Mbrëmë rreth orës 22:05 territori I RMV-së u godit nga një tërmet me epiqendër në Kosovën fqinje, rreth 45 kilometra në veriperëndim të Shkupit. Sipas të dhënave të Opservatorit Sizmologjik pranë FSHMN-së në Shkup, tërmeti ka qenë me manjitudë me 4.6 sipas shkallës Rihter.

Rajoni I Tetovës, Gostivarit dhe Shkupit mbrëmë përjetuan makth të vërtetë. Bashkë me disa rajone të Kosovës u ndjenë lëkundjet më të fuqishme dhe sipas të dhënave zyrtare intensiteti ka qenë 5 ballë sipas Shkallës Makrosizmike Evropiane.

Sizmologët thonë se tërmeti ka qenë aq I fuqishëm që të ndjehet nga një numër I madh I qytetarëve, por fatmirësisht deri tani nuk ka denoncime për dëme materiale ose të lënduar.

Lëkundjet e tërmetit në Tetovë mbrëmë detyruan që shumë njerëz të largohen nga objektet e banimit, nga frika e goditjeve tjera, kurse nëpër rrjetet sociale janë shpërndarë pamje të kamerave të sigurisë që tregojnë intensitetin e tërmetit.

Mbrëmë Tetova përjetoi një makth të vërtetë. Lëkundjet e tërmetit shqetësuan shumë banorë. Shumë prej tyre dolën para objekteve të banimit, për të shmangur goditjet tjera eventuale.

Advertisement

Por, c`thonë qytetarët e Tetovës? Si e përjetuan ata natën e mbrëmshme?

“Pata pak frikë, por u tejkalua se u ndal për fat të mirë”

“Si do të përjetosh, pak zgjati dhe kaloi”

“Si zakonisht, tërmeti është tërmet, s`ka paralajmërim. Dolëm në rrugë dhe u kthyem menjëherë”

“Mos më pyet se ende nuk mund të qetësohem”

Advertisement

“Nuk dolëm nga shtëpia, por u përgatitëm të jemi të gatshëm me iukë nëse ndodh edhe faza e dytë”

Pas tërmetit të orës 22.05, sizmologët thonë se janë shënuar edhe lëkundje tjera apo aftershock, që janë të zakonshme pas valës së parë të tërmetit.

Profesori i rregullt I Institutit për Gjeografi, Dr.Ivica Milevski, ka dhënë mesazhe qetësuese duke pohuar se nuk ka hapësirë për shqetësime duke shtuar bëhet fjalë për procese natyrore gjeologjike.

“Asgjë e tmerrshme, Mali Sharr jo I qetë akoma po rritet, madje edhe për disa milimetra (që nuk është edhe pak). Le ta bëjë punën që e ka bërë me miliona vite, pak nga pak, kurse ne mund të pushojmë” – ka shkruar në rrjetet sociale profesori Milevski.

Në këtë rajon edhe para dy ditëve u shënuan lëkundje sizmike me 3 ballë sipas Shkallës Makrosizmike Evropiane.

Advertisement

Edhe pse tërmetet ishin me manjitudë mesatare dhe nuk kanë shkaktuar dëme, sërish rikujtojnë se ky rajon mbetet me aktivitet sizmik.

 Kryetari i Lidhjes së Sindikatave të Maqedonisë (LSM), Sllobodan Trendafilov, sot njoftoi se nesër do të ketë bllokadë të Odës Ekonomike, Organizatës së Punëdhënësve dhe Konfederatës së Biznesit. Bllokada do të fillojë në orën 12:00 në kryqëzimin para Odës Ekonomike.

“Të mos shqetësohen. Sërish do të jemi 21 përfaqësues të Sindikatës, aq sa nevojitet sipas minimumit ligjor për të dalë në rrugë dhe të bllokojmë. Para Odës Ekonomike, do të bllokojmë pronarët që kanë bllokuar punëtorët për 36 vjet. Pronarë që refuzuan të rrisin pagat e punëtorëve dhe pagën minimale deri në fund të vitit të kaluar, dhe që “ankohen” se punëtorët e kualifikuar po largohen nga Maqedonia dhe se nuk mund t’i mbajnë. Do të bllokojmë pronarët që u frikësuan nga sulmet e Qeverisë dhe partive politike”, tha Trendafilovi. Shtoi se do të bllokojnë derisa të merret një vendim për rritjen e pagës minimale në të paktën 600 euro dhe për rritjen e të gjitha pagave të tjera për 6.000 denarë.

Trendafilovi u bëri thirrje punëtorëve të cilët nesër do të jenë në gjendje t’u bashkohen për të paktën pesë minuta sepse, siç tha, të tjerët po i numërojnë.

