Kryeministri Hristijan Mickoski pret që çmimi i naftës në Maqedoni sot të lirohet për 2 deri në 2.5 denarë . Mickoski tha se pret që të ketë rritje te çmimi i benuinave.

“Sipas kalkulimeve tona, unë pres që sot sërish dizeli do të ulet, përafërsisht për 2 ose 2,5 denarë. Sepse javën e kaluar mesatarja ishte ashtu në Platts, FOB Itali, që për ne është berzë. Pres pak rritje të benzinave, por TVSH-në këtu e kemi 10%, edhe këtë javë mbetet 10%”, tha Hristijan Mickoski.

Një zhvillim i ri politik është konfirmuar sot në Këshillin e Komunës së Tetovës, pasi dy këshilltarë të AKI-së, që vijnë nga radhët e ASH-së, Arlind Murtezani dhe Zehra Musai, kanë paraqitur kërkesë zyrtare për të vepruar si të pavarur dhe për t’u shkëputur nga koalicioni AKI.

Lajmin, para nisjes së seancës, e bëri publike Kryesuesi i Këshillit, Jusuf Abduli.

“Para se të fillojmë me punë në seancën e 12-të të Këshillit të Komunës së Tetovës, Ju informoj se nga ana e Këshilltarëve, Arlind Murtezani dhe Zehra Musai, kam pranuar një kërkesë me shkrim, me të cilën informojnë se do të veprojnë si Këshilltarë të pavarur. Ata janë pjesë përbërëse të koalicionit AKI” – njoftoi në fillim të seancës, Kryesuesi i Këshillit, Jusuf Abduli.

Ky zhvillim pritet të ndikojë në balancat politike brenda këshillit, duke hapur mundësi për rikonfigurime të reja dhe bashkëpunime të mundshme në të ardhmen.

Me këtë vendim, koalicioni AKI, mbetet me 10 Këshilltarë në Këshillin e Komunës së Tetovës./Tv Koha/

Advertisement

Deputeti i VLEN-it Adnan Azizi ka demaskuar BDI-në dhe Ali Ahmetin duke shpërndarë një video, ku shihet kreu i BDI-së duke arsyetuar dhe mbrojtur Nikolla Gruevskin.

Azizi kujton se kur BDI-ja është në pushtet, arsyeton dhe relativizon gjithçka, edhe kur shqiptarët vriten, burgosen, rrihen dhe montohen.

Në videon e shpërndarë, Ali Ahmeti thotë se Nikolla Gruevski ishte viktimë e konstruktit mediatik dhe se sipas tij “nuk ishte aq i keq” sa përfytyrohej në media.