Kuvendi Qendror i Lëvizjes Besa me shumicë votash miratoi vendimin për shkarkimin e Kryesisë Qendrore të Lëvizjes Besa, në vazhdën e procesit të filluar për bashkimin e VLEN-it në një subjekt të vetëm.

Kuvendi i Lëvizjes vlerësoi se duhet të hapet rruga për strukturimin e VLEN-it dhe e solli këtë vendim bazuar në moratoriumin e aktiviteteve partiake nga subjektet që përbëjnë VLEN-in.

Me këtë rast, Kuvendi autorizoi kryetarin Bilall Kasami të vijojë bisedimet për të ardhmen e VLEN-it, duke i dhënë mbështetje bashkimit në një subjekt të vetëm, me një zgjidhje që respekton parimin e drejtësisë dhe dëgjon zërin dhe vullnetin e votuesit të VLEN-it dhe gjithë shqiptarëve. 

Por, Kasami tha se pjesa më e madhe e partive që përbëjnë koalicionin nuk janë të strukturuara me këtë ide që t`I japin hapësirë VLEN-it.

“Aleanca me në krye Arben Fetain nuk ka organe partiake, poashtu edhe LD-ja, poashtu edhe faktorë tjerë sic është Bekim Qoku si përfaqësues I VV-së që e dijmë se edhe ata e kanë patur idenë për themelimin e një subjekti politik”

Advertisement

Në mbledhjen e Kuvendit u diskutua gjithashtu puna e funksionarëve të Lëvizjes Besa në Qeveri. Kuvendarët e përkrahën konstatimin e kryetarit Kasami se Besa ka kapacitet për shumë më shumë punë sesa është bërë deri tani.

Kasami u shpreh i prerë se derisa bëhet fjalë për qeveri politike, BESA vendos se cili Ministër do ta përfaqësojë në Qeveri.

Në këtë mënyrë ai ka komentuar deklaratat e Kryeministrit Mickoski lidhur me punën e Fatmir Limanit në Qeveri.

Derisa bëhet fjalë për qeveri politike, pjesëmarrëse në qeveri janë partitë politike dhe derisa ne do të jemi pjesë e asaj qeverie do të kemi të drejtë të propozojmë përfaqësuesit tanë në Qeveri”

Në mbledhjen e Kuvendit Qendror të Lëvizjes Besa mbërriti edhe Ministri, Fatmir Limani. Para nisjes së mbledhjes ai kërkoi nga Kuvendarët, sic tha, maturi dhe kthjelltësi.

Advertisement

“Veprime që u takojnë nivelit të politikanëve që janë të matur, nuk guxojnë të prishin strukturën e VLEN-it sepse rikthehemi në kohën pas dhe krijojmë hapësirë për strutura tjera të kyçen në qeveri”

Kreu I Lëvizjes Besa, Bilall Kasami, ka komentuar edhe zhvillimet e fundit me provimin e jurisprudencës në shqip, duke potencuar se puna e Ministrit të Drejtësisë, Igor Filkov, lë shumë për të dëshiruar.

“As Ministri në fjalë e as dikush tjetër nuk duhet që pozitën e tij, suksesin apo dështimin, ta kushtëzojë me tema ndëretnike dhe nëse edhe më tutje do të ketë kësi tentime ne si Besa dhe si VLEN do të japim qëndrimin tonë. Lidhur me cështjen në fjalë, Qeveria ka kapacitet që këtë ta zgjidh. Ministri besoj e ka kompetencën e plotë që shumë shpejt ta zgjidh këtë cështje, por po shihet që nuk ka vullnet prandaj si pjesë e qeverisë këtë do ta zgjidhim me ligj”

Kasami nuk ka përjashtuar mundësinë që ai të jetë lider I VLEN-it. Ai tha se është I gatshëm, por vetëm nëse bashkërisht me partitë tjera konstatohet se mund të marr këtë pjesë të obligimit.

Advertisement

SHBA-të dhe RMV-ja arritën marrëveshje kornizë për tregti korrekte dhe reciproke, me të cilën hapen mundësi të reja për eksportuesit nga Maqedonia dhe thellohet bashkëpunimi ekonomik mes dy vendeve.

Sipas kornizës së dakorduar, Maqedonia e Veriut tërësisht do t`i shfuqizojë të dhënat doganore për të gjitha prodhimet industriale dhe bujqësore nga SHBA. Njëkohësisht SHBA-të do të mbajën 15% të tarifave për një pjesë të prodhimeve të Maqedonisë, por do ta shqyrtojnë mundësinë që disa kategori të caktuara të fitojnë shkalla doganore prej 0%.

