Connect with us

Lajme nga vendi

DEPONITË ILEGALE NË KUVEND, HOXHA PREMTON QENDRËN RAJONALE RUSINO!

Published

on

Deponitë ilegale dhe vonesat në ndërtimin e qendrave rajonale për menaxhimin e mbeturinave u diskutuan në Kuvend. Deputeti i LSDM-së, Dimitar Kovaçevski, kritikoi institucionet për mungesën e rezultateve konkrete, ndërsa ministri i Ekologjisë, Muhamed Hoxha, paralajmëroi një platformë digjitale për evidentimin e deponive ilegale në vitin 2027. Ai bëri të ditur se në mesin e projekteve të planifikuara është edhe qendra rajonale Rusino për rajonin e Pollogut.

Deponitë ilegale dhe menaxhimi i mbeturinave, si dhe mosndërtimi dhe vonesat në realizimin e qendrave rajonale për menaxhimin e tyre, ishin ndër temat që ngjallën debat në seancën e sotme të Kuvendit.
Ish-kryeministri, tani deputet i opozitares LSDM, Dimitar Kovaçevski, theksoi se, pavarësisht premtimeve dhe strategjive të shumta, qytetarët vazhdojnë të përballen me deponi të egra dhe ajër të ndotur.
“Problemi me menaxhimin e mbeturinave është një nga problemet më të rëndësishme, më të vjetra dhe më të mëdha ekologjike në vendin tonë. Edhe pse prej vitesh përgatiten strategji, bëhen studime, sigurohen fonde evropiane dhe paralajmërohet ndërtimi i qendrave rajonale, qytetarët vazhdojnë të jetojnë mes deponive të egra dhe ajrit të ndotur. Kjo nuk është çështje që lidhet vetëm me ‘Higjienën Komunale’. Bëhet fjalë për shëndetin publik, mbrojtjen e mjedisit, por edhe për mënyrën se si menaxhohen investimet publike dhe fondet evropiane.”

Duke iu përgjigjur shqetësimeve të ngritura, ministri i Mjedisit Jetësor dhe Planifikimit Hapësinor, Muhamed Hoxha, deklaroi se ndërtimi i qendrave rajonale për menaxhimin e mbeturinave mbetet një nga prioritetet e ministrisë që ai drejton.
Hoxha theksoi se realizimi i këtij projekti përbën një reformë të rëndësishme për vendin, e cila synon t’i japë fund problemit shumëvjeçar të deponive ilegale. Për më tepër, Hoxha paralajmëroi se për vitin 2027 është planifikuar krijimi i një platforme digjitale, përmes së cilës do të identifikohen dhe evidentohen deponitë ilegale.

Opinioni I gjërë e dijnë shumë mirë se për ndërtimin apo realizimin e kësaj reforme shumë të rëndësishme në vendin tonë që do ti japim edhe fund deponive të egra të cilat I kemi në çdo cep, pajtohem plotësisht dhe këtu mu pikërisht do të ndërlidhem edhe me mjetin apo platformën digjitale të cilën e paralajmërova dit më parë në pres konferencë për vitin 2027-të sepse vetëm në këtë mënyrë do të mund, pas ndërtimit të qendrave rajonale të gjitha ato depone të cilat I kemi të identifikuara dhe ato të cilat nuk i kemi të identifikuara të fillojmë një nga një, pastrimin e tyre.


Në fund, Hoxha potencoi se në mesin e qendrave rajonale të reja do të jetë edhe ajo e Rusinos, e cila ndodhet në rajonin e Pollogut.Sipas ninistrit procedurat administrative janë në përfundim e sipër dhe viteve në vijim pritet edhe shpallja për ndërtimin e qendrës rajonale Rusino me standarde europiane./Tv Koha – Shkup/ 

Advertisement

Lajme nga vendi

Inteligjenca artificiale, institucionet dhe bizneset përballë ndryshimit

Published

on

Institucionet dhe kompanitë duhet të jenë në hap me zhvillimet teknologjike dhe ta përdorin më gjerësisht inteligjencën artificiale. Në konferencën e Odës Ekonomike për Teknologji Informative dhe të Komunikimit – MASIT u diskutua se si këto mjete mund t’i ndihmojnë bizneset të bëhen më konkurruese dhe institucionet t’u ofrojnë qytetarëve shërbime më të shpejta. Përmes projektit “Vezilka”, me vlerë mbi 5,5 milionë euro, Qeveria synon të zhvillojë një model gjuhësor në maqedonisht për përdorim në administratën publike.
“Fillimisht, përmes trajnimeve, punonjësit e sektorit publik do të përgatiten për përdorimin e këtyre mjeteve. Më pas, ato do të përdoren në raste konkrete dhe mbi to do të ndërtojmë sisteme të caktuara.”, – deklaroi ministri i Transformimit Digjital, Stefan Andonovski.
“Ne si Qeveri përpiqemi t’i mundësojmë të gjitha kushtet që janë pjesë edhe e legjislativës dhe e infrastrukturës, me qëllim që industria e IT-së të mund të rritet, të krijohen vende të reja të punës, të krijohet vlerë shtesë dhe në atë mënyrë të rritet edhe ekonomia.”, – theksoi ministri i Transportit dhe Lidhjeve, Aleksandar Nikollovski.
Ndërkohë, kryetari i MASIT-it, Jordan Dimitrovski, tha se inxhinierët e rinj tashmë e kanë më të vështirë të gjejnë punë. Ai kërkoi më shumë praktikë gjatë studimeve.
“Po bisedojmë me universitetet që gjatë studimeve të ketë më shumë mësim praktik, që studentët t’i përdorin më shumë këto mjete dhe, kur të diplomohen, të dinë si të përfshihen në detyrat e punës.”, – u shpreh kryetari i MASIT-it, Jordan Dimitrovski.
Dimitrovski pret që inteligjenca artificiale të marrë gradualisht përsipër detyrat e përsëritura, përfshirë një pjesë të punës në programim. Sipas tij, kjo do të shtojë nevojën për rikualifikim, ndërsa sektori tashmë ka mungesë specialistësh në sigurinë kibernetike dhe në shkencën e të dhënave. al.mrt. BELINDA KOKA ADEMI
Continue Reading

