Turneu  tradicional mbarëkombëtar i volejbollit ‘Kupa Pavarësia 2025’’ këtë  vit  do të mbahet me 28, 29, 30 nëntor në  Ferizaj, ku organizator është  Federata e  Volejbollit të Kosovës. Shkëndija e Tetovës e përfaqëson Maqedoninë e Veriut.

 Në organizim  të Federatës së Volejbollit  të Kosovës  nga  data 28, 29  dhe  30  nëntor  në Ferizaj  do të mbahet  turneu  tradicional i  volejbollit  për meshkuj dhe femra ‘’Kupa  Pavarësia  2025,  ku edhe kësaj radhe do të marrin pjesë  ekipet më të mira nga Shqipëria,Kosova dhe Maqedonia e Veriut.  Në kategorinë e meshkujve pjesëmarrjen e kanë konfirmuar Partizani i Tiranës, Shkëndija e Tetovës, Peja dhe nikoqiri Ferizaj, ndërsa në kategorinë e femrave  marrin pjesë  Fer Voley, Dinamo, Pgradeci dhe  Drita.  Për turneun ‘Kupa Pavarësia  2025’’  ku merë pjesë edhe   Shkëndija e  Tetovës , trajneri  Durim Luma  për  TV  koha  deklaroi

“ Të  gjithë  shikuesve, të  gjithë shqiptarëve anë e mbanë t’ua  urojë 28  Nëntorin, Ditën e Pavarësisë apo ditën e Flamurit, Përhirë të  kësaj feste d.m.th. tradicionalisht mbahet Kupa e Pavarësisë në volejboll, ku marrin pjesë  ekipe nga   tre  shtete  shqiptare. Them edhe vendin tonë e quajta shqiptare  pasi ne  jetojmë  këtu. Shqipëria , Kosova  dhe ekipi i Shkëndijës  nga Maqedonia e Veriut. Kësaj radhe turneu i Pavarësisë 2025 do të mbahet n Ferizaj pra në Kosovë. Vitin e kaluar  është mbajtur në Tiranë, ndërsa  vitin tjetër sipas radhës duhet të organizohet  këtu në Tetovë. Turneu mbahet  prej   28 deri  30  nëntor në qytetin e Ferizajt’ dhe pjesëmarrës  do të jenë: Kampioni i Shqipërisë Partizani i Tiranës, kampioni i Kosovës  Ferizaj, fituesi i Kupës së Kosovës Peja  dhe  ekipi i  Shkëndijës  nga  Tetova e cila  çdo  herë merë pjesë në këtë  aktivitet’’  deklaroi Durim Luma

 Organizatori i turneut  ‘’Kupa Pavarësia 2025’’ tani më  ka  publikuar edhe orarin e ndeshjeve, kështu që 28 nëntor me fillim në ora 17:00, takohen: Peja – Shkëndija, ndërsa nga ora 20:00  Partizani Ferizaj Drita.  Të premten  luhen ndeshjet në kategorin e vajzave  ku takohen; Fer Voley – Dinamo dhe Pgradeci – Drita.  Ndeshjet  finale  do të zhvillohen  të shtunën  në ora 14:00  finalja e meshkujve dhe në ora  17:00  finalja e femrave

 

Advertisement

Shaban  Sinani – TV  Koha

Në Turneun Kupa e Pavarësisë 20215  pë veteranë marrin pjesë ekipi i Vlorës, Tetovës , Prizrenit dhe ekipi Dardanët që vinë Londra në Angli.

 Qyteti i Vlorës nga data  27  deri më 29  nëntor  është nikoqire e turneut të  futbollit  për veteranë me  moton KUPA PAVARËSIA 2025, ku kësaj  radhe  krahas  ekipit  nikoqir  të Vlorës do të marrin pjesë edhe  Reprezentacioni të Veteranëve të Tetovës , ekipi Dardanët nga Londra –Angli  dhe  Ekipi I I Veteranëve  nga  Prizreni. Lista e  futbollistëve veteranë  të Tetovës është përpiluar  në koordinim  të koordinatorit Muzafer Livoreka dhe seleksionuesit Faik Ademi. Ekipi tetovar me qëllim prezantimi sa më dinjitoz në Vlorë disa ditë është duke u përgatit në aspektin taktik teknik dhe atë fizik. Për pjesëmarrjen e reprezentacionit të Tetovës seleksionuesi Faik Ademi për TV koha deklaroi

 “ Qëllimi kryesor i  këtij organizimi është kthimi i vizitës që na bënë  veteranët e  Flamurtarit, gjegjësisht nga qyteti i Vlorës me të cilët jemi  falënderues që na  kanë  ftuar të marrim pjesë  në Turