Burimet publike janë të kufizuara. Angazhimi ynë, si Ministri dhe si Qeveri, që nga viti në vit të orientojmë mjete gjithnjë e më të mëdha drejt shkencës dhe kërkimit, tregon vendosmërinë për të ndërtuar një shoqëri të bazuar në dije, inovacion dhe zhvillim të qëndrueshëm, tha ministrja e Arsimit dhe Shkencës, Vesna Janevska, në Fakultetin Juridik “Justiniani i Parë” në Shkup, ku u prezantuan rezultatet paraprake të hulumtimit “Zgjidhje inovative shkencore për uljen e pabarazisë sociale dhe ekonomisë gri në Maqedoni përmes rregullativës tatimore”.Hulumtimi po realizohet nga ekipi i Fakultetit Juridik, me mbështetje financiare nga Ministria e Arsimit dhe Shkencës, për stimulimin e projekteve kërkimore-shkencore.

Maqedonia nuk mund të vazhdojë me praktikën e investimeve të vogla në shkencë. Shtetet e rajonit po i intensifikojnë investimet në zhvillimin shkencor-teknologjik dhe vend, nëse dëshiron të mbetet relevant edhe në skenën shkencore ndërkombëtare, është e domosdoshme të bëjë hap përpara drejt rritjes sistematike dhe domethënëse të mjeteve për kërkime, krijimit të infrastrukturës bashkëkohore dhe nxitjes së kapacitetit inovativ.

Ministrja Janevska theksoi se vitin e ardhshëm, 2026, do të kemi 773 milionë denarë për shkencën, që është rritje e vazhdueshme, nga 380 milionë denarë në vitin 2024 dhe 680milionë denarë në vitin 2025.

“Po ndërmarrim aktivitete të shumta të orientuara drejt përforcimit të kapaciteteve krkimore-shkencore  të shtetit.Njëra prej tyre është mundësia për përfshirjen e shkencëtarëve dhe studiuesve maqedonas në rrjetet evropiane të kërkimit, për çka kemi nënshkruar marrëveshje me Qendrën e Përbashkët Kërkimore të Komisionit Evropian.Me qasjen në burimet elitare, dije dhe projekte të përbashkëta me partnerë evropianë, shkencëtarët tanë fitojnë mobilitet, ndërsa shteti perspektivë zhvillimore”, theksoi Janevska.

Ministrja gjithashtu vuri në dukje rritjen e pagave të profesorëve universitarë për 14% dhe sigurimin e qasjes falas në bazat shkencore Web of SciencedheScopus. Po përgatiten gjithashtu dy zgjidhje të reja ligjore, për arsimin e lartë dhe për veprimtarinë kërkimore-shkencore, të cilat, së bashku me reformën e Agjencisë për Cilësi në Arsimin e Lartë dhe hapjen e parkut të parë shtetëror shkencor-teknologjik, do të mundësojnë përmirësim të ndjeshëm të kushteve për kërkime shkencore.

Advertisement

Zgjidhet kryetari i ri i Parlamentit dhe Asociacionit Studentor të UEJL-së Parlamenti Studentor i Universitetit të Evropës Juglindore (UEJL), në mbledhjen e tij të parë me përbërjen e re, të mbajtur të mërkurën, më 17 dhjetor 2025, në kampusin e UEJL-së në Tetovë, ka zgjedhur kryetarin dhe nënkryetarin e ri të këtij asociacioni. Me shumicë votash, Besjan Rexhepi u zgjodh kryetar i ri i Parlamentit dhe Asociacionit Studentor të UEJL-së, ndërsa Kaltrina Bytyqi u zgjodh nënkryetare e këtij asociacioni. Parlamenti Studentor i UEJL-së numëron gjithsej 21 anëtarë, ndërsa kryetari zgjidhet nga radhët e vetë parlamentarëve, në përputhje me rregulloret në fuqi. Zgjedhja e udhëheqësisë së re shënon fillimin e një mandati të ri të Parlamentit Studentor, me fokus në përfaqësimin e interesave të studentëve dhe forcimin e rolit të tyre në jetën akademike dhe institucionale të Universitetit.

News link: https://www.seeu.edu.mk/en/information/news-events?id=2964

Faqja zyrtare e kryetarit të komunës së Bogovinës, Feti Abazi. Ka bërë thirrje publike ndaj qytetarëve, për të u përfshirë me idetë dhe propozimet e tyre, në planifikimin e buxhetit komunal për vitin 2026. Thirrja do ngelet e hapur deri më 22 dhjetor, si dhe propozimet për projektet që do duhet të përfshihen në buxhet, mund të dërgohen në emajllin info@komunabogovine.gov.mk, apo fizikisht në komunë. “Ju ftoj që të bëheni pjesë e planifikimit të Buxhetit të Komunës për vitin e ardhshëm! Duke filluar nga dt. 16 Dhjetor (e martë) deri më dt. 22 Dhjetor ( e hënë) 2025, komuna do të mirëpret të gjitha propozimet, idetë apo projektet që Ju mendoni se duhet të përfshihen në buxhetin e vitit 2026! Propozimet mund ti dërgoni duke shtypur send message te ky postim ose ne email: info@komunabogovine.gov.mk ose personalisht në komunë, qoftë në formë të shkruar apo verbalisht”, ka shkruar Feti Abazi.