Lajme nga vendi
Gjashtë milionë euro të konfiskuara nga Sasho Mijallkov kanë hyrë në buxhetin e shtetit
Agjencia për menaxhimin e pasurisë së konfiskuar më 17 nëntor në buxhetin e Ministrisë së Financave ka transferuar 374.638.383 denarë ose 6,14 milionë euro.
Për herë të parë në historinë e saj, Agjencia e Konfiskimit transferon një shumë kaq të madhe parash në buxhet. Deri më tani, pasuria e konfiskuar përbëhej kryesisht nga makina që u shpërndaheshin më tej autoriteteve shtetërore, ose sekuestroheshin pasuri të paluajtshme me një procedurë të komplikuar të mëtejshme për shitje nga gjykata.
Drejtori i Agjencisë për Menaxhimin e Pasurisë së Konfiskuar, Faton Asani, tha për “Faktor” se këto para i janë marrë ish-drejtorit të policisë sekrete, Sasho Mijallkov dhe shteti do të vazhdojë t’i përdorë.
“Janë paratë e “thata” nga rastet me Sasho Mijallkovin dhe rezultati më i mirë deri më tani për agjencinë, jo vetëm që kur jam drejtor, por në përgjithësi që nga themelimi i saj. Mund të njoftoj vetëm se në periudhën në vijim do të ketë njoftime ku prona e sekuestruar do të shpallet në shitje pas vlerësimit paraprak të vlerës së saj nga Byroja e Ekspertizës Ligjore dhe se pres hyrje të reja të burimeve financiare”, përgjigjet Asani.
Paraprakisht, rezultatin më të mirë, sa i përket parave të gatshme, ky institucion e ka treguar në vitin 2015, kur dy herë në buxhet janë transferuar qindra milionë denarë. Asani thotë se për rezultate më të mira duhen më shumë profesionistë dhe kërkoi nga Ministria e Financave që të miratojë punësimet e nevojshme. Ai është i kënaqur vetëm me faktin se të paktën agjencia ka marrë ambiente të reja, më të mëdha për punë.
Mijallkov paraprakisht e kishte pranuar fajësinë në rastin “Perandoria” për bashkim kriminal dhe përvetësim dhe fshehje të paligjshme të pasurisë. Ai dhe një grup të dyshuarish të tjerë i kryen krimet përmes personave juridikë të vendosur në vend, pronësia e të cilëve u fsheh, si dhe kompani offshore jashtë vendit. Të ardhurat e fituara nga transferimi i kapitalit i pandehuri nuk i ka raportuar në fletët e anketimit, edhe pse ka mbajtur një funksion publik për të gjithë periudhën e mbuluar nga hetimi.
Prokuroria më pas njoftoi se Mijallkovit, përveç pjesës tjetër të pasurisë, do t’i hiqen paratë e gatshme nga llogaria bankare e personit juridik DTU Makpoint DOOEL Shkup dhe të gjitha paratë në llogarinë e kompanisë Exico.
Në vitin 2018, në Porta Makedonia ishte vendosur “numratorja”, i cili duhej të tregonte se sa para merr shteti nga shitja e pasurisë së konfiskuar, por pajisja nuk funksionoi kurrë.tetovasot
Qeveria e Maqedonisë së Veriut ka dërguar deri tek Kuvendi emrat për të plotësuar vendet e zbarzura të zv/ministrit të Arsimit dhe Mbrojtjes.
Për zv/ministër të Arsimit është propozuar Driton Sulejmanin, i cili ka ushtruar detyrën e zëdhënësit të koalicionit VLEN, ndërsa më herët ka qenë edhe këshilltarë në komunën e Kumanovës, nga radhët e partisë Alternativa.
Ndërsa për zv/ministër të Mbrojtjes është propozuar Admir Shabani, i cili më herët ka qenë zëdhënës i KSHZ-së.
Propozimi tashmë ka hyrë në procedurë parlamentare dhe pritet të votohet nga deputetët në seancën e ardhshme parlamentare.
Lajme nga vendi
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
A është elita politike maqedonase e vetëdijshme se duke “mbrojtur” gjuhën e tyre përmes injorimit të shqipes, po rrezikojnë vetë ekzistencën e shtetit që thonë se duan?
Nëse politika nuk ndërhyn urgjentisht për të krijuar një urë lidhëse — ku gjuha shqipe mësohet në shkolla si shenjë respekti dhe nevoje — vendi rrezikon të kthehet në një shtet “jofunksional” si Bosnja apo Qiproja. Kufijtë po vizatohen çdo ditë në mendje, përpara se të vizatohen në letra.
Pse ky refuzim po na çon drejt ndarjes së pashmangshme?
• 1. Ndarja “De Facto” (Në terren): Kur nuk ka komunikim, ndarja nis në përditshmëri. Shqiptarët hapin biznese për shqiptarë, maqedonasit për maqedonas. Qytetet po kthehen në “ishuj” etnikë ku lumi Vardar apo një rrugë shërbejnë si kufi i padukshëm.
• 2. Mesazhi i “Mospranimit”: Kur refuzon të mësosh qoftë edhe bazat (një përshëndetje apo numrat), mesazhi politik është i qartë: “Ne nuk ju pranojmë si bashkëpronarë të këtij shteti, por si të huaj që jetojnë këtu.”
• 3. Radikalizimi i Kërkesave: Ky alienim prodhon humbje të lojalitetit ndaj shtetit. Nëse nuk merremi vesh në një shtëpi të përbashkët, hapi tjetër logjik është kërkesa për mure dhe autonomi të plotë.
Përfundimi: Një shtet ku 30% e popullsisë injorohet gjuhësisht nga shumica tjetër, nuk mund të ketë progres. Refuzimi i gjuhës është refuzim i bashkëjetesës. (INA)
Lajme nga vendi
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Kryetari i Çairit, Izet Mexhiti, tha se kërkesa e votuesve dhe strukturave partiake është e qartë dhe se ata dëshirojnë bashkimin e VLEN-it.
Ai tha se konform kësaj kërkesa liderët e partive janë duke vepruar. Ai përmendi veprimin e Besës për të shkarkuar organet e Besës, ndërsa tha se këtë po e bën edhe Fetahu dhe Azir Aliu, deputetja Mimoza Musa, si dhe Ilir Demiri, për të cilin tha se është deputeti i radhës që i bashkëngjitet VLEN-it.
“Këto ditë me siguri po përgatitet edhe Lëvizja Demokratike që të thirret kuvendin themelues për tu shkrirë dhe për ta bërë VLEN-in një parti”, tha Mexhiti.
I pyetur nëse Alternativa nuk e pranon idenë me bashkëkryetar por kërkon me rotacion, Mexhiti tha se po bisedohet me argumente pro dhe kontra.
“Pjesa dëmruese e faktorëve brenda VLEN-it janë për konceptin bashkëkryetar por normal që këtu është edhe Alternativa dhe bashkë do vazhdojmë dhe këtu nuk ka aspak shqetësime për mendimet e ndryshme”, tha Mexhiti, duke shtuar se parësore që VLEN-i të jetë një, raporton SHENJA.
Qeveria dërgon në Kuvend emrat e rinj të zv. ministrit të Arsimit dhe Mbrojtjes
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
