Lajme nga vendi
Mickoski: Nevojitet Qeveri e re e zgjedhur nga populli, lirimi i rrymës është gënjeshtër
Gjysma e dytë e janarit dhe gjysma e parë e shkurtit është mundësia e fundit për zgjedhje të parakohshme, konsideron lideri i VMRO-DPMNE-së, Hristian Mickoski, duke cekur se do të ishte papërgjegjësi në vjeshtë të ketë zgjedhje të parakohshme, të shpenzohen dhjetëra milionë euro në kushte të krizës, kështu që të ketë zgjedhje presidenciale në mars apo prill.
“Do të ishte papërgjegjësi të veprohet ashtu. Prandaj vlerësoj se ky është momenti i fundit”, tha sot Mickoski, duke u përgjigjur në pyetje të gazetarëve në komunën Kisella Vodë.
Sipas Mickoskit, është papërgjegjësi kjo Qeveri të vazhdojë të funksionojë.
“Gjithnjë e më e zëshme është pakënaqësia në kuadër të grupeve të deputetëve të partive të cilat e mbështesin këtë Qeveri. Këtu para së gjithash mendoj për BDI-në dhe LSDM-në sepse shohin se si shteti po fundoset, po shkon prapa, nuk ka reforma, nuk ka rezultate, politikanë të paaftë kriminel e udhëheqin atë Qeveri dhe i inkurajuar nga ato sinjale që i marr nga grupet e deputetëve të LSDM-së de BDI-së, mendoj se këtë vit do të gjenden 61 deputetë të cilët do ta shpërndajnë këtë Parlament”, tha Mickoski.
Do të shkojmë në zgjedhje të parakohshme parlamentare, theksoi ai.
“Dhe më pas do të vijë një qeveri e cila do të zgjedhet nga populli, qeveri popullore, jo e zgjedhur në rreth të ngushtë të njerëzve apo kryeministër i zgjedhur nga një rreth i ngushtë i njerëzve, që do të punojë për interesat e popullit dhe të shtetit, e jo për interesa personale apo partiake. Kështu që, i inkurajuar nga këto sinjale mendoj se kemi mundësi të madhe që ato dy data 14 apo 21 maj të jenë data zgjedhore dhe të shohim në fund të ditës nëse me të vërtetë beson në atë që e flet Qeveria e BDI-së dhe LSDM-së se punojnë mirë, se me të vërtetë janë të suksesshëm do të mund ta kontrollojmë atë në zgjedhje, ashtu? Populli le të thotë, populli është sovrani i shtetit. Nuk janë funksionarët e BDI-së të mbështetur nga LSDM sovranë të këtij shteti”, tha ai.
Tarifa e lirë prej 0,6 denarë rritet në 1,3 denarë, harruan të thonë se më shumë se dy herë. Dhe tani, kur çdo qytetar të llogarisë sa kilovat orë shpenzon në atë të lirë dhe sa në një nga blloqet, do të shihni që fatura me taksën e shtuar plus 5 për qind do të jetë të paktën 20 për qind më e lartë. Por nga 1 janari do ta shohin dhe përjetojnë të gjithë qytetarët, kështu është përgjigjur Hristijan Mickoski.
Mickoski shtoi se kjo është kështu për shkak se në vitin 2021 dhe 2022, nga buxheti shtetëror të gjithë qytetarët kanë transferuar mbi 265 milionë euro në SHA EMV, ELEM i dikurshëm.
“Ndërsa, vetëm në vitin 2022, në fund të nëntorit, pa llogaritur dhjetorin, janë transferuar 180 milionë euro. Dhe me dhjetorin do të jetë më shumë se 200 milionë euro. Dhe si shkojnë ato para? Transferohen nga buxheti i shtetit në EMV, ndërsa EMV shpall tender për miniera, kompanitë shantazhohen që të mos aplikojnë për atë tender për miniera dhe për urgjencë lidhen kontrata private. E njëjta gjë bëhet me mazutin, e njëjta gjë bëhet me thëngjillin e importuar gjegjësisht transportin, por kështu bëhet edhe me paradhënien e faturave për energjinë elektrike të importuar”, shtoi ai.
Kryetari i VMRO-DPMNE-së tha se nga ato 200 milionë, llogaritet se së paku 30 milionë po vidhen. Mickoski u bëri thirrje të gjithë atyre që bëjnë thirrje për luftë kundër krimit dhe korrupsionit “të shkojnë të hapin dokumentet dhe të shohin se ku është krimi”.
Mickoski për importin e energjisë elektrike tha se për një muaj e gjysmë duke filluar nga 7 apo 10 nëntor deri në fund të vitit 2022 janë mbi 45 milionë euro.
“Gjithë kohën i dëgjojmë të thonë se prodhojnë, se plotësohen nevojat, thuajse nuk ka importe etj. Dhe këtu pohoj, le të më mohojnë se vetëm për një muaj e gjysmë SHA EMV ka shpenzuar më shumë se 45 milionë euro”, tha ai.
Sipas tij, “kostot për kapacitetet cross border nuk janë llogaritur dhe po t’i llogaritësh edhe ato, do të marrësh diku rreth 600 mijë euro diferencë, jo 800 mijë, që përsëri është mjaft duke marrë parasysh se 2 milionë është e gjithë marrëveshja”.
