Njëri nga liderët e VLEN dhe kryetar i komunës së Çairit, Izet Mexhiti në intervistën për “Top news” të Tiranës ka folur edhe për marrëdhëniet me drejtuesit e Shqipërisë dhe Kosovës.

“Neve na intereson shteti shqiptarë, mundohemi të bëjmë maksimumin, zgjedhjet kanë mbaruar dhe në Maqedoni ka një realitet të ri, për VLEN kanë votuar mbi 100 mijë shqiptarë, VLEN qeveris me 10 komuna kryesore në Maqedoni”, ka thënë ai duke shtuar se Shqipëria duhet ta pranojë këtë realitet.

Ai shton se mu për këtë duan të jenë në korrelacion të vazhdueshëm me qeverinë e Shqipërisë, pa marrë parasysh preferencat që ka njëra palë apo tjetër.

Ai ka folur edhe për Kongresin e parë të VLEN-it që do të mbahet më 9 maj, ku është zgjedhur modeli i bashkëkryetarëve.

“Unë dhe Bilall Kasami do të jemi bashkëkryetarë, Bekim Sali sekretar i përgjithshëm, Mimoza Musa dhe Bekim Qoku nënkryetarë. Për këtë janë duke punuar organet e punës”, ka thënë Mexhiti.

Advertisement

Gjyqtari kushtetues Osman Kadriu në intervistën për Alsat vuri në pah nevojën për riformulim të preambulës së Kushtetutës, e cila sipas tij shqiptarët i definon si qiraxhinj. Kadriu tha se shqiptarët në Maqedoninë e Veriut nuk janë të huaj, por vendas.

“Në preambulë definohet “shqiptarët pjesë e popullit”, siç i përmendin edhe të gjithë etnikumet tjera, “pjesë e popullit”… Kjo ju lutem aludon në një situatë dhe tezë shumë të rrezikshme që flet se ne si pjesë e popullit, domethënë rastësisht kemi ndodh dhe jetojmë në Maqedoni, qiraxhinj me qenë këtu se kemi dalë prej shtetit tjetër, e kemi gabuar rrugën, jemi futur në Maqedoni dhe këtu jetojmë. Ne nuk jemi këtu qiraxhinj dhe nuk jemi pjesë e popullit, ne jemi vendas këtu”, tha gjyqtari Osman Kadriu në intervistën për Alsat.

Koalicioni VLEN po i jep formë përfundimtare organizimit të Kongresit të parë të përbashkët, i cili pritet të mbahet gjatë muajit maj.

Përmes një fotografie të publikuar nga eksponentë të lartë të koalicionit, është bërë e ditur se përgatitjet për këtë ngjarje politike po hyjnë në fazën finale. Në takimin koordinues kanë marrë pjesë ministra, funksionarë dhe drejtues komunash që janë pjesë e ekipit organizativ të kongresit.

“Së shpejti… KONGRESI I BASHKIMIT, VLEN NJË!”, është mesazhi i publikuar nga përfaqësues të koalicionit, duke paralajmëruar një ngjarje që pritet të shënojë etapë të re në organizimin politik të VLEN-it.

Nga koalicioni vlerësojnë se kongresi do të jetë moment i rëndësishëm për konsolidimin e strukturave dhe përcaktimin e objektivave politike për periudhën e ardhshme.