Lidhja Socialdemokrate e Maqedonisë (LSDM) mbrëmë shënoi 35-vjetorin e themelimit të saj në një ceremoni solemne ku morën pjesë anëtarë dhe mbështetës të partisë.
Ngjarja tërhoqi vëmendje edhe për shkak të paraqitjes së parë publike, pas një periudhe të gjatë, të ish-liderit të LSDM-së, Zoran Zaev.

Në 35-vjetorin e themelimit të LSDM-së, ish-lideri socialdemokrat dhe ish-Kryeministri, Zoran Zaev, mbërriti në këtë ngjarje në fund të ceremonisë, rreth pesë minuta para përfundimit, pasi kishin mbaruar të gjitha fjalimet dhe programi muzikor.

Sipas pamjeve nga ngjarja, ai u prit me duartrokitje, ndërsa të pranishmit e përshëndetën, e përqafuan dhe bënë fotografi me të.
Ai kërkoi falje për vonesën, duke thënë se e kishe patjetër të jetë në promovimin e një filmi.

Mungesa e tij, si dhe e Branko Cërvenkovskit, ishte komentuar më herët nga mediat, pasi në ceremoni ishin të pranishëm vetëm Filipçe, Buçkovski dhe Kovaçevski.

Lideri i LSDM-së, Venko Filipçe, në seancën solemne me rastin e 35-vjetorit të parties, tha se qytetarët meritojnë një politikë ndryshe dhe një të ardhme më të mirë.

Advertisement

VENKO FILIPÇE – Kryetar i LSDM-së

“Gënjeshtrat, patriotizmi i rremë dhe nacionalizmi i ashpër në dëm të marrëdhënieve ndëretnike kanë përfunduar. Pushtetin po e kthejmë në duart e qytetarëve. Prandaj sonte, në këtë përvjetor, dua të rikthehemi jo vetëm te historia jonë, por edhe te parimet tona. Te fjalia e Kiro Gligorovit: ‘Maqedonia është gjithçka që kemi’. Në këtë fjali ka më shumë urtësi shtetërore sesa në shumë zhurma që kemi dëgjuar ndër vite dhe që vazhdojmë t’i dëgjojmë edhe sot”

Prania e ish-kryeministrit dhe ish-liderit të LSDM-së, Zoran Zaev, në këtë përvjetor, sipas partisë në pushtet VMRO-DPMNE, ka rikthyer dyshimet për ndikimin e tij në drejtimin aktual të partisë.

Në reagimin e sotëm, VMRO-DPMNE ngriti akuza lidhur me politikat dhe vendimet e periudhës kur Zaev ishte në pushtet, duke përfshirë çështje që lidhen me sistemin gjyqësor, ekonominë dhe interesat kombëtare.

“Personi që ndryshoi emrin e shtetit, që ndikonte në emërimin e gjyqtarëve dhe prokurorëve, që vendoste për procese gjyqësore, që merrte ‘një euro për vëllanë dhe një euro për kishën’, që shkatërroi bujqësinë, arsimin dhe kulturën, që dëmtoi imazhin, gjuhën dhe identitetin – i dënuari i amnistuar Zaev – u prit nga besnikët e tij, në krye me Filipçen dhe Dimitrievqin, si lider suprem”, thuhet në reagimin e VMRO-DPMNE-së.

Advertisement

Dje, në ora 11:30, në SPB Tetovë, një grua 33-vjeçare nga Tetova ka denoncuar se një ditë më parë, rreth orës 21:00, pas një debati verbal paraprak, është sulmuar fizikisht nga bashkëshorti i saj. Po ndërmerren masa për zbardhjen e rastit.

……Dje, rreth orës 14:00, para një ndërtese banimi në lagjen “Blloku 70”, zyrtarët policorë të SPB Tetovë kanë arrestuar një 56-vjeçar nga Tetova. Ai është kapur para ndërtesës duke prishur rendin dhe qetësinë publike dhe duke u sjellë në mënyrë agresive ndaj banorëve. Ai është ndaluar në stacionin policor dhe pas kryerjes së alkooltestit është konstatuar se kishte 3.16 promilë alkool në gjak.

……Dje, në ora 17:55, e shoqëruar nga nëna e saj 47-vjeçare, një 16-vjeçare e mitur nga Tetova ka denoncuar se gjatë pushimit të madh në një shkollë të mesme të Tetovës, pas një debati të shkurtër, është sulmuar fizikisht nga një nxënëse tjetër e së njëjtës shkollë. Po punohet në dokumentimin dhe zbardhjen e rastit.

……Dje, në ora 15:40, një 36-vjeçar nga Tetova ka denoncuar se rreth orës 14:30, në ambientet e tij të punës në rrugën “29 Nëntori”, është sulmuar fizikisht nga fqinji i tij. Po ndërmerren masa për zbardhjen e rastit.

…….Dje, në ora 23:30, në rrugën “Kiro Ristovski Drnc” në Tetovë, zyrtarët policorë të Stacionit Policor Tetovë kanë privuar nga liria një 32-vjeçar nga Tetova. Ai është denoncuar nga bashkëshortja e tij 30-vjeçare se një ditë më parë, rreth orës 18:00, e ka kërcënuar me një mjet të mprehtë dhe ka tentuar ta dëbojë nga shtëpia. Ai është ndaluar në stacionin policor dhe pas dokumentimit të rastit do të vijojë kallëzimi përkatës.

Advertisement

……Sot në mëngjes, në ora 06:40, në rrugën “Jovan Onçevski”, zyrtarët policorë kanë arrestuar një 44-vjeçar nga Tetova, duke vepruar sipas një denoncimi paraprak për dhunë në familje. Ai është ndaluar në stacionin policor dhe gjatë alkooltestit i janë matur 2.22 promilë alkool në gjak. Pas dokumentimit të plotë të rastit, ndaj tij do të vijojë kallëzimi përkatës.

Kodra e Diellit me 2 gradë Celsius ishte vendi me temperaturën më të ulët në vend. Në Tetovë gjatë mëngjesit termometri kishte mbërritur në 6 gradë.

Pas mëngjesit të freskët, temperaturat ditore do të mbeten relativisht të ulëta për këtë periudhë të vitit, veçanërisht në pjesët veriperëndimore të vendit.

Vendi ynë, sot dhe nesër, do të jetë nën ndikimin e motit jostabil me vranësira të ndryshueshme, me reshje shiu, kurse lokalisht priten reshje të rrëmbyeshme deri në 20 litra në metër katror të shoqëruar me bubullima dhe erë të përforcuar.

Metereologët thonë se ndryshimi drastik I motit është si pasojë e ndikimit të frontit të ftohtë atmosferik nga veriu që ka kapluar pjesë të Evropës, Ballkanit por edhe vendin tonë.

Reshjet e shiut, era veriore por edhe reshjet e borës në viset malore, sipas MeteoAlarm, do të rezultojnë me rënie të ndjeshme të temperaturave që do të shkojnë më shumë se 10 gradë nga temperaturat pranverore.

Advertisement

Fronti i ftohtë atmosferik tashmë ka sjellë edhe reshje dëbore dhe idilë dimërore në Kopaonik të Serbisë, kurse MeteoAlarm paralajmëron se reshjet e dëborës janë nisur drejt viseve malore të vendit tonë.

Në lartësitë mbidetare mbi 1.400 deri 1.500 metra, reshjet e shiut do të kalojnë në reshje dëbore, ku pritet të formohet edhe shtresë e re dëborës.

Metereologët paralajmërojnë se stabilizimi i motit pritet nga e enjtja.