Lajme nga vendi
Kovaçevski: Ardhmëria jonë është në BE, ndryshimet kushtetuese janë obligim i të gjithë partive
Qytetarët e Maqedonisë së Veriut dëshirojnë të jenë pjesë e BE-së, këtu në vendin e tyre të jetojnë e jo në kurbet dhe kjo është ajo që të gjithë deputetët t’ua mundësojnë qytetarëve, dhe në këtë drejtim ndryshimet kushtetuese janë obligim i të gjithë partive politike, theksoi kryeministri dhe kryetari i LSDM-së Dimitar Kovaçevski në intervistë për Servisin publik TVM, njofton Portalb.
“Ndryshimet kushtetuese dhe të gjithë vendimet që mëtej do të pasojnë deri në anëtarësimin e plotfuqishëm janë obligim i të gjithë partive politike, ky është interes mbipartiak për qytetarët dhe jo për partitë politike. Partitë politike kanë shumë tema të tjera në të cilat munden në bazë ditore politike të garojnë, nga politika e tatimeve, politikave sociale, politikat investuese…Megjithatë, kjo çështje është çështje e ardhmëriaë së qytetarëve. Për shkak se qytetarët e Maqedonisë së Veriut dëshirojnë të jetojnë në BE, por ata dëshirojnë të jetojnë në BE këtu në shtetin e tyre e jo të jetojnë në BE si deri tani në kurbet, në vende të tjera, si të punësuar nëpër kompani të cilët në mënyrë praktike jetojnë jashtë vendit të tyre dhe kjo është ajo që të gjithë deputetët duhet t’ua mundësojnë qytetarëve”, tha Kovaçevski.
Kovaçevski shtoi se është optimist racional.
“Unë disa herë kam thënë se jam optimist racional. Kjo do të thotë se unë besoj në cakun, megjithatë punoj që ai qëllim të realizohet. Njëjtë siç ishte me krizën energjetike, unë nuk kam dhënë shumë deklarata megjithatë tani të gjithë qytetarët u bindën se nuk ka shok çmimesh, ashtu siç besonja se mund të sigurojmë ngrohje për Qytetin e Shkupit. Ashtu siç besonja se në kohë krize mund ta rrisim pagën minimale dhe të sigurojmë financim përmes instrumenteve të FMN-së të cilët nuk i kishim në të kaluarën, ashtu siç besoj se edhe kjo do të realizohet për shkak se bëhet fjalë për proces të pakthyeshëm”, tha kryeministri Kovaçevski në intervistë për servisin publik.
Qeveria e Maqedonisë së Veriut ka dërguar deri tek Kuvendi emrat për të plotësuar vendet e zbarzura të zv/ministrit të Arsimit dhe Mbrojtjes.
Për zv/ministër të Arsimit është propozuar Driton Sulejmanin, i cili ka ushtruar detyrën e zëdhënësit të koalicionit VLEN, ndërsa më herët ka qenë edhe këshilltarë në komunën e Kumanovës, nga radhët e partisë Alternativa.
Ndërsa për zv/ministër të Mbrojtjes është propozuar Admir Shabani, i cili më herët ka qenë zëdhënës i KSHZ-së.
Propozimi tashmë ka hyrë në procedurë parlamentare dhe pritet të votohet nga deputetët në seancën e ardhshme parlamentare.
Lajme nga vendi
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
A është elita politike maqedonase e vetëdijshme se duke “mbrojtur” gjuhën e tyre përmes injorimit të shqipes, po rrezikojnë vetë ekzistencën e shtetit që thonë se duan?
Nëse politika nuk ndërhyn urgjentisht për të krijuar një urë lidhëse — ku gjuha shqipe mësohet në shkolla si shenjë respekti dhe nevoje — vendi rrezikon të kthehet në një shtet “jofunksional” si Bosnja apo Qiproja. Kufijtë po vizatohen çdo ditë në mendje, përpara se të vizatohen në letra.
Pse ky refuzim po na çon drejt ndarjes së pashmangshme?
• 1. Ndarja “De Facto” (Në terren): Kur nuk ka komunikim, ndarja nis në përditshmëri. Shqiptarët hapin biznese për shqiptarë, maqedonasit për maqedonas. Qytetet po kthehen në “ishuj” etnikë ku lumi Vardar apo një rrugë shërbejnë si kufi i padukshëm.
• 2. Mesazhi i “Mospranimit”: Kur refuzon të mësosh qoftë edhe bazat (një përshëndetje apo numrat), mesazhi politik është i qartë: “Ne nuk ju pranojmë si bashkëpronarë të këtij shteti, por si të huaj që jetojnë këtu.”
• 3. Radikalizimi i Kërkesave: Ky alienim prodhon humbje të lojalitetit ndaj shtetit. Nëse nuk merremi vesh në një shtëpi të përbashkët, hapi tjetër logjik është kërkesa për mure dhe autonomi të plotë.
Përfundimi: Një shtet ku 30% e popullsisë injorohet gjuhësisht nga shumica tjetër, nuk mund të ketë progres. Refuzimi i gjuhës është refuzim i bashkëjetesës. (INA)
Lajme nga vendi
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Kryetari i Çairit, Izet Mexhiti, tha se kërkesa e votuesve dhe strukturave partiake është e qartë dhe se ata dëshirojnë bashkimin e VLEN-it.
Ai tha se konform kësaj kërkesa liderët e partive janë duke vepruar. Ai përmendi veprimin e Besës për të shkarkuar organet e Besës, ndërsa tha se këtë po e bën edhe Fetahu dhe Azir Aliu, deputetja Mimoza Musa, si dhe Ilir Demiri, për të cilin tha se është deputeti i radhës që i bashkëngjitet VLEN-it.
“Këto ditë me siguri po përgatitet edhe Lëvizja Demokratike që të thirret kuvendin themelues për tu shkrirë dhe për ta bërë VLEN-in një parti”, tha Mexhiti.
I pyetur nëse Alternativa nuk e pranon idenë me bashkëkryetar por kërkon me rotacion, Mexhiti tha se po bisedohet me argumente pro dhe kontra.
“Pjesa dëmruese e faktorëve brenda VLEN-it janë për konceptin bashkëkryetar por normal që këtu është edhe Alternativa dhe bashkë do vazhdojmë dhe këtu nuk ka aspak shqetësime për mendimet e ndryshme”, tha Mexhiti, duke shtuar se parësore që VLEN-i të jetë një, raporton SHENJA.
Qeveria dërgon në Kuvend emrat e rinj të zv. ministrit të Arsimit dhe Mbrojtjes
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
