Kryeministri Hristijan Mickoski ka ritheksuar qëndrimin e Qeverisë lidhur me provimin e Jurisprudencës, duke mbështetur zgjidhjen e propozuar nga Ministria e Drejtësisë. Ai theksoi se studentët do të kenë të drejtë të zgjedhin gjuhën në të cilën do të testohen në pjesën teorike të provimit.

Sipas Mickoskit, duke qenë se studimet juridike në vend zhvillohen në disa fakultete dhe në gjuhë të ndryshme, studentëve duhet t’u mundësohet që provimin ta japin në gjuhën në të cilën kanë studiuar, përfshirë shqipen, anglishten ose turqisht.

“Zgjidhja që do të dorëzohet në Qeveri, ndahet në dy pjesë. Në pjesën e parë thuhet që studentët do të mund që pjesën e cila lidhet me studimet deri-diplomike të zhvilluara në gjuhë, ndryshe nga maqedonishtja, që në Maqedoni, kemi rastin që studime të tilla të zhvillohen në tre gjuhë, Shqip, Anglisht po edhe Turqisht, të japin provimin në gjuhën në të cilën, ata e kanë përfunduar shkollimin e tyre të lartë”.

Megjithatë, tha se dy nga provimet e praktikës, në të cilën simulohet seancë gjyqësore do të mbeten në Maqedonisht.

“Në pjesën në të cilën simulohet procesi gjyqësorë, në bazë të procedurës penale dhe procedurës qytetare, do të mbetet në systemin “frankalingua”, pra, Maqedonisht.  Me këtë edhe njëherë e konfirmojmë se sistemi i drejtësisë me patjetër duhet të jetë në bazë të pricipit, “frankalingua”, sepse ajo ka lidhshmëri me sundimin e të drejtës, e jo me të drejta ose politikbërje të tjera”

Advertisement

Kutjojmë se në propozimin të cilin ministria e Drejtësisë muaj më parë u’a dorëzoi studentëve shqiptarë thuhet se 12 nga provimet për studentët shqiptarë parashihen të mbahen në gjuhën shqipe, ndërsa dy nga provimet e praktikës do të zhvillohen në maqedonisht, megjithatë me ndihmë të përkthyesve./Tv Koha – Shkup/

Pas shtrenjtimit të javës së kaluar, shoferët në Maqedoni do të paguajnë më pak për karburant. Komisioni Rregullator për Energjetikë ka vendosur uljen e çmimeve të derivateve të naftës. Nga mesnata, benzina do të lirohet për 7 denarë për litër, ndërsa dizeli për 5.5 denarë.

Lajme të mira për qytetarët dhe kompanitë në vend. Pas vendimit të Komisionit Rregullator për Energjetikë, nga 10 nëntori në fuqi hyjnë çmimet e reja të derivateve të naftës, me ulje të konsiderueshme për të gjitha produktet e përfshira.

Sipas vendimit të miratuar më 9 nëntor, EUROSUPER BS-95 dhe EUROSUPER BS-98 do të kushtojnë nga 86, përkatësisht 88 denarë për litër, që paraqet ulje prej 7 denarësh.

Ndërkaq, dizeli EURODIZEL do të kushtojë 94.5 denarë për litër, ose 5.5 denarë më pak se deri më tani.

Ulje ka edhe te vaji ekstra i lehtë për amvisëri, i cili do të shitet me çmim prej 103.5 denarësh për litër, 6.5 denarë më lirë.

Advertisement

Ndërsa mazuti M-1 NS do të kushtojë 49.312 denarë për kilogram, me ulje prej 6.261 denarësh.

Me këtë vendim, benzina BS-95 nga 93 denarë zbret në 86 denarë për litër, ndërsa dizeli, i cili në periudhën paraprake kishte arritur në 100 denarë, nga nesër do të kushtojë maksimalisht 94.5 denarë.

Nga Komisioni Rregullator bëjnë të ditur se ulja mesatare e çmimeve me pakicë është 7.51 për qind. Vendimi hyn në fuqi më 10 nëntor, në orën 00:01, ndërsa si arsye për uljen përmenden çmimet më të ulëta referente në tregjet botërore, kursi i këmbimit dhe masat tatimore të aplikuara.

Mbi 1.700 kandidatë kanë shprehur interes për t’u bërë pjesë e Armatës së Maqedonisë së Veriut, por vetëm 300 prej tyre do të fitojnë statusin e ushtarit profesionist. Procesi i përzgjedhjes është në fazën përfundimtare dhe do të bazohet në rezultatet e testimeve fizike, kontrolleve shëndetësore dhe intervistave. Ndërkohë, një konkurs i ri për pranimin e ushtarëve profesionistë paralajmërohet edhe për vitin 2027.

Mbi 1.700 aplikantë të interesuar për t’u punësuar në Armatë si ushtarë profesionistë do të konkurrojnë mes tyre për një nga 300 vendet e punës që pritet të plotësohen në bazë të konkursit të hapur nga Ministria e Mbrojtjes për vitin 2026.

Zëvendësministri i Mbrojtjes, Admir Shabani, në një prononcim për TV Koha, tha se përzgjedhja do të bëhet në bazë të rezultateve të kandidatëve që do t’i përfundojnë me sukses të gjitha fazat e nevojshme, përfshirë testimet fizike dhe ato shëndetësore.

Ai bëri të ditur se procedura është në fazën finale dhe se përzgjedhja pritet të bëhet së shpejti.

Të gjithë kandidatët të cilët në ditën e përfundimit të konkursit nuk i kanë mbushur 25 vjet, kanë pasur të drejtë të kalojnë në selektimin administrativ dhe të vazhdojnë më tej edhe me fazat e tjera. Faza e dytë është faza e kontrollit të përgatitjes fizike të kandidatëve. Vijon faza e tretë, kontrollet mjekësore, pastaj intervista dhe në fund do të krijohet ranglista e personave që i kanë kaluar të gjitha fazat. Ata do të përzgjidhen në bazë të sistemit të meritokracisë dhe rezultateve të arritura. Do të selektohen 300 anëtarë të rinj të Armatës, në fakt, 300 ushtarë profesionistë.

Advertisement

Shabani foli edhe për një konkurs tjetër, i cili pritet të hapet gjatë vitit 2027, duke theksuar se numri i ushtarëve që do të pranohen do të përcaktohet në bazë të analizave dhe nevojave të Armatës.

Në bazë të të gjitha parashikimeve tona, duke pasur parasysh edhe pensionimin e anëtarëve të Armatës, pensionimin e ushtarëve profesionistë, këto numra do të duhet të zëvendësohen me numra të rinj dhe, kuptohet, që do të kemi edhe konkurs të ri për pranimin e ushtarëve profesionistë. Cili do të jetë numri, do të shohim në momentin e shpalljes së konkursit, duke i pasur parasysh të gjitha analizat dhe të gjithë numrat të cilët na çojnë te numri final i shpalljes së konkursit.

Ndërkohë, ditë më parë u bë e ditur se të gjithë të punësuarit në Armatë dhe në Ministrinë e Mbrojtjes do të përfitojnë rritje të pagave prej 10 për qind, duke filluar nga janari i vitit 2027.

/Tv Koha – Shkup/

Advertisement