijë vota dhe më pas, 10 komuna. Ne nuk devijuam asnjë milimetër. Ne ruajtëm atë që është më e çmuar: besimin e njerëzve që duan ndryshimin dhe që refuzojnë me kokëfortësi kthimin te e vjetra, te modeli kriminal i BDI-së.
Dera e Aleancës mbetet e hapur. E hapur për të gjithë ata që u lënduan, e hapur për ata që u mashtruan dhe që sot ndjehen të tradhtuar, e hapur për ata që besuan, që duruan dhe që kurrë nuk e ulën kokën, edhe kur të tjerët tentuan t’i thyenin.
Ne ecim drejt. Ne ecim fort. Dhe kjo rrugë nuk ka kthim.
*Status facebook’u i zëvendëskryeministrit Arben Fetai
Koalicioni AKI, i ndërtuar pa kauzë, pa vizion dhe pa orientim të qartë politik, po hyn në fazën e shpërbërjes së pashmangshme. Ajo që ndodhi dje me largimin e ASH-së së Ziadin Selës dhe largimi i Krenar Llogës nga ky koalicion tregojnë qartë krizën e thellë të brendshme, mungesën e kohezionit dhe dështimin për të ndërtuar një ofertë politike të qëndrueshme, thonë nga VLEN.
“Moskordinimi i tyre i vazhdueshëm është bërë tashmë model i dështimit, jo vetëm që nuk arrijnë të formësojnë një drejtim të përbashkët, por çdo ditë dëshmojnë se ky koalicion ka funksionuar vetëm si strehë e interesave të ngushta personale, jo si projekt politik për shqiptarët.
VLEN mbetet forca e vetme e konsoliduar, me program, me vizion dhe me strukturë të qartë shtetndërtuese. Ndërsa AKI po shpërbëhet pjesë-pjesë, qytetarët dhe figura të rëndësishme politike po rikthehen aty ku gjendet stabiliteti, serioziteti dhe perspektiva e vërtetë.
VLEN do të vazhdojë të punojë me përgjegjësi dhe transparencë, duke mbrojtur interesin e përgjithshëm dhe duke ndërtuar një të ardhme të sigurt për qytetarët, ndërsa të tjerët merren me shpërndarjen e një koalicioni që asnjëherë nuk e pati një kauzë të vetën”, thonë nga VLEN.
Një emigrante nga Kina ka vdekur, ndërsa 7 emigrantë të tjerë janë lënduar në një aksident me kamion në Maqedoni
Fetai: Akrobacionet e Selës nuk përbëjnë befasi
VLEN pas largimit të ASH-së: AKI si koalicion pa kauzë tanimë po shpërbëhet!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga vendi2 weeks agoUniversiteti i Tetovës shpreh ngushëllime për vdekjen e studentes Daorsa Spahija