Një kamion me targa të Serbisë u përmbys sot në mëngjes në rrugën Valandovë–Dojran, ku si pasojë një emigrante nga Kina humbi jetën, ndërsa shtatë të tjerë u lënduan, njofton Sektori i Punëve të Brendshme (SPB) Strumicë, përcjell TV21.

“Sot rreth orës 04:20, kamioni doli nga rruga dhe u përmbys në rrugën Valandovë–Dojran. Nga lëndimet e marra në aksident, ka ndërruar jetë një emigrante nga Kina”, thuhet në njoftimin e Policisë.

Trupi i viktimës është dërguar për obduksion. Shtatë migrante të tjerë nga Kina kanë marrë lëndime trupore, pasi dyshohet se kishin hyrë në rimorkion e kamionit pa dijeninë e shoferit.

“Shoferi S.M. është ndaluar në spitalin e Gjevgjelisë për t’i dhënë ndihmë mjekësore”, bëjnë me dije nga SPB Strumicë.

Zjarrfikësit e Strumicës raportojnë se sot rreth orës 08:00 morën pjesë në një aksion për nxjerrjen e personave nga automjeti i përmbysur.

Advertisement

Akrobacionet e Ziadin Selës nuk përbëjnë më asnjë befasi.

Ajo që po shohim është thjesht kapitulli i fundit i një rruge të nisur mbrapsht që në fillim. Rrugë të cilën e hapi vetë Ziadin Sela, dhe e shtroi Arben Taravari.

Të dy zgjodhën t’i shërbejnë agjendës së Ali Ahmetit, duke harruar një të vërtetë historike: votuesi i Aleancës është antipodi i BDI-së dhe kurrë, për asnjë çmim, nuk pranon të bëhet patericë e saj.

Sot nuk ka më dilema. Kur tradhton parimet, strukturat dhe votën anti-BDI për t’u bërë pjesë e planeve të Ahmetit e të Grubit, fundi është i pashmangshëm: saltoja morale bëhet mortale, dhe të mbaron karriera politike.

Para vetëm dy vitesh, votuesi i Aleancës mori një vendim të qartë si kristali: JO me Ahmetin, JO me Grubin.

Advertisement

Këtë e dinin shumë mirë si Taravari, ashtu edhe Sela. Megjithatë, ata tentuan ta merrnin atë votues me vete, ta mashtronin, t’ia thyenin dinjitetin.

Por votuesi i Aleancës nuk është plaçkë që kontrabandohet sipas qejfit të dikujt. Ata dështuan sepse votuesi ynë nuk nënshtrohet kurrë.

PO-ja për VLEN-in mori 107 mijë vota dhe më pas, 10 komuna. Ne nuk devijuam asnjë milimetër. Ne ruajtëm atë që është më e çmuar: besimin e njerëzve që duan ndryshimin dhe që refuzojnë me kokëfortësi kthimin te e vjetra, te modeli kriminal i BDI-së.

Dera e Aleancës mbetet e hapur. E hapur për të gjithë ata që u lënduan, e hapur për ata që u mashtruan dhe që sot ndjehen të tradhtuar, e hapur për ata që besuan, që duruan dhe që kurrë nuk e ulën kokën, edhe kur të tjerët tentuan t’i thyenin.

Ne ecim drejt. Ne ecim fort. Dhe kjo rrugë nuk ka kthim.

Advertisement

*Status facebook’u i zëvendëskryeministrit Arben Fetai

Deputeti i BDI-së, Blerim Bexheti sot në një konferencë për shtyp, tha se deputetët e BDI-së do të vazhdojnë të funksionojnë në kuadër të Frontit Europian.

I pyetur për largimin e Ziadin Selës, ai tha ata kanë vendosur të funksionojnë të pavarur dhe se e përshëndesin dhe i mbsështesin që i parti opozitare përsëri të kenë bashkëpunim.

“Sa e pashë kumtesën e tyre ato do të vazhdojnë të jenë opozitë dhe se ne do të vazhdojmë të bashkëpunojmë”, tha Bexheti.
Bexheti tha se deputetët tanë do të vazhdojnë të funksionojnë si grup parlamentar i Frontit Europian.

Ai shtoi se siç ka thënë edhe zotëri Sela, në kuadër të komunave, këshilltarët tanë do të vazhdojnë të bashkëpunojnë.

Bexheti foli edhe për rritjen e pagave në vend ku tha se Maqedonia e Veriut ka pagën minimale më të ulët në rajon.

Advertisement

Ai tha se mbështesin kërkesën e Lidhjes së Sindikatave për rritjen e pagës minimale në 500 euro.