Lajme nga vendi
Ndryshimet kushtetuese nuk bëhen nëpër korridore, priten konsultime zyrtare
Si të arrihet drejt ndryshimeve kushtetuese, dje erdh propozimi nga ministri i Punëve të Jashtme, Bujar Osmani, i cili në tkaim me gazetarët tha se deri më tani ka pasur vetëm konsultime joformale “nëpër korridore” dhe se tani duhet të fillohet me pako formale të konsultimeve dhe debateve publike me partitë politike. Osmani shprehi druajtje se nëse deri në nëntor nuk sillen ndryshimet kushtetuese, do të hyjmë në ndonjë “skenar malazez”.
“Nuk duhet të humbim kohë në procesin e ndryshimeve kushtetuese, pasi qëndrimi im është se nëse na kap nëntori pa ndryshimet e bëra në Kushtetutë, do të ndërpriten negociatat dhe do ta humbim momentin, e humbja e momentit është një nga punët më të këqija që mund t’ju ndodh në rrugën evropiane dhe druaj se do të hyjmë në ndonjë “skenar malazez”, pas çka do të jetë shumë vështirë të kthehemi, me të gjitha implikimet brenda dhe jashtë ndaj imazhit të shtetit, tha dje në brifing me gazetarët shefi i Diplomacisë, Bujar Osmani.
Këtë vit, sipas Osmanit, duhet të fillohet me një pako formale të konsultime dhe debateve publike. Debate publike, ku do të përfshihen edhe politikanët, do të përfshihen edhe organizatat joqeveritar, ekspertët, gazetarët, opinion, që të bisedojmë se cilat janë argumente kundër apo pro ndryshimeve kushtetuese.
Ai vlerësoi duhet të bëhet ndarje mes thelbit të problemit, e ajo është nëse ndryshimet kushtetuese janë problematike dhe interesit politik partiak rreth ndryshimeve kushtetuese.
“Tani për tani janë përzier dhe nuk mund të bëhet ndarje, ku është interesi i shtetit, e ku interesi partiak dhe kjo i habit njerëzit, pasi nuk dinë nëse një qëndrim i ndonjë politikani është për shkak të asaj se dëshiron zgjedhje dhe dëshiron të jetë në pushtet opse për shkak të asaj se ndryshimet kushtetuese janë të rrezikshme për shtetin dhe për popullin. Me rëndësi është të bëjmë ndarje se ku fillon interesi partia, e ku përfundon interesi i shtetit”, tha Osmani.
Që të sillen ndryshimet kushtetuese që do të nënkuptojnë edhe ndryshim të Preambulës së Kushtetutës, nevojiten 80 vota përkatësisht shumicë prej dy të tretave, që tani për tani Qeveria nuk i ka sepse partia kryesore opozitare e kundërshton propozimin. Ndryshimet kushtetuese dolën nga propozimi francez dhe me të në Kushtetutë duhet të futen bullgarët, por jo vetëm ata.
Nga VMRO-DPMNE mbrëmë për MIA-n theksuan se deri më tani nuk kanë marrë ftesë për bisedime për ndryshimet kushtetuese dhe se ata nuk do të refuzojnë takimin, por do të përsërisin se nuk do të mbështesin ndryshime kushtetuese.
Dje për ndryshimet kushtetuese, qëndrim të vetin paraqiti edhe Partia socialiste, e cila është edhe partnere shumëvjeçare e koalicionit me VMRO-DPMNE-në. Nismën e ministrit të Punëve të jashtme për fillim të konsultimeve për ndryshime kushtetuese me formalizim të procesit të paramenduar me debate publike dhe me pjesëmarrje të ekspertëve, e vlerësojnë si mjaft joserioze dhe jopërgjegjëse.
Zëvendëskryeministri për çështje evropiane, Bojan Mariçiq paraprakisht tha se pret me konsensus të përbashkët për çështjen për perspektivën evropiane të vendit, të arrijmë deri tek ndryshimet e suksesshme kushtetuese. Qytetarët, sipas tij, e mbështesin anëtarësimin në BE dhe e dinë mirë se vendi duhet të hapërojë nëpër rrugën evropiane si rrugë e vetme në të cilën mund të transformohet shoqëria e vendit sipas vlerave dhe standardeve evropiane dhe e cila sjellë stabilitet, prosperitet, mundësi të reja dhe mjete të pakthyeshme nga fondet evropiane.
“Çdo zhvendosje nga rruga evropiane, ndërkaq kjo do të ndodhë nëse opozita nuk jep mbështetje për ndryshimet kushtetuese, do të jetë vetëm pasiguri, paqartësi, krizë politike dhe vendosje e sërishme e Maqedonisë së Veriut në sallën e pritjes. Bllokada e ardhshme mund të jetë VMRO-DPMNE”, thotë Mariçiq.
Propozim ligji i ri për ndryshime në arsimin e lartë është i papranueshëm për senatin e universitetit të Tetovës dhe ky senat ka sjell një vendim ku kërkon që ky ligj të tërhiqet dhe të rishikohet duke pasur parasysh gjendjen reale në universitete.