Me vendimin paraprak të prillit të vitit të kaluar, Presidenti amerikan Donald Tramp miratoi vendimin për vendosjen e tarifave reciproke prej 33% për Maqedoninë e Veriut.Marrëveshja e re zëvendëson këto masa me tarifa më të ulëta dhe më fleksibile.

Kryeministri Mickoski vlerësoi se marrëveshja është tregues I qartë për thellimin e partneritetit strategjik me SHBA-të.

“Pas marrëveshjes për partneritet me Mbretërinë e Bashkuar dhe mbylljen e dialogut postmonitoring me Këshillin e Evropës pas 26 viteve, mbrëmë vonë Shtëpia e Bardhë publikoi një deklaratë të përbashkët midis SHBA-së dhe RMV-së për tregti reciproke. Kjo deklaratë paraqet sinjal të fuqishëm për mbështetjen që e gëzojmë nga SHBA dhe trason rrugën drejt marrëveshjes gjithë përfshirëse me tarifa jo më të larta se 15%, kurse për disa prodhime edhe 0%” – ka shkruar Kryeministri Mickoski nëpër rrjetet sociale.

Advertisement

Në komunikatën nga Shtëpia e Bardhë potencohet se dy vendet do të vazhdojnë të punojnë për finalizimin e marrëveshjes, gatishmërinë për nënshkrimin e saj dhe zbatimin e procedurave të nevojshme vendore për ta vënë në funksion.

Bujqit e Tetovës sot në shenjë proteste kanë shprehur pakënaqësitë para komunës së Tetovës, pasi akoma nuk kanë marr asnjë dëmshpërblim nga breshëri  që u dëmtoi të mbjellat në vitin 2024. Bujqit e Pollogut kërkojnë të trajtohen njëjtë sikurse rajonet tjera.

Bujqit thonë se edhe pse dëmi ishte 100%, nga ana e Komunës së Tetovës dhe Ministrisë së Bujqësisë në atë kohë u premtua se do dëmshpërblehen 35 % por ata deri më tani nuk kanë marrë asnjë denarë apo 10% siç edhe u është thënë me vonë.

Bujqit presin që Komuna e Tetovës t`u paguaj 5 %  ndërsa qeveria 5% , por as nga njëra dhe as nga tjetra ende nuk i kanë marrë mjetet.

OSMAN ADILI – Bujk 

“ Ne kemi dalë para komunës për çështjen e breshrit që u bë para dy vjetëve në 2024 vet na premtoi kryetari në 2024 me ministrin e bujqësisë, ishin në tokat në të mbjellat dhe i panë të gjithë dëmet që janë bërë , na premtoi së shpejti 35 % na premtoi nuk lëshojnë 35 % pesë përqinë qeveria 5 % komuna. Njëherë ishte problemi dokumenteve , qeveri, ministri komunë s’dimë ka ishte problemi , më pas ne ishin u takuam me kryetarin në dhjetor, na premtoi në janar, janari shkoj ka ardhur shkurti , njëjtë na premtoi para zgjedhjeve nuk i lëshoi edhe para zgjedhjeve edhe pas zgjedhjeve .”

Advertisement

MUHAREM ISAKU- BUJK 

“  Ne jemi mbledhë këtu për dëmet që na u bën në 2024 dhe asnjë përgjigje nuk kemi , jemi nga fshati Xhepçisht dëmi ka qenë në rajonin tonë më shumë , të dëmtuar 100% , komisioni që doli në terren e vlerësoj dëmin 100% dhe nga ajo ditë e deri më tani asgjë s’kemi. Asnjë informatë nuk kemi   nga komuna s’kemi as 5 % dhe ne kërkojmë  jemi barabartë me Maqedoninë Lindore , në perëndimore jemi pas dore Bujqit, dhe ne jemi qytetarë të këtij vendi. Për tatime jemi barabartë me tjerët a për dëmet të shmangët.”

Nga komuna e Tetovës në një përgjigje me shkrim na thanë se deri në fund të këtij muaj, bujqit e Tetovës do të marrin mjetet financiare.

KOMUNA  E TETOVËS 

“ Institucionet përkatëse kanë përfunduar procedurat administrative të nevojshme, duke hapur rrugën për realizimin e pagesave. Sipas dinamikës së paraparë, kompensimi për bujqit e dëmtuar pritet të ekzekutohet deri në fund të këtij muaji.” 

Advertisement

Në qershor të vitit 2024 një breshër që kaploi rajonin pollogutdëmtoi të mbjellat në atë kohë ministri bujqësisë, bashkë me kryetarin e komunës dolën në terren për të vlerësuar dëmet, të dy u zotuan se bujqit do të dëmshpërblehen.

Por nga ajo kohë e deri më tani afati i dëmshpërblimit vetëm është shtyre, ndërsa bujqit thonë se janë në borxhe në barnatoret bujqësore pasi që nuk kanë paguar farat e të mbjellave.