Lajme nga vendi
Abetarja e unifikuar, dëshirë e parealizuar
Përveç mungesës së teksteve shkollore, filloristët shqiptarë në Maqedoni edhe këtë 22 Nëntor nuk kanë mundësi që alfabetin e gjuhës shqipe ta mësojnë nga Abetarja e unifikuar që tashmë gjen zbatim në Shqipëri, Kosovë dhe Luginë të Preshevës. Ministri i Arsimit, Jeton Shaqiri u zotua se kjo Abetare do të vihet në përdorim në këtë vit shkollor 2022/23, por deri më sot thuajse asnjë shkollë nuk e ka siguruar të njëjtën. Profesori Xheladin Murati konsideron se nuk ka asnjë pengesë që Abetarja e unifikuar të përdoret në shkollat shqipe të Maqedonisë përveç fondit të ulët të orëve për këtë lëndë.
“Në gjuhën shqipe, në klasën e parë, sipas planit mësimor ekzistojnë pesë orë mësimore kurse në Shqipëri në klasë të parë ka nëntë orë mësimore në gjuhën shqipe dhe ky tekst me këtë e vështirëson punën e mësuesit sepse mësuesi duhet së paku tre deri në katër orë të punoj me abetare, atëherë nuk I mbetet për aktivitetet tjera mësimore. Prandaj, duhet një arsyetim, një shpjegim se si të përdoret kjo ose si të bëhet racionalizimi I abetares, I përmbajtjeve mësimore”, deklaroi Xheladin Murati, profesor.
Gjuhëtari Mustafa Ibrahimi vlerëson se Abetarja e unifikuar duhet të jetë literaturë parësore për filloristët shqiptarë të Maqedonisë dhe jo libër shtesë.
“Abetarja duhet të jetë si literaturë parësore sepse ne e dimë se fillimi I njohurive të gjuhës, të kulturës dhe të identitetit fillon me abetaren dhe kjo sipas meje duhet të instalohet si lëndë parësore ndërsa si dytësore mund të jenë gazetat e ndryshme që u ndalën Fatosi dhe Gëzimi të cilat mund të jenë si literaturë shtesë por abetarja duhet të jetë ajo që duhet të jetë e unifikuar, do të jetë një, më profesionale dhe me një metodologji moderne, bashkëkohore me të cilën fëmijët duhet të punojnë në këtë drejtim”, tha Mustafa Ibrahimi, gjuhëtar.
Lindita Rugova, dekane e Fakultetit të Filologjisë në Prishtinë thotë se mësimdhënësit duhet të jenë të lirë në përzgjedhjen e teksteve mësimore.
“Gjithmonë kur ke një libër alternativë ke mundësi të përdorësh tekste nga ky libër, nga libri tjetër se jo gjithmonë ato që zgjidhen janë më të mirat. Nuk kam asgjë kundër abetares, është shumë mirë që është bërë. Sa më shumë resurse, sa më shumë materiale që përdorin arsimtarët është mirë. Mirë që janë bërë të përbashkëta në aspektin e afrimit të aspektit kulturor sepse gjuhësor e kemi, një gjuhë e kemi por në aspektin kulturor dallohet jetesa në Tiranë nga jetesa në Shkup dhe jetesa në Prishtinë”, theksoi Lindita Rugova, Dekane e Fakultetit të Filologjisë në UP.
Pavarësisht shënimit të ditës së Abetares dhe pranisë të ministrave shqiptar të arsimit nga radhët e BDI-së Abetarja mbetet shumë larg vënies në zbatim në shkollat tona. Marrëveshja mes Shqipërisë e Maqedonisë e firmosur prej 7 vitesh nuk ka dhënë asnjë rezultat në këtë drejtim. /Alsat.mk
Anëtarja e Komisionit Shtetëror për Parandalimin e Korrupsionit, Cveta Ristovska, sot i paraqiti dorëheqjen Kryetarit të Kuvendit, Afrim Gashi.
Siç thotë ajo, ky vendim erdhi pas disa javësh dyshimesh të shprehura në publik në lidhje me punën e saj.
“Pas disa javësh polemikash publike dhe dyshimesh të shprehura në lidhje me punën time në Komisionin Shtetëror për Parandalimin e Korrupsionit, kam marrë vendimin të paraqes një dorëheqje të parevokueshme nga pozicioni i anëtares së Komisionit Shtetëror për Parandalimin e Korrupsionit”, shkroi Ristovska në një dorëheqje me shkrim të paraqitur Kryetarit të Kuvendit.
Më parë, KSHPK hapi dy raste kundër aktivistes antikorrupsion, e cila, sipas opozitës, po pengon përpunimin e raporteve kundër qeverisë. Rasti i parë ka të bëjë me faktin se një kompani në pronësi të njërit prej djemve të Ristovskës mori para në një fushatë për zgjedhjet presidenciale të vitit 2024 nga kandidatët presidencialë Stevo Pendarovski nga LSDM dhe Gordana Siljanovska Dafkova nga OBRM-PDUKM.
E njëjta kompani mori para edhe për zgjedhjet lokale të vitit 2021 nga LSDM, ndërsa Ristovska në atë kohë ishte ndihmëse auditore shtetërore.
Kuvendi Qendror i Lëvizjes Besa me shumicë votash miratoi vendimin për shkarkimin e Kryesisë Qendrore të Lëvizjes Besa, në vazhdën e procesit të filluar për bashkimin e VLEN-it në një subjekt të vetëm.
Kuvendi i Lëvizjes vlerësoi se duhet të hapet rruga për strukturimin e VLEN-it dhe e solli këtë vendim bazuar në moratoriumin e aktiviteteve partiake nga subjektet që përbëjnë VLEN-in.
