Lajme nga vendi
Prokuroria: Ne jemi institucioni i vetëm kompetent për hetimin ndaj Eurostandard Bankën
Konform Ligjit për procedurë penale, Prokuroria Publike është institucioni i vetëm kompetent për të dhënë urdhër dhe për të zhvilluar procedurë hetimore, njofton Prokuroria Publike e Republikës së Maqedonisë së Veriut, lidhur me pretendimet dhe raportin e paraqitur në konferencën e djeshme për shtyp nga disa persona, mes të cilëve edhe, siç thonë ata, një i dyshuar për falimentimin e Bankës “Eurostandard”.
“Disa nga pretendimet nga ky ‘hetim privat apo i pavarur’ janë hetuar në lëndë, rreth të cilave ka vepruar Prokuroria Publike dhe për të cilat në përputhje me dëshmitë është marrë vendim meritor i prokurorit publik”, theksojnë nga PPRMV.
Nga PPRMV po ashtu informojnë se pas disa kallëzimeve penale në lidhje me veprimtarinë e kompanisë KUBUS, disa prokurorë publikë nga Prokuroria Themelore Publike për ndjekje të krimit të organizuar dhe korrupsionit dhe nga Prokuroria Themelore Publike Shkup kanë vepruar me qëllim të konstatimit të fakteve juridikisht relevante.
Dëshmitë e siguruara dhe ekspertiza, thuhet në komunikatë, rezulton se personat fizikë të denoncuar nuk e kanë shfrytëzuar pozitën dhe autoritetin zyrtar dhe as nuk i kanë tejkaluar kufijtë e kompetencave të tyre zyrtare, me qëllimin përfundimtar të dëmtimit të personave juridikë Kubus dhe Kubus Inzhenering.
Duke pasur parasysh interesin e publikut dhe vëllimin e veprimeve të ndërmarra parahetimore, Prokuroria Publike përkujton se menjëherë pas marrjes së vendimit për këtë rast që në prill të vitit 2021, i kanë elaboruar në mënyrë transparente dhe të detajuar të gjitha faktet e vërtetuara dhe informoi se janë hedhur poshtë kallëzimet penale kundër Kubus.
Nga PPRMV gjithashtu informojnë se nëse ndonjë person ka dëshmi apo njohuri shtesë për një krim të kryer, mund ta denoncojë në Prokurorinë Publike, e cila do të veprojë sipas kompetencave të saj dhe do të bëjë kontrollet e nevojshme, duke pasur parasysh edhe atë material.
Lidhur me falimentimin e Bankës Eurostandard, Prokuroria Themelore Publike për ndjekjen e krimit të organizuar dhe korrupsionit njoftoi se është duke hetuar përgjegjësinë për falimentimin dhe pas kontrolleve që janë bërë dhe ku ka theksuar se banka nuk ka vepruar në përputhje me masat e shumta të shqiptuara nga Banka Popullore dhe raportet e pasakta në Bankën Popullore, prokurori publik kompetent ka lëshuar Urdhër për zhvillimin e procedurës hetimore ndaj katër personave përgjegjës nga Banka Eurostandard, për të cilët ekziston dyshimi i bazuar se kanë kryer veprën e shkaktimit të falimentimit të një banke nga neni 181 paragrafi 1 i Ligjit për bankat dhe veprën penale të vazhduar – Pastrim parash dhe të hyrave të tjera nga vepra penale nga neni 273 par. 6 në lidhje me nenin 45 të Kodit Penal.
Hetimi, njofton PPRMV, për këtë rast është në vazhdim e sipër dhe pas përfundimit të tij, prokuroria do të marrë vendimin përkatës të prokurorit publik.
Erdhi në Tetovë pa përkthyes. Ndoshta mendoi se shqipja është dialekt sezonal që aktivizohet vetëm më 28 Nëntor.
Kjo është Ministrja e Arsimit, Vesna Janevska, e njohur për qëndrimet e saj “parimore” kundër UÇK-së, kundër festimit të Ditës së Flamurit kombëtar shqiptar dhe, në përgjithësi, kundër çdo gjëje që tingëllon shqip.
Kësaj radhe, megjithatë, i hasi sharra në gozhdë.
Në një ngjarje të mbajtur në Universiteti i Tetovës, ministrja nuk arriti ta kuptojë rektorin Jusuf Zejneli. Çudi e madhe: në Tetovë flitet shqip. Gazetarët shqiptarë, me një dozë ironie që zor se përkthehet, i sugjeruan që herën tjetër të vijë me përkthyes. Ja përgjigja e sajë…
Atmosfer…
Vesna Janevska dëshmoi edhe një herë se nuk ngurron t’i artikulojë qëndrimet e saj nacionaliste. Por as gazetarët nuk i lëshuan rrugë: ia bënë të qartë se ndodhet në një qytet ku shqipja nuk është “opsion”, por gjuhë e përditshme — dhe simbolikisht ia larguan mikrofonat.
Afmosferë….
Një rikujtesë miqësore për ministren: Universiteti i Tetovës nuk është thjesht institucion. Është themeluar me gjak, viktima e protesta, dhune e sakrifica, dhe për shumëkënd mbetet simbol i të drejtës për arsim në gjuhën amtare.
Po ashtu, një shfletim i Kushtetutës së Maqedonisë së Veriut do të ishte mëse i nevojshëm për Janevskën. Amendamenti 5, pika 1, e përcakton qartë se çdo gjuhë që flitet nga së paku 20% e qytetarëve është gjuhë zyrtare, bashkë me alfabetin e saj.