“Pas mbarimit të bllokadave, do të bëjmë thirrje për një protestë të madhe punëtorësh, për të cilën do të organizojmë transport nga të gjitha qytetet dhe do t’u japim një shans të gjithë punëtorëve. Protesta që do të organizohet në një ditë jo pune në mënyrë që të nxjerrim shumë më tepër se 21 persona në rrugë para se të organizojmë një grevë të përgjithshme në sektorin publik dhe privat nëse ata vazhdojnë me qëndrimin e tyre injorues”, deklaroi Trendafilovi. Theksoi se ka një pagë prej 57.000 denarë dhe nuk do të dorëzohet derisa të arrihet një rritje e pagave të punëtorëve.

Kryetari i LSM-së kërkoi që MPB-ja, ministri Toshkovski dhe Prokuroria të marrin menjëherë masa kundër deputetes së VMRO-DPMNE-së, Dafina Stojanoska, e cila, siç tha, “i ka publikuar fëmijët e tij të mitur në mënyrë që të gjithë të mund t’i diskreditojnë dhe në këtë mënyrë ta shantazhojnë”. Kërkoi që kryetari i Kuvendit Gashi të fillojë një procedurë për heqjen e imunitetit parlamentar të Stojanoskës.

Advertisement

Shprehu mirënjohje për inspektorët e MPB-së të cilët, gjatë ditës së djeshme, morën të gjitha masat për ndjekje penale dhe siguruan të gjitha provat e nevojshme. “E pyes ministrin e Punëve të Brendshme: a po e ndjekin shërbimet kryetarin e LSM-së së dhe a po i icizojnë fëmijët e kryetarit të LSM-së. A janë individë dhe nëse janë individë, t’i arrestojnë menjëherë. Prokurori publik duhet të tregojë menjëherë se drejtësia është e barabartë për të gjithë dhe se do t’i arrijë të gjithë”, tha Trendafilovi. Shtoi se publikimi i fëmijëve të mitur është abuzim dhe nuk lejohet askund në botë. Paralajmëroi se për këtë rast do t’i informojë të gjitha ambasadat, Delegacionin e BE-së, sindikatat vëllazërore të Konfederatës Ndërkombëtare dhe Evropiane të Sindikatave dhe Organizatën Ndërkombëtare të Punës (ONP).Foto: MIA

Kërkesa e studentëve që provimi i jurisprudencës të jepet edhe në gjuhën shqipe shkaktoi tensione të reja në koalicionin qeveritar. Cështja mori edhe dimension politik pasi Zv/Kryeministri Bekim Sali publikisht akuzoi se Ministri I Drejtësisë, Igor Filkov, nuk ka vullnet për ta zgjidhur problemin. Përgjegjsi nga Ministri Filkov kërkon edhe BDI-ja.

Bashkimi Demokratik për Integrim kërkon përgjegjësi për mosorganizimin e provimit të jurisprudencës në gjuhën shqipe, duke e cilësuar situatën si shkelje me elemente të përgjegjësisë penale. Partia vlerëson se mohimi i kësaj të drejte krijon klimë përjashtuese dhe dëmton barazinë. BDI i bën thirrje Inspektoratit dhe Prokurorisë të veprojnë, si dhe kërkon përgjegjësi penale për ministrin e Drejtësisë.

“Kërkojmë nga Inspektorati për Përdorimin e Gjuhëve që menjëherë të konstatojë shkeljet dhe të iniciojë procedura për kundërvajtje ndaj Ministrisë së Drejtësisë dhe personave përgjegjës. Kërkojmë nga Prokuroria Publike që të vlerësojë ekzistencën e elementeve për ndjekje penale për keqpërdorim të pozitës zyrtare, moskryerje të detyrës zyrtare dhe nxitje të mosdurimit ndëretnik. Kërkojmë përgjegjësi personale nga Ministri i Drejtësisë për çdo vendim ose mosveprim që pengon zbatimin e ligjit. Ligji është i qartë. Zbatimi i tij nuk është opsion. Pengimi i tij ka pasoja juridike”

Ndryshe, Zv/Kryeministri Bekim Sali, mbështeti nismën e studentëve që provimi I jurisprudencës të jepet edhe në shqip, duke pohuar se institucionet duhet ta mundësojnë këtë, për shkak se shqipja është gjuhë zyrtare konform Kushtetutës dhe ligjit.

Ministri I Drejtësisë, Igor Filkov, përmes rrjeteve sociale u kundërpërgjigj se “ka përfunduar koha e interpretimeve politike të Kushtetutës dhe ligjeve”, sic tha, pas largimit të koalicionit BDI-LSDM nga pushteti.

Advertisement

Filkov adresoi kritika ndaj Zv/Kryeministrit Sali se shteti nuk funksion në bazë të vlerësimeve personale.

Për të “shuar zjarrin” dhe debatet midis partnerëve të koalicionin ZNAM-VLEN ka ndërhyrë Kryeministri Mickoski. Ai pret që ky debat të përfundojë shumë shpejt dhe la hapësirë për zgjidhje ligjore, sukse sqaruar se Kushtetuta lejon përdorimin e gjuhës shqipe nëpër institucione, vetëm nëse është konstatuar me ligj.