Lajme nga vendi
TAV: Kompania ajrore Lufthanza do të fillojë me fluturime nga Frankfurti në Shkup në prill të vitit 2023
Kompania ajrore gjermane Lufthansa po hyn në tregun e aviacionit maqedonas duke filluar fluturimet në linjën Frankfurt-Shkup nga 23 prilli i vitit 2023, njoftoi TAV Maqedoni, pasi linja ajrore ka planifikuar fluturimet ndërmjet dy qyteteve.
Siç thonë nga TAV Maqedoni, Lufthansa do të lidhë kryeqytetin maqedonas me aeroportin kryesor në Frankfurt duke ofruar fluturime nga Aeroporti Ndërkombëtar i Shkupit çdo ditë të javës, dhe në disa ditë do të kryejë dy fluturime në javë, me aeroplanë të tipit: erbas A319, erbas A320 dhe erbas A321.
“Jemi të lumtur që Lufthansa ka vendosur të hyjë në tregun maqedonas, duke filluar fluturimet në linjën Frankfurt – Shkup. Kjo do të thotë se nga prilli i vitit të ardhshëm, Aeroporti Ndërkombëtar i Shkupit do të lidhet me Aeroportin e Frankfurtit, i cili është selia kryesore e aviacionit gjerman dhe një nga aeroportet më të rëndësishme të transferimit në Evropë. Përveç kësaj, frekuenca e lartë e fluturimeve – linja ajrore do të fluturojë çdo ditë të javës, dhe në disa ditë edhe dy herë në ditë, ofron fleksibilitet të shkëlqyeshëm për pasagjerët tanë që udhëtojnë në Gjermani dhe ata që lidhen me Evropën dhe Amerikën e Veriut. Kjo lidhje e re është veçanërisht e rëndësishme për udhëtarët që udhëtojnë për qëllime biznesi dhe do të ofrojë mundësi të reja për transportin ajror të mallrave drejt Gjermanisë, e cila është partneri kryesor tregtar i Maqedonisë së Veriut”, theksohet në njoftimin e TAV Maqedoni.
Hyrja e grupacionit Lufthanza, thonë nga TAV Maqedoni është rezultat i aktiviteteve të vazhdueshme të marketingut të TAV, me qëllim që të tërheqë kompani të reja ajrore dhe t’i bind të hapin destinacione të reja nga aeroportet e Maqedonisë.
“Është e shkëlqyeshme që rrjeti ynë i linjave ajrore do të zgjerohet dhe besojmë se Lufthanza do të shtojë në vlerën e shërbimeve që i ofrojmë për pasagjerët tanë nga Aeroporti Ndërkombëtar i Shkupit”, thekson Metin Tabak, drejtor i përgjithshëm i TAV Maqedoni.
Siç thonë nga Lufthanza, fluturimet në relacionin Frankfurt-Shkup janë planifikuar të jenë tërheqëse edhe për udhëtarët zyrtarë dhe për turistët.
Transportuesi ajror gjerman e vendos Shkupin në rrjetin e saj të linjave nga sezoni veror në vitin 2023 me qëllim që ta përforcojë pozitën e saj në Evropën Lindore.
Shitja e biletave ajrore tashmë ka filluar. Të gjitha informatat për çmime dhe rezervime të biletave ajrore janë të arritshme në ueb faqen e Kompanisë ajrore Lufthanza: https://www.lufthansa.com/, si dhe te agjencitë turistike të licencuara të cilat kryejnë shitje të biletave ajrore.
“TAV Maqedonia i mbaroi 11-të muajt e vitit 2022 me 2.2 milionë (2.190.352) pasagjerë në dy aeroportet maqedonase, Aeroportin Ndërkombëtar të Shkupit dhe Aeroportin Shën Apostull Pavle Ohër, që është një rritje prej 74 për qind në krahasim me të njëjtën periudhë të vitit të kaluar, por megjithatë për 12 për qind më pak krahasuar me vitin 2019, i cili konsiderohet si viti referencë në aviacion përpara shfaqjes së krizës KOVID-19.
Lajme nga vendi
VLEN: Hipokrizi dhe ironi që BDI/AKI flet për korrupsion dhe Transparency International
Lajme nga vendi
Kallëzim penal ndaj 14 pjesëtarëve të Ushtrisë, dyshohen për bashkim kriminal dhe keqpërdorim të pozitës zyrtare
Sindikata e Pavarur e Ushtarëve Profesionalë njoftoi se më 20 janar 2026, ka dorëzuar kallëzim penal në institucionet kompetente kundër 14 pjesëtarëve të Ushtrisë së Republikës së Maqedonisë së Veriut.