“ Numri më i madh i vërejtjeve ka të bëj me cenimin e autonomisë universitare , pasi që parashihet të ketë një këshill universitar i cili edhe i zbehë kompetencat e universitetit , dhe kjo është ajo ku shumica e profesorëve kanë vërrejtje pjesa tjetër është me numër të madh. Akreditimin e studimeve të doktoraturës , pasi që UT i plotëson të gjithë kushtet ka staf akademik , punime shkencore punime , por kriteret janë në harmoni me gjendjen reale dhe për këtë janë një numër i vërejtjeve . Senati Universitetit të Tetovës ka vendim në të cilën propozon që ligji më mirë të tërhiqet të rishikohet dhe të ketë një draft i cili është në harmoni me gjendjen reale .”
Kundër këtij ligji, si të tillë është edhe Drejtor i Forumit per Ndryshime ne Arsim Blendi Hodai. Sipas tij, ky ligj në mënyrë jo transparente është publikuar por edhe cenon autonominë e universiteteve .
“ Për vetë faktin se ministria nuk i përmendi emrat e personave që kanë hartuar propozim ligjin nënkupton se , ligji është jo transparent dhe kjo është e rëndësishme për neve pasi që ligji për arsimin e lartë është interes publik nuk është një roman dhe ta nxjerri dhe të thoni ja e kemi publikuar. Ne vërejmë se me një pjesë cenon autonominë euniversitetit dhe ne vlerësojmë se autonomia e universiteteve është shumë e rëndësishme për stafin akademik.”
Por ministria e arsimit Vesna Janevska është e prerë, ligji nuk tërhiqet , ajo tha se i dëgjon vërejtjet , por nuk do të ketë tërheqje të ligjit.
“ Ligji një muaj është në debat publik dhe të gjithë kanë të drejtë të japin vërejte dhe nëse vërejtjet pranohen dhe deri më tani kishim debate dhe u morëm veshtë që çka do të pranohet, por ligji nuk do të tërhiqet dhe nuk duhet tëtërhiqet pasi që bën të ardhmen për të rinjtë tanë.”
I pyetur se kush janë emrat që e kanë shkruar këtë ligj, ministria e arsimit nuk pranoi që të tregoj të njëjtat, pasi që sipas saj ata janë emra të njohur dhe u cenohet integriteti akademik.
Nën patronazhin e Reisul Ulemasë të BFI-së së RMV-së, u shtrua iftari tradicional i Bashkësisë Fetare Islame, duke bërë bashkë në një mbrëmje të veçantë drejtuesit më të lartë shtetërorë, institucionalë dhe përfaqësues të jetës publike.
Presidentja e shtetit, Gordana Siljanovska-Davkova, Kryetari i Kuvendit, Afrim Gashi, ministra dhe zëvendësministra, kryetarë partish politike, kryetarë komunash, ambasadorë, rektorë universitetesh, si dhe shumë personalitete nga jeta shoqërore dhe civile, ishin të pranishëm në Iftarin Tradicional të Bashkësisë Fetare Islame.
Në fjalën e tij përshëndetëse, kreu I BFI-së, u uroi mirëseardhje mysafirëve dhe agjërim të lehtë e të pranuar, duke theksuar se Ramazani është muaj reflektimi, afrimi dhe përgjegjësie të përbashkët. Ai veçoi rëndësinë e unitetit, tolerancës dhe bashkëjetesës si vlera themelore për stabilitetin dhe perspektivën e vendit.
“Gëzimi I Iftarit merr vlerë të veçantë kur jemi bashkë pranë njëri-tjetrit, të lidhur shpirtërisht, të solidarizuar dhe respektues ndaj secilit, pa dallim race, feje, kombi apo vendi. Në tryezën e Itarit forcohen lidhjet njerëzore, mbillet dashuria, paqa dhe solidariteti dhe shprehet bujaria përmes veprave të mira. Aty ku ndahet buka, forcohet besimi, aty ku ndahet fjala e mirë, ndërtohet respekti”
Mbrëmja u zhvillua duke reflektuar frymën e respektit, dialogut dhe bashkëpunimit ndërinstitucional.
Edhe të pranishmit përmes postimeve nëpër rrjetet sociale kanë përshëndetur organizimin e këtij Iftari, ku potencohet se përmes këtyre ngjarjeve dërgohen mesazhe të fuqishme uniteti, respekti dhe solidariteti.
Edhe një ton marihuanë është konfiskuar nga një kompani për kultivimin e kanabisit mjekësor në Josifovë të Valandovës. Bëhet fjalë për kompaninë Green Life, njëra nga gjashtë kompanitë të cilave Qeveria e Republikës së Maqedonisë së Veriut ua ka hequr licencën e punës.
Me urdhër të një prokurori publik nga Prokuroria e Gjevgjelisë, zyrtarë policorë nga SPB-Strumicë dhe DPB-Valandovë kanë kryer kontroll në hapësirat e një subjekti juridik për prodhimin e marihuanës në fshatin Josifovo, njoftuan nga Ministria e Punëve të Brendshme e Maqedonisë së Veriut.
Konfiskimi është vazhdim i aksionit policor të nisur në periudhën e kaluar, në të cilin deri më tani janë sekuestruar 40 tonë marihuanë.
UT-ja KUNDËR LIGJIT PËR ARSIM TË LARTË, CËNOHET AUTONOMIA
IFTARI I BFI-së BËRI BASHKË KRERËT E SHTETIT DHE PARTIVE POLITIKE!
Kapet edhe një ton marihuanë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
