Lajme nga vendi
Studentët ridorëzojnë kërkesën e tyre në Ministrinë e Drejtësisë! Kërkojnë të gjitha provimet profesionale të jepen edhe në shqip
Ministri i ri i Drejtësisë, Jeton Shaqiri, ka marrë një kërkesë të vjetër, por të ripërtërirë nga studentët shqiptarë, për mundësinë e dhënies së provimit të jurisprudencës në gjuhën shqipe.
Mevlan Ademi, një nga nismëtarët e protestave studentore për zhvillimin e provimit të jurisprudencës edhe në gjuhën shqipe, njoftoi se pas më shumë se dy vitesh pritje, së bashku me kryetarin e Parlamentit Studentor të Universitetit të Evropës Juglindore, Besjan Rexhepi, kanë dorëzuar sërish një kërkesë zyrtare në institucionet kompetente.
Në kërkesën e re, përveç provimit të jurisprudencës, kërkohet që edhe provimet për noterë, përmbarues dhe të gjitha provimet e tjera shtetërore të mund të zhvillohen në gjuhën shqipe. Sipas tyre, aktualisht këto provime organizohen vetëm në gjuhën maqedonase, në kundërshtim me Ligjin për Përdorimin e Gjuhëve.
Nga fotografia që ai publikoi në Facebook, mund të shihet se kërkesa tashmë është dorëzuar në Ministrinë e Drejtësisë.
“Studentët shqiptarë nuk duhet të diskriminohen. Ata duhet të kenë mundësi të barabarta për t’u arsimuar, certifikuar dhe për ta ushtruar profesionin e tyre në vendin e vet. Institucionet kanë detyrim ta zbatojnë ligjin, të jenë në shërbim të qytetarëve dhe ta respektojnë gjuhën e popullit që e ndërton këtë shtet. Gjuha shqipe nuk është privilegj. Ajo është një e drejtë e garantuar me ligj dhe një realitet i padiskutueshëm i këtij shteti”, ka shkruar Ademi.
Ndryshe, gjatë një deklarate ekskluzive për Tv Koha, në kohën kur u nominua nga VLEN, Ministri i Drejtësisë, profesori universitar Jeton Shasivari premtoi vazhdimin e reformave që afrojnë vendin me standardet evropiane, sundimin e ligji, luftimin e korrupsionit dhe mbi të gjitha transparencë dhe llogaridhënie. Sipas Profesorit Jeton Shasivari, Ministria e Drejtësisë duhet të jetë urë lidhëse midis Qeverisë, qytetarëve dhe institucioneve.
JETON SHASIVARI –Kuptohet se vendi ynë ka disa aspekte sa u përket reformave dhe do jap përkushtim dhe angazhim profesional me integritet dhe profesionizëm që të arrijmë aty ku duhet, sidomos në plotësimin e standardeve evropiane veçanërisht sa i përket sektorit të drejtësisë. Nga ana tjetër si profesor universitar, çdoherë kam menduar që ajo që njihet në shkencë juridike duhet edhe të zbërthehet në praktikë. Tani si Ministër i ardhshëm gjithë potencialin tim akademike dhe profesionale, do ta vejë në shërbim të zgjidhjeve praktike, për probleme të shumta që ekzistojnë në sferën e drejtësisë.
Kujtojmë se para tre muajsh, partnerët e koalicionit qeverisës, kryeministri Hristijan Mickoski dhe bashkëkryetarët e koalicionit VLEN, Izet Mexhiti dhe Bilall Kasami, pas një takimi njoftuan se kishin arritur marrëveshje që studentët shqiptarë ta japin provimin e jurisprudencës në gjuhën shqipe dhe se propozimi ishte dërguar për shqyrtim në Komisionin e Venecias./Tv Koha/
Më 06.08.2026 në ora 13:40 në SPB Tetovë, një 59-vjeçar nga një fshat i Tetovës ka raportuar se është mashtruar nga personi S.B. nga rajoni i Shkupit. Sipas denoncimit, në prill të vitit 2026 ai me S.B. është marrë vesh që t’i shesë një automjet motorik transportues me targa të Shkupit, pronë e një personi juridik nga Shkupi, për një shumë prej 11.000 eurove me marrëveshje për pagesë me këste. Mirëpo, deri në ditën e denoncimit, shuma e rënë dakord nuk është paguar dhe as automjeti nuk është kthyer. Po merren masa për zbardhjen e rastit.