“Pra ju keni një fitim prej 30 për qind, që është diçka e pabesueshme. Paguhet paraprakisht. Kështu vidhet Maqedonia. Dhe kushdo që thotë luftë kundër korrupsionit, menjëherë do t’ju jap një shembull”, është përgjigjur Mickoski i pyetur se si e komenton çmimin e blerjes së energjisë elektrike për 40% më të lartë se çmimi i tregut./Zhurnal.mk
Agjencia për Komunikime Elektronike ka vendosur që kompania “One Macedonia Telecommunications”, në pronësi të grupit hungarez 4iG, është ofertuesi më i favorshëm në tenderin për përzgjedhjen e operatorit të tretë mobil në vend. Me këtë vendim nis afati prej 10 ditësh për pagesën e kompensimit njëherësh prej mbi 8 milionë eurosh për tre brezat e frekuencave.
Pas pagesës, kompania mund të pajiset me leje dhe të nisë menjëherë aktivitetin, fillimisht përmes rrjeteve ekzistuese deri në ndërtimin e infrastrukturës së vet. Sipas kushteve, operatori i ri duhet të fillojë shërbimet deri në fund të vitit 2026 dhe gradualisht të sigurojë mbulim 5G në të gjitha qytetet deri në vitin 2030.
Nga AKE vlerësojnë se hyrja e operatorit të tretë do të rrisë konkurrencën dhe do të ndikojë në uljen e çmimeve të shërbimeve mobile.
Lajme nga vendi
Sonte Grupi i grave TEUTA nga Tetova është në FINALEN e MADHE të God Talent- Vision Plus VOTIMI FILLON NË ORA 21:00
Lajme nga vendi
Mungesë e tabelave të regjistrimit në Maqedoni – qytetarët përballen me vonesa, kosto shtesë dhe parregullsi
Prej më shumë se tre javësh, qytetarët në Maqedoninë e Veriut po përballen me mungesë serioze të tabelave të regjistrimit të automjeteve, problem që po shkakton vonesa të mëdha në regjistrimin e veturave dhe po hap rrugë për abuzime dhe pagesa më të shtrenjta.
Sipas ankesave të shumta të qytetarëve, Ministria e Punëve të Brendshme (MPB) nuk po lëshon tabela të reja të regjistrimit, ndërsa arsyeja zyrtare për këtë mungesë ende nuk është bërë publike. Qytetarët thonë se po presin me javë të tëra për t’i pajisur veturat e tyre me tabela, ndërkohë që disa janë detyruar të mos i përdorin fare automjetet.
Por problemi nuk përfundon vetëm me vonesat. Sipas burimeve nga terreni, disa qytetarë po detyrohen të paguajnë shuma më të larta se zakonisht, vetëm për t’i marrë sa më shpejt tabelat, për shkak të mungesës së madhe dhe kërkesës së lartë. Kjo situatë ka krijuar hapësirë për spekulime dhe dyshime për keqpërdorime.
Edhe më shqetësuese është fakti se disa qytetarëve, sipas dëshmive të tyre, u janë dhënë tabela katrore – formë e cila nuk lejohet sipas rregullave standarde për shumicën e automjeteve – dhe këto tabela po paguhen më shtrenjtë, duke u arsyetuar me “mungesën e madhe në treg”.
“Kam pritur mbi dy javë për tabela. Më thanë se nuk ka fare dhe nëse dua më shpejt, duhet të paguaj më shumë. Në fund më dhanë tabela katrore, edhe pse vetura ime nuk i përshtatet atij modeli,” thotë një qytetar për mediat.
Qytetarë të tjerë shprehen se po ndihen të diskriminuar dhe të detyruar të pranojnë kushte që nuk janë as të qarta e as të drejta. Ata kërkojnë sqarim urgjent nga institucionet për arsyen e mungesës, si dhe hetim për rastet kur tabelat po jepen me çmime më të larta ose në forma të palejuara.
Deri tani, MPB nuk ka dhënë një shpjegim të qartë publik për mungesën e tabelave: a bëhet fjalë për problem teknik, mungesë furnizimi, procedura tenderimi apo ndonjë arsye tjetër. Heshtja institucionale vetëm sa po rrit dyshimet dhe pakënaqësinë te qytetarët.
Ekspertë të komunikacionit theksojnë se tabelat e regjistrimit janë dokument zyrtar dhe nuk guxon të ketë improvizime, forma të palejuara apo çmime “alternative”, sepse kjo dëmton besimin në institucionet shtetërore dhe krijon terren për korrupsion.
Derisa institucionet të reagojnë, qytetarët vazhdojnë të mbeten peng i një problemi që nuk e kanë shkaktuar vetë, duke paguar më shumë, duke pritur më gjatë dhe duke u ndier të pasigurt në një proces që duhet të jetë i thjeshtë, i shpejtë dhe i drejtë për të gjithë.
“One Macedonia”, në pronësi të grupit hungarez 4iG, bëhet operatori i tretë mobil!
Sonte Grupi i grave TEUTA nga Tetova është në FINALEN e MADHE të God Talent- Vision Plus VOTIMI FILLON NË ORA 21:00
Mungesë e tabelave të regjistrimit në Maqedoni – qytetarët përballen me vonesa, kosto shtesë dhe parregullsi
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
