Lajme nga vendi
Në Gjykatën Themelore të Tetovës duhet të vazhdojë gjykimi për zjarrin në spitalin modular
Sot në orën 10 në Gjykatën Themelore në Tetovë duhet të vazhdojë debati kryesor nga gjykimi për zjarrin në spitalin modular të Tetovës, që ndodhi më 8 shtator 2021, kur jetët i humbën 14 persona, ndërsa dhjetëra të tjerë ishin lënduar. Gjykimi filloi para tri javëve, më 7 dhjetor, pasi nga shtatori e deri në këtë muaj, fillimi i procesit gjyqësor ishte shtyrë.
Para 20 ditëve deri në shtyrje e rastit erdhi për shkak të mosmarrëveshjeve të avokatëve të të gjithë të akuzuarve rreth prezantimit të dëshmive nga ana e Prokurorisë Publike. Ata kërkonin që prokurori “t’i lexojë të gjitha dëshmitë”, në vend, siç thanë, “t’i citojë vetëm titujt”. Njëherësh kishin vërejtje se një pjesë e titujve nuk janë përmbajtur në listën e dëshmive të cilat Prokuroria i ka dorëzuar në Gjykatë.
Fillimisht në vetë fillimin të akuzuarit, drejtorët Florin Besimi dhe Artan Etemi, mjeku Boban Vuçevski dhe Spitali Klinik i Tetovës, si person juridik, pas thirrjes së gjykatësit theksuan se e kuptojnë aktakuzën, por nuk e pranojnë fajin dhe se nuk kanë bërë vepra për të cilat akuzohen.
Gjykimi erdhi pasi më 27 korrik të vitit 2022, Prokuroria ngriti aktakuzë në Gjykatën Themelore në Tetovë. Prokuroria dhjetë muaj bënte hetim në të cilën analiza profesionale dhe ekspertiza ishin bërë nga MPB, Fakulteti i Teknologjisë, elektroinxhinier dhe ekspertë dhe hetues nga Policia Federale Kriminalistike e Gjermanisë.
Në tetor të vitit 2021 pas ekspertizave të MPB-së, Prokuroria informoi se zjarri në spitalin modular është shkaktuar si pasojë e djegies së kabllos vazhduese, në të cilën ishin të lidhura një defibrillator – aparat për reanimacion, një karrikues telefoni dhe një pajisje tjetër./medial.
Nën patronazhin e Reisul Ulemasë të BFI-së së RMV-së, u shtrua iftari tradicional i Bashkësisë Fetare Islame, duke bërë bashkë në një mbrëmje të veçantë drejtuesit më të lartë shtetërorë, institucionalë dhe përfaqësues të jetës publike.
Presidentja e shtetit, Gordana Siljanovska-Davkova, Kryetari i Kuvendit, Afrim Gashi, ministra dhe zëvendësministra, kryetarë partish politike, kryetarë komunash, ambasadorë, rektorë universitetesh, si dhe shumë personalitete nga jeta shoqërore dhe civile, ishin të pranishëm në Iftarin Tradicional të Bashkësisë Fetare Islame.
Në fjalën e tij përshëndetëse, kreu I BFI-së, u uroi mirëseardhje mysafirëve dhe agjërim të lehtë e të pranuar, duke theksuar se Ramazani është muaj reflektimi, afrimi dhe përgjegjësie të përbashkët. Ai veçoi rëndësinë e unitetit, tolerancës dhe bashkëjetesës si vlera themelore për stabilitetin dhe perspektivën e vendit.
“Gëzimi I Iftarit merr vlerë të veçantë kur jemi bashkë pranë njëri-tjetrit, të lidhur shpirtërisht, të solidarizuar dhe respektues ndaj secilit, pa dallim race, feje, kombi apo vendi. Në tryezën e Itarit forcohen lidhjet njerëzore, mbillet dashuria, paqa dhe solidariteti dhe shprehet bujaria përmes veprave të mira. Aty ku ndahet buka, forcohet besimi, aty ku ndahet fjala e mirë, ndërtohet respekti”
Mbrëmja u zhvillua duke reflektuar frymën e respektit, dialogut dhe bashkëpunimit ndërinstitucional.
Edhe të pranishmit përmes postimeve nëpër rrjetet sociale kanë përshëndetur organizimin e këtij Iftari, ku potencohet se përmes këtyre ngjarjeve dërgohen mesazhe të fuqishme uniteti, respekti dhe solidariteti.
Edhe një ton marihuanë është konfiskuar nga një kompani për kultivimin e kanabisit mjekësor në Josifovë të Valandovës. Bëhet fjalë për kompaninë Green Life, njëra nga gjashtë kompanitë të cilave Qeveria e Republikës së Maqedonisë së Veriut ua ka hequr licencën e punës.
Me urdhër të një prokurori publik nga Prokuroria e Gjevgjelisë, zyrtarë policorë nga SPB-Strumicë dhe DPB-Valandovë kanë kryer kontroll në hapësirat e një subjekti juridik për prodhimin e marihuanës në fshatin Josifovo, njoftuan nga Ministria e Punëve të Brendshme e Maqedonisë së Veriut.
Konfiskimi është vazhdim i aksionit policor të nisur në periudhën e kaluar, në të cilin deri më tani janë sekuestruar 40 tonë marihuanë.
Lajme nga vendi
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
Ish-kryeministri Zoran Zaev njoftoi se ka parashtruar padi për shpifje dhe shkelje të nderit dhe reputacionit kundër Brane Petrushevskit dhe Zhan Mitrevit, përcjell TV21. Paditë janë dorëzuar në Gjykatën Themelore të Strumicës, dhe vlera e secilës prej tyre është 500,000 denarë.
Sipas pretendimeve në dokumentet e paraqitura, Zaev konsideron se me deklarata publike dhe paraqitje të ndryshme i janë paraqitur fakte të pavërteta që e cenojnë nderin dhe reputacionin e tij.
Në një rast, padia lidhet me deklarata të dhëna në një konferencë për shtyp, ndërsa në rastin tjetër-me një paraqitje në televizion, ku sipas paditësit, pretendimet janë transmetuar gjithashtu nga media dhe portalet online.
“Nuk ka asnjë dilemë se gënjeshtra e të dyve do të vërtetohet,” deklaroi Zaev, duke shtuar se kompensimi eventual nga paditë do të dhurohet për fëmijë pa prindër dhe për persona me nevoja të veçanta.
Paditë bazohen në dispozitat e Ligjit për përgjegjësi civile për ofendim dhe shpifje, me kërkesë për vërtetimin e përgjegjësisë dhe kompensim të dëmshpërblimit jo-material për shkelje të reputacionit. Pritet që gjykata të vendosë mbi paditë e paraqitura në procedurë të rregullt.
IFTARI I BFI-së BËRI BASHKË KRERËT E SHTETIT DHE PARTIVE POLITIKE!
Kapet edhe një ton marihuanë
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
