Lajme nga vendi
GOSTIVAR: ARINJTË NËPËR FSHATRA – SHOQATAT E GJUETARËVE DALIN NË TERREN!
Para disa ditëve në Debresh të Gostivarit, ishte vërejtur një ari, duke shkaktuar shqetësime tek banorët lokal.
Xhirimet e kamerave të sigurisë tregojnë se ariu ka lëvizur nëpër vende të ndryshme nëpër fshat, ndër të cilët, në stadium dhe në oborret e shtëpive private.
I menjëhershëm ka qenë reagimi i autoriteteve lokale të Debreshit.
Përmes faqes në Facebook “Shoqata Debreshi” ka alarmuar për rastin duke bërë thirrje për kujdes të shtuar, veçanërisht për prindërit dhe fëmijët që në orët e mëngjesit nisen për në shkollë.
-Kujdesuni që fëmijët të mos lëvizin vetëm, veçanërisht në rrugët pranë pyjeve dhe zonave të pabanuara.
-Shoqëroni fëmijët për në shkollë, nëse është e mundur.
-Shmangni lëvizjet e panevojshme në zonat ku janë vërejtur arinjtë.
-Nëse hasni një ari, mos iu afroni, mos e provokoni dhe mos u përpiqni ta ndiqni apo ta fotografoni nga afër. Njoftoni menjëherë institucionet përkatëse, thuhet në njoftimin e Shoqatës “Debreshi”.
Rasti me ariun në Debresh, por kohë më parë edhe në Dobërdoll të Gostivarit, ka vënë në lëvizje shoqatat.
Në këtë drejtim, Shoqata e Gjuetarëve “DRENI” – Debresh nënshkroi marrëveshje bashkëpunimi me Shoqatën Ekologjike Maqedonase, me qëllim ndërmarrjen e masave të përbashkëta për menaxhimin e pranisë së ariut pranë zonave të banuara.
Menjëherë pas nënshkrimit të marrëveshjes, u realizua vizitë e përbashkët në terren, ku u vlerësua situata dhe u shqyrtuan masat parandaluese.
Në kuadër të këtij bashkëpunimi, shoqatës së Gjuetarëve “Dreni” u është dhuruar një pajisje të specializuar për largimin e sigurt të ariut nga vendbanimet, me qëllim mbrojtjen e banorëve dhe parandalimin e incidenteve të mundshme./Tv Koha/
Drejtoria e të Ardhurave Publike (DAP) organizon sot ankand elektronik për shitjen e pronave të paluajtshme, automjeteve dhe pajisjeve industriale e ndërtimore.
Në shitje janë një lokal prej 31 metrash katrorë në Prilep, një hapësirë afariste prej 108 metrash katrorë në Strumicë dhe gjysma e një banese prej 89 metrash katrorë në Manastir.
Ankandi përfshin gjithashtu automjete udhëtarësh e transporti, makina tekstili, pajisje industriale, mekanizëm ndërtimor dhe pirunë ngritës.
Ankandi elektronik mbahet sot, më 22 tetor, nga ora 11:00 deri në 13:00.
Lajme nga vendi
Dyshime për mashtrim me vaksina kundër kancerit: Pacientëve u shiteshin injeksione për 3.200 euro
Një 47-vjeçar nga Velesi dyshohet se u ka shitur pacientëve me kancer vaksina të pretenduara kubaneze, duke u premtuar shërim kundrejt pagesës prej 3.200 eurosh.
Familjarët e disa pacientëve, të cilët ndërkohë kanë ndërruar jetë, dyshojnë se në vend të vaksinës u është injektuar tretësirë fiziologjike. Sipas pretendimeve të tyre, një mostër është dërguar për analiza laboratorike në Serbi, ku thuhet se është identifikuar si tretësirë fiziologjike. Megjithatë, përbërja e injeksioneve nuk është konfirmuar zyrtarisht.
Policia konfirmoi se më 31 korrik 2026, me urdhër gjykate, ka kontrolluar shtëpinë e të dyshuarit dhe ka sekuestruar një telefon celular. Ndërkohë, një 37-vjeçar nga Kavadari ka raportuar se ishte mashtruar për 3.200 euro me premtimin për të ndihmuar në trajtimin e një familjari.
Hetimet për rastin vazhdojnë. Ministri i Shëndetësisë, Sasho Klekovski, ka paralajmëruar për tregun e zi të barnave dhe vaksinave, duke u bërë thirrje qytetarëve që terapitë t’i kërkojnë vetëm në institucione shëndetësore të autorizuara.
Lajme nga vendi
Mashtrim i madh në Maqedoni: Përdorën të dhëna personale të të tjerëve për të marrë kredi të shpejta, të përfshirë edhe zyrtarë bankarë
Shtatë persona janë përfshirë në kallëzim penal për mashtrime me kredi të shpejta konsumatore në Kumanovë, me të cilat, sipas policisë, është realizuar dobi pasurore e kundërligjshme prej mbi 12,2 milionë denarësh (rreth 198.700 euro).
Pas miratimit dhe pagimit të kredive, paratë janë përvetësuar kundërligjshëm nga dy të dyshuarat, bën të ditur policia.
Në këtë rast janë përfshirë edhe pesë persona të moshës nga 27 deri në 48 vjeç, të punësuar si zyrtarë bankarë në një degë të një banke. Ata dyshohen se me keqpërdorim të pozitës dhe autorizimit zyrtar kanë mundësuar realizimin e mashtrimit dhe disponimin me mjetet e miratuara.
Në këtë mënyrë, sipas kallëzimit, dy grave u është mundësuar dobi pasurore e kundërligjshme në shumë totale prej 12.221.500 denarësh (rreth 198.723 euro).(INA)
E fundit! Marrin flakë zyrat e Top Channel në Air Albania! Anullohen të gjitha emisionet, thuhet se ka ndodhur një
DAP nxjerr në ankand banesa, lokale dhe automjete
Përplasje fizike në Kuvendin e Shqipërisë, rrahje mes deputetëve (VIDEO)
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga rajoni1 month agoFilloi në Hagë seanca për deklaratat përfundimtare ndaj Thaçit dhe të tjerëve
-
Lajme nga vendi2 months agoNdahen 109 vendime pune në Spitalin Klinik të Tetovës