Sipas njoftimit të sindikatës, kallëzimi ka të bëjë me dyshimet për kryerjen e veprave penale “keqpërdorimit të pozitës dhe autoritetit zyrtar” (neni 353 i Kodit Penal), “bashkimit kriminal” (neni 394) dhe “punës së pakujdesshme në shërbim” (neni 353-c).
Siç thnë nga sindikata, personat e raportuar janë 11 oficerë dhe tre nënoficerë, të punësuar në njësi të ndryshme të Ushtrisë. Midis tyre janë komandanti i Brigadës së 1-rë të Këmbësorisë, komandanti i Batalionit të 2-të të Këmbësorisë, tre punonjës në Petrovec, tre punonjës në Shtip, si dhe gjashtë anëtarë të komisioneve disiplinore në Shtip.
Sindikata thekson se ankesa i referohet dëmit të supozuar material të shkaktuar ndaj anëtarëve të Ushtrisë dhe buxhetit të shtetit.
Në deklaratë thuhet se sindikata ka apeluar në të kaluarën për respektimin e të drejtave të ushtarëve profesionistë dhe për zbatimin konsistent të Ligjit për Shërbimin në Ushtri, por, sipas tyre, pa sukses.
Sindikata gjithashtu informon se, siç pretendojnë ata, katër gjeneralë aktualisht po veprojnë kundër tyre dhe anëtarëve të saj, për të cilët njoftojnë se do të paraqesin raporte përkatëse në periudhën e ardhshme.
Për më tepër, Sindikata e Pavarur e Ushtarëve Profesionistë i bëri thirrje presidentes së vendit dhe komandantit suprem të Ushtrisë, Gordana Siljanovska-Davkova, të rishikojë vendimet për promovime dhe emërime në pozicione ushtarake përgjegjëse.
Siç deklarojnë ata, kjo është kallëzimi i pestë penal që sindikata ka ngritur kundër punonjësve të Ministrisë së Mbrojtjes dhe Ushtrisë, dhe ata i bëjnë apel Prokurorisë Themelore Publike të veprojë mbi raportet e paraqitura.
Lajme nga vendi
Ndryshimet dhe plotësimet në Ligjin për Punët e Brendshme dhe Ligjin për Policinë në Komisionin për Mbrojtje dhe Siguri
Dy komisione do të mbajnë seancë sot në Parlament – Komisioni për Mbrojtje dhe Siguri dhe Komisioni Juridiko-Ligjvënës.
Para anëtarëve të të dy komisioneve janë Projektligji për ndryshimet në Ligjin për Punët e Brendshme dhe Projektligji për ndryshimet në Ligjin për Policinë, të dyja me procedurë të shkurtuar.
Ndryshimet mundësojnë një ndryshim organizativ, pra transformimin e Sektorit të Punëve të Brendshme Shkup në Departament të Punëve të Brendshme dhe parashikojnë shtimin e një pozicioni të ri pune – Shef i Departamentit të Punëve të Brendshme – Shkup.
Ndryshimet në Ligjin për Policinë, me procedurë të shkurtuar, siç u shpjegua, janë për përmirësimin e strukturës organizative të njësive policore, me theks të veçantë në territorin e qytetit të Shkupit, ku nevojitet efikasitet më i madh, koordinim më i mirë dhe përdorim optimal i burimeve njerëzore dhe materiale në Ministrinë e Punëve të Brendshme, prandaj ligji mundëson një ndryshim organizativ, pra transformimin e Sektorit të Punëve të Brendshme Shkup në Departament të Punëve të Brendshme – Shkup.
Kjo njësi organizative, me ndryshimet dhe plotësimet e propozuara ligjore, merr një status më të lartë organizativ brenda strukturës policore. Përveç kësaj, projektligji bën edhe një korrigjim terminologjik në lidhje me çështjet kriminalistike-teknike – thuhet në shpjegimin e projektligjit, të propozuar nga një grup deputetësh.
Për shkak të nevojës për një ndarje më të qartë të njësive organizative të punëve të brendshme, si dhe specifikimit të mënyrës së përcaktimit të sektorëve të punëve të brendshme dhe Departamentit të Punëve të Brendshme – Shkup, projektligji për ndryshimin dhe plotësimin e Ligjit për Punët e Brendshme, përmes një procedure të shkurtuar, parashikon shtimin e një pozicioni të ri pune – Udhëheqës i Departamentit të Punëve të Brendshme – Shkup.
VLEN: Hipokrizi dhe ironi që BDI/AKI flet për korrupsion dhe Transparency International
STRUGA TRIM LUM BARAZON EDHE NË KONTROLLUESEN E DYTË
Kallëzim penal ndaj 14 pjesëtarëve të Ushtrisë, dyshohen për bashkim kriminal dhe keqpërdorim të pozitës zyrtare
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