Lajme nga vendi

Protestë para Gjykatës Civile, sindikatat kërkojnë zgjidhje për punëtorët

Published

on

Rreth 500 punëtorë të kompanive “Fakom”-it dhe “Beton”-it po përballen me pasiguri ekonomike, për shkak të pagave dhe kontributeve të papaguara. Të pakënaqur me zvarritjen e procedurave gjyqësore, Sindikata e Industrisë, Energjetikës dhe Minierave, së bashku me Sindikatën e Ndërtimtarisë, protestuan sot para Gjykatës Themelore Civile në Shkup. Punëtorët e “Fakom”-it thonë se prej dhjetë muajsh kanë mbetur pa paga dhe pa sigurim shëndetësor.
“Pasiguria zgjat prej 10 muajsh, njerëzit janë lënë në mëshirë të fatit, pa pagë, pa sigurim shëndetësor dhe pa asnjë lloj kontributi. Aspak nuk u është dhënë asgjë, prej 10 muajsh njerëzve. Dhe njerëzit po kalojnë një golgatë të madhe, për fat të keq do të theksoj se katër nga kolegët tanë ndërruan jetë gjatë këtyre 10 muajve.”, – deklaroi punëtori në “Fakom”, Adnan Uzeirovski.
Përfaqësuesit e sindikatës akuzojnë gjykatën për zvarritje të procedurës, ndërsa kërkojnë që institucionet gjyqësore të veprojnë pa vonesa të mëtejshme, pasi, siç thonë, pasojat e kësaj situate po i bartin drejtpërdrejt punëtorët dhe familjet e tyre.
“Deri më tani para këtij gjyqi ku po qëndrojmë, tashmë katër herë është shtyrë fillimi për falimentim. Kjo golgotë duhet të marrë fund, sepse opinioni duhet ta dijë se këta punëtorë, jo aq pak në numër, rreth 500, janë lënë në tehun e ekzistencë.”, – theksoi Igor Gjerasov nga SIEM.
Përveç rastit “Fakom”, sindikatat kërkojnë përshpejtimin e procedurave edhe për punëtorët e kompanisë “Beton”, të cilët gjithashtu përballen me paga dhe kontribute të papaguara. Sindikalistët kërkojnë zgjidhje sa më të shpejtë të rasteve, me qëllim që punëtorëve t’u mundësohet realizimi i të drejtave të tyre.al.mrt
BELINDA KOKA ADEMI
Continue Reading

Lajme nga vendi

Pa ndihma në mes të nëntorit, qytetarët në hall: Rrezikojnë të mbesin pa barna, ushqim dhe ngrohje

Published

on

Edhe pse ka kaluar gjysma e muajit nëntor, përfituesit e ndihmës financiare për kujdesin ndaj personit tjetër në Maqedoninë e Veriut ende nuk i kanë marrë pagesat mujore.

Qytetarët që varen nga kjo ndihmë shprehin shqetësimin e tyre për vonesën, duke theksuar se bëhet fjalë për një kategori veçanërisht të ndjeshme të shoqërisë, për të cilën këto mjete janë të domosdoshme për përballimin e nevojave të përditshme. Sipas reagimeve të tyre, vonesa në ekzekutimin e pagesave rrezikon t’ua vështirësojë edhe më shumë sigurimin e barnave, ushqimit dhe ngrohjes, sidomos në këtë periudhë kur temperaturat kanë filluar të ulen. Për shumë familje, kjo ndihmë nuk është thjesht një përkrahje financiare, por një burim i rëndësishëm për mbijetesën dhe përballimin e shpenzimeve bazë. Përfituesit kërkojnë nga institucionet kompetente që të sqarojnë arsyet e vonesës dhe të mundësojnë sa më shpejt ekzekutimin e pagesave. Deri më tani, mbetet e paqartë se kur do të realizohet pagesa e plotë për këtë kategori qytetarësh. tema-mk

Continue Reading

Më të lexuarat