Ndoshta, para se të merret me ligjet e arsimit, do të ishte e dobishme t’ia kujtojmë se kushtetuta nuk është broshurë dekorative — por themeli mbi të cilin ndërtohet (ose rrëzohet) serioziteti institucional.
Propozim ligji i ri për ndryshime në arsimin e lartë është i papranueshëm për senatin e universitetit të Tetovës dhe ky senat ka sjell një vendim ku kërkon që ky ligj të tërhiqet dhe të rishikohet duke pasur parasysh gjendjen reale në universitete.
“ Numri më i madh i vërejtjeve ka të bëj me cenimin e autonomisë universitare , pasi që parashihet të ketë një këshill universitar i cili edhe i zbehë kompetencat e universitetit , dhe kjo është ajo ku shumica e profesorëve kanë vërrejtje pjesa tjetër është me numër të madh. Akreditimin e studimeve të doktoraturës , pasi që UT i plotëson të gjithë kushtet ka staf akademik , punime shkencore punime , por kriteret janë në harmoni me gjendjen reale dhe për këtë janë një numër i vërejtjeve . Senati Universitetit të Tetovës ka vendim në të cilën propozon që ligji më mirë të tërhiqet të rishikohet dhe të ketë një draft i cili është në harmoni me gjendjen reale .”
Kundër këtij ligji, si të tillë është edhe Drejtor i Forumit per Ndryshime ne Arsim Blendi Hodai. Sipas tij, ky ligj në mënyrë jo transparente është publikuar por edhe cenon autonominë e universiteteve .
“ Për vetë faktin se ministria nuk i përmendi emrat e personave që kanë hartuar propozim ligjin nënkupton se , ligji është jo transparent dhe kjo është e rëndësishme për neve pasi që ligji për arsimin e lartë është interes publik nuk është një roman dhe ta nxjerri dhe të thoni ja e kemi publikuar. Ne vërejmë se me një pjesë cenon autonominë euniversitetit dhe ne vlerësojmë se autonomia e universiteteve është shumë e rëndësishme për stafin akademik.”
Por ministria e arsimit Vesna Janevska është e prerë, ligji nuk tërhiqet , ajo tha se i dëgjon vërejtjet , por nuk do të ketë tërheqje të ligjit.
“ Ligji një muaj është në debat publik dhe të gjithë kanë të drejtë të japin vërejte dhe nëse vërejtjet pranohen dhe deri më tani kishim debate dhe u morëm veshtë që çka do të pranohet, por ligji nuk do të tërhiqet dhe nuk duhet tëtërhiqet pasi që bën të ardhmen për të rinjtë tanë.”
I pyetur se kush janë emrat që e kanë shkruar këtë ligj, ministria e arsimit nuk pranoi që të tregoj të njëjtat, pasi që sipas saj ata janë emra të njohur dhe u cenohet integriteti akademik.
Nën patronazhin e Reisul Ulemasë të BFI-së së RMV-së, u shtrua iftari tradicional i Bashkësisë Fetare Islame, duke bërë bashkë në një mbrëmje të veçantë drejtuesit më të lartë shtetërorë, institucionalë dhe përfaqësues të jetës publike.
Presidentja e shtetit, Gordana Siljanovska-Davkova, Kryetari i Kuvendit, Afrim Gashi, ministra dhe zëvendësministra, kryetarë partish politike, kryetarë komunash, ambasadorë, rektorë universitetesh, si dhe shumë personalitete nga jeta shoqërore dhe civile, ishin të pranishëm në Iftarin Tradicional të Bashkësisë Fetare Islame.
Në fjalën e tij përshëndetëse, kreu I BFI-së, u uroi mirëseardhje mysafirëve dhe agjërim të lehtë e të pranuar, duke theksuar se Ramazani është muaj reflektimi, afrimi dhe përgjegjësie të përbashkët. Ai veçoi rëndësinë e unitetit, tolerancës dhe bashkëjetesës si vlera themelore për stabilitetin dhe perspektivën e vendit.
“Gëzimi I Iftarit merr vlerë të veçantë kur jemi bashkë pranë njëri-tjetrit, të lidhur shpirtërisht, të solidarizuar dhe respektues ndaj secilit, pa dallim race, feje, kombi apo vendi. Në tryezën e Itarit forcohen lidhjet njerëzore, mbillet dashuria, paqa dhe solidariteti dhe shprehet bujaria përmes veprave të mira. Aty ku ndahet buka, forcohet besimi, aty ku ndahet fjala e mirë, ndërtohet respekti”
Mbrëmja u zhvillua duke reflektuar frymën e respektit, dialogut dhe bashkëpunimit ndërinstitucional.
Edhe të pranishmit përmes postimeve nëpër rrjetet sociale kanë përshëndetur organizimin e këtij Iftari, ku potencohet se përmes këtyre ngjarjeve dërgohen mesazhe të fuqishme uniteti, respekti dhe solidariteti.
MINISTRJA HARRON PËRKTHYESIN AMA JO QËNDRIMET, POR BOJKOTOHET
UT-ja KUNDËR LIGJIT PËR ARSIM TË LARTË, CËNOHET AUTONOMIA
IFTARI I BFI-së BËRI BASHKË KRERËT E SHTETIT DHE PARTIVE POLITIKE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
You must be logged in to post a comment Login