Të shtunën zhvillohen dy ndeshje e javës së katërt të rrethit të parë të sezonit vjeshtor. Në  stadiumin në Çair, me  fillim në ora  16:30,  takohen   Shkëndija e Haraçinës  – Arsimi  ndërsa në orën  17:00  në terrenin e FFM-së  takohen  Skopje – Tikveshi.

Ndeshja mes Shkëndijës së Haraçinës  dhe  Arsimit të Çegranit konsiderohet  një mini derbi i javës së katër të kampionatit  meqë për herë të parë  luajnë njëra  kundra  tjetrës si  anëtare  të elitës së futbollit vendor.

Haraçinasit  në tre  xhirot e para  kanë  një  disfatë në javën e pare, barazim me  Sileksin  javën e dytë  në Çair dhe  fitore në transfertë kundër Tikveshit në Kavadar në javën e tretë.

Pas fitores në Kavadar skuadra  e Berat Imerit është motivuar të vazhdon rrugëtimin e  sukseseve  edhe  kundër  Arsimit , kësaj radhe  para  tifozëve  të  vet në Çair.

Trajneri Berat Imeri  për TV Koha deklaroi se sfida me  Arsimin do të jetë shumë e vështirë.

Advertisement

‘’ Na  pret një ndeshje  shumë e vështirë . Ne  kemi shumë respekt për ekipin e Arsimit , Duhet  të jemi   shumë serioz . Gjatë tërë  javës  do të punojmë  që të japim maksimumin  dhe  shpresoj  për  rezultat  pozitiv. Por  e rëndësishme  është që futbollistët duhet ta kuptojnë se nuk ka ndeshje të lehta  në kategorinë e parë.  Jam optimist, presim fitore  por  nuk  do të jetë  lehtë‘’deklaroi Berat Imeri  trajneri i Shkëndijës së Haraçinës

Futbollisti  i Arsimit, Fatjon Jusufi, tha  se  pas  dy  dështimeve  në  dy xhirot e para, fitorja  kundër  Bashkimit, sadopak  ktheu vetëbesimin dhe se  kundër Shkëndijës së Haraçinës  do të mundohen  të nxjerrim  rezultat  pozitiv, me angazhimin maksimal të të gjithë ekipit.

“ Realisht mendoj se do të jetë një ndeshje shumë e vështirë  edhe nga  ana  jonë edhe nga  ana e  Shkëndijës së Haraçinës. Mendoj se do të jetë një ndeshje  mjaftë e luftuar  fizikisht.­ Ekipi i cili  do të bëjë më pak  gabime  besoj se  edhe  do ta  fitoje  ndeshjen. Ne  kemi analizuar  kundërshtarin  edhe  po punojmë në at  aspekt. Mendoj se ndeshjet e para  ne  që i kemi luajt janë një shembull që nuk  duhet marrë  pasi është fillimi i kampionatit   dhe  shumica e lojtarëve   ende  nuk ishin  kompozuar me  ne. Më shumë jemi të hendikepuar nga  viti i kaluar sepse  shumicën e  lojtarëve  kanë ndruar  ekipe edhe shumë të tjerë kanë ardhur  tani. Por besoj se dalëngadalë  do ta  kapim edhe  forcën fizike edhe  po kthehemi bashkërisht si ekip  dhe  besoj se  pas ndeshjes me  Bashkimin dal nga  dal ne  do e kapim ritmin  dhe  në  secilën ndeshje   pa pa marr para sysh  jashtë apo brenda  për rezultate pozitive “  deklaroi  futbollist  Fatjon Jusufi.

Në terrenin  FFM-së me fillim nga ora  17:00  do të përballen Skopje me Tikveshin e Kavadarit.

Dy ndeshjet e fundit të javës së katërt, Vardari – Sileksi  dhe  Shkëndija – Struga Trim Lum, zhvillohen  të hënën.

Advertisement

Java e  katërt  e sezonit vjeshtor  në Ligën e parë të futbollit vendor hapet  nesër me  ndeshjen Bregallnica – Bashkimi.

 Dy  ekipet  në tre xhirot e para nuk  mund  të lëvdohen se kanë  shënuar  ndonjë  sukses  të veçantë. Bregallnica ka shënuar një  fitore  dhe  dy  humbje, ndërsa  Bashkimi ka tre  humbje.

Dy skuadrat  do të përpiqen të dëshmojnë se  kriza në fillim të kampionatit  tanimë është kaluar duke pretenduar për rezultate  pozitive.

Ekipi i Bashkimit vazhdon me prurjen e përforcimeve  të  reja.

Së fundmi, prurja e re është Fati Ismaili, një  emër  i njohur në futbollin vendor  meqë  ka qenë pjesë e  Shkupit, Rabotniçkit dhe Gostivarit ndërsa ka luajtur edhe në Kosovë për Vushtrrinë dhe Dinamo e Ferizajit.

Advertisement

Prurja tjetër  është Stefan Ristovski, sulmues krahu, i cili vjen nga Detonit Plaçkovica.

Ndeshja   Bregallnica – Bashkimi  luhet  nesër  me  fillim në ora 19:00.

Të shtunën takohen  Skopje – Tikveshi  dhe  Shkëndija Haraçinës – Arsimi, ndërsa të  hënën Vardari – Sileksi  dhe Shkëndija – Struga Trim Lum.

Nesër zyrtarisht  hapet edicioni i  20-të Lojërat Mesdhetare ‘’Taranto 2026’’  ku  pritet  të  marrin  pjesë  afro  5.000  sportistë  nga  26 vende. Maqedonia e Veriut  do të përfaqësohet  me  130  sportistë , Shqipëria  me  70 , ndërsa  Kosova me 163 sportistë.

Nga 21 gusht e deri më  3 shtator  mbahet  edicioni i 20-të i Lojërave Mesdhetare  ‘’Taranto 2026’’  ku  pritet  të marrin  pjesë  afro  5.000  sportist  nga  26 vende  nga Europa, Azia  dhe Afrika  të cilët do të garojnë në 32  sporte.

Në Lojërat e 20-ta  Mesdhetare Maqedonia e  Veriut do të përfaqësohet  me numër  rekord  prej 130 sportistëve që do të garojnë  në 19 sporte në mesin e të  cilave edhe në  katër sporte ekipore Volejboll për femra, hendboll për femra, futboll për  meshkuj dhe ekipi i basketbollit 3×3 të meshkujve.

Shqipëria do të marrë pjesë me 70 sportistë në 16 disiplina sportive. Në lojërat kolektive prezantohet me futbollin, ku kuqezinjtë e Alban Bushit janë në grup me Italinë, Kosovën dhe Algjerinë, në Atletikë do të prezantohet me Markelio Mema e Xhipsi Moreno në hedhje çekiçi, si dhe Franko Burraj në 200 e 400 metra.

Kosova do të shënojë pjesëmarrjen më të madhe në historinë e saj në Lojërat Mesdhetare, duke u paraqitur në edicionin Taranto 2026 me një delegacion rekord prej 163 sportistësh, të cilët do të garojnë në 21 disiplina sportive.

Advertisement

Në pritje të Lojërave, fokusi  ishte në përgatitjet cilësore, përkushtimin dhe mbështetjen për atletët   pjesëmarrës , të cilët me krenari do të mbrojnë ngjyrat e vendeve  prej nga  vijnë dhe do të promovojnë vlerat olimpike, sportivitetin dhe lojën e ndershme në skenën ndërkombëtare sportive.

Lojërat Mesdhetare, të cilat përherë të parë  janë  organizuar  para  75  viteve  në Aleksandri të Egjiptit janë  një ngjarje  me  shumë  sporte  që bashkon sportist  nga vendet e rajonit të Mesdheut.

Shaban Sinani – TV Koha