Gjykata Kushtetuese për herë të parë ka kallëzuar një gjyqtar të Gjykatës Themelore Civile Shkup në Prokurorinë Publike dhe në Këshillin Gjyqësor për shkak të moszbatimit të një vendimi të saj, transmeton TV21.
Bëhet fjalë për rastin e gazetares Natasha Stojanovska, lidhur me ngjarjet e 27 prillit 2017.
Gjykata Kushtetuese më herët kishte konstatuar shkelje të së drejtës së saj për lirinë e shprehjes publike dhe kishte urdhëruar rishqyrtimin e rastit.
Megjithatë, Gjykata Themelore Civile e kishte hedhur poshtë kërkesën për përsëritjen e procedurës, duke vlerësuar se vendimi i Gjykatës Kushtetuese nuk përbënte bazë për një gjë të tillë.
Nga Gjykata Kushtetuese thonë se me një veprim të tillë nuk janë respektuar vendimi final.
Për këtë arsye, për herë të parë është aktivizuar mekanizmi i ri për zbatimin e vendimeve, i paraparë me Aktin e Gjykatës, i cili është në fuqi që nga shtatori i vitit 2024.
Lajme nga vendi
DAP: “TURIZËM I DREJTË” – QYTETARËT QË JAPIN ME QIRA AKOMODIME DUHET TË DEKLAROJNË TË ARDHURAT
Me vizita në destinacionet turistike vendase, Drejtoria e të Ardhurave Publike (DAP) po vazhdon fushatën për një sezon turistik të drejtë, me qëllim që të nxisë pagesën e barabartë të tatimeve nga të gjithë qytetarët që realizojnë të ardhura nga dhënia me qira e kapaciteteve të akomodimit të çdo lloji. Në kulmin e sezonit turistik, nga DAP thonë se shumë pronarë privatë presin mijëra turistë dhe realizojnë të ardhura nga dhënia me qira e pronave të tyre, pa i deklaruar ato për qëllime tatimore, duke mos përmbushur detyrimet ligjore.
Përfaqësuesit e DAP informuan se janë vazhdimisht në terren për t’u ofruar qytetarëve udhëzime praktike për deklarimin e të ardhurave që personat fizikë realizojnë nga dhënia me qira e apartamenteve, banesave, shtëpive, uikend-shtwpive, dhomave dhe kapaciteteve të tjera të akomodimit, si dhe nga veprimtari të tjera sezonale të lidhura me turizmin.
Deklarimi i të ardhurave nga qiraja ose nënqiraja bëhet në mënyrë elektronike përmes sistemit e-Shërbime Tatimore. Qytetarët që janë të punësuar ose që tashmë kanë përdorur sistemin për skanimin e kuponëve fiskalë kanë profil të krijuar, ndërsa ata që nuk kanë profil duhet ta hapin një të tillë për të deklaruar të ardhurat në kohë.
FIKRET ZENUNI – Në rastet kur qiraja zgjat më pak se 31 ditë gjatë një muaji, deklarimi duhet të bëhet deri më 10 të muajit pasues. Kur pagesa realizohet përmes platformave të huaja, afati është gjithashtu deri më 10 të muajit pasues pas pagesës. Tatimi i miratuar duhet të paguhet jo më vonë se data 15 e muajit për muajin paraprak.
Tatimi mbi të ardhurat personale llogaritet mbi të ardhurat bruto, pra mbi shumën totale të paguar nga mysafiri.
Nga kjo shumë zbriten 10% shpenzime të njohura, nëse objekti jepet i pamobiluar ose 15%, nëse objekti është i mobiluar.
DAP vë theks të veçantë edhe te dhënia me qira përmes platformave digjitale si Airbnb, Booking, Facebook, Kajak dhe platforma të tjera.
Nëse qytetarët nuk i përmbushin detyrimet tatimore, Ligji për Tatimin mbi të Ardhurat Personale parashikon gjobë prej 50 deri në 250 euro, në kundërvlerë në denarë, për personat fizikë që nuk paraqesin deklarimin për të ardhurat nga qiraja ose nënqiraja./Tv Koha/
Mashtrohet tetovari, mbetet pa veturë e pa para
Gjykata Kushtetuese për herë të parë denoncon një gjyqtar
SALAH MBËRRIN NË TRABZON – TURQIA “DIGJET” NGA EMOCIONET!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