Me këtë rast, Kuvendi autorizoi kryetarin Bilall Kasami të vijojë bisedimet për të ardhmen e VLEN-it, duke i dhënë mbështetje bashkimit në një subjekt të vetëm, me një zgjidhje që respekton parimin e drejtësisë dhe dëgjon zërin dhe vullnetin e votuesit të VLEN-it dhe gjithë shqiptarëve.
Por, Kasami tha se pjesa më e madhe e partive që përbëjnë koalicionin nuk janë të strukturuara me këtë ide që t`I japin hapësirë VLEN-it.
“Aleanca me në krye Arben Fetain nuk ka organe partiake, poashtu edhe LD-ja, poashtu edhe faktorë tjerë sic është Bekim Qoku si përfaqësues I VV-së që e dijmë se edhe ata e kanë patur idenë për themelimin e një subjekti politik”
Në mbledhjen e Kuvendit u diskutua gjithashtu puna e funksionarëve të Lëvizjes Besa në Qeveri. Kuvendarët e përkrahën konstatimin e kryetarit Kasami se Besa ka kapacitet për shumë më shumë punë sesa është bërë deri tani.
Kasami u shpreh i prerë se derisa bëhet fjalë për qeveri politike, BESA vendos se cili Ministër do ta përfaqësojë në Qeveri.
Në këtë mënyrë ai ka komentuar deklaratat e Kryeministrit Mickoski lidhur me punën e Fatmir Limanit në Qeveri.
Derisa bëhet fjalë për qeveri politike, pjesëmarrëse në qeveri janë partitë politike dhe derisa ne do të jemi pjesë e asaj qeverie do të kemi të drejtë të propozojmë përfaqësuesit tanë në Qeveri”
Në mbledhjen e Kuvendit Qendror të Lëvizjes Besa mbërriti edhe Ministri, Fatmir Limani. Para nisjes së mbledhjes ai kërkoi nga Kuvendarët, sic tha, maturi dhe kthjelltësi.
“Veprime që u takojnë nivelit të politikanëve që janë të matur, nuk guxojnë të prishin strukturën e VLEN-it sepse rikthehemi në kohën pas dhe krijojmë hapësirë për strutura tjera të kyçen në qeveri”
Kreu I Lëvizjes Besa, Bilall Kasami, ka komentuar edhe zhvillimet e fundit me provimin e jurisprudencës në shqip, duke potencuar se puna e Ministrit të Drejtësisë, Igor Filkov, lë shumë për të dëshiruar.
“As Ministri në fjalë e as dikush tjetër nuk duhet që pozitën e tij, suksesin apo dështimin, ta kushtëzojë me tema ndëretnike dhe nëse edhe më tutje do të ketë kësi tentime ne si Besa dhe si VLEN do të japim qëndrimin tonë. Lidhur me cështjen në fjalë, Qeveria ka kapacitet që këtë ta zgjidh. Ministri besoj e ka kompetencën e plotë që shumë shpejt ta zgjidh këtë cështje, por po shihet që nuk ka vullnet prandaj si pjesë e qeverisë këtë do ta zgjidhim me ligj”
Kasami nuk ka përjashtuar mundësinë që ai të jetë lider I VLEN-it. Ai tha se është I gatshëm, por vetëm nëse bashkërisht me partitë tjera konstatohet se mund të marr këtë pjesë të obligimit.
SHBA-të dhe RMV-ja arritën marrëveshje kornizë për tregti korrekte dhe reciproke, me të cilën hapen mundësi të reja për eksportuesit nga Maqedonia dhe thellohet bashkëpunimi ekonomik mes dy vendeve.
Sipas kornizës së dakorduar, Maqedonia e Veriut tërësisht do t`i shfuqizojë të dhënat doganore për të gjitha prodhimet industriale dhe bujqësore nga SHBA. Njëkohësisht SHBA-të do të mbajën 15% të tarifave për një pjesë të prodhimeve të Maqedonisë, por do ta shqyrtojnë mundësinë që disa kategori të caktuara të fitojnë shkalla doganore prej 0%.
Me vendimin paraprak të prillit të vitit të kaluar, Presidenti amerikan Donald Tramp miratoi vendimin për vendosjen e tarifave reciproke prej 33% për Maqedoninë e Veriut.Marrëveshja e re zëvendëson këto masa me tarifa më të ulëta dhe më fleksibile.
Kryeministri Mickoski vlerësoi se marrëveshja është tregues I qartë për thellimin e partneritetit strategjik me SHBA-të.
“Pas marrëveshjes për partneritet me Mbretërinë e Bashkuar dhe mbylljen e dialogut postmonitoring me Këshillin e Evropës pas 26 viteve, mbrëmë vonë Shtëpia e Bardhë publikoi një deklaratë të përbashkët midis SHBA-së dhe RMV-së për tregti reciproke. Kjo deklaratë paraqet sinjal të fuqishëm për mbështetjen që e gëzojmë nga SHBA dhe trason rrugën drejt marrëveshjes gjithë përfshirëse me tarifa jo më të larta se 15%, kurse për disa prodhime edhe 0%” – ka shkruar Kryeministri Mickoski nëpër rrjetet sociale.
Në komunikatën nga Shtëpia e Bardhë potencohet se dy vendet do të vazhdojnë të punojnë për finalizimin e marrëveshjes, gatishmërinë për nënshkrimin e saj dhe zbatimin e procedurave të nevojshme vendore për ta vënë në funksion.
Ristoska jep dorëheqje nga Komisioni për Antikorrupsion
MAQEDONIA NË GRUPIN B1 ME SKOCINË, ZVICRËN DHE SLLOVENINË
VOLEJBOLL: NESËR ZHVILLOHEN NDESHJET E RAUNDIT TË KATËRT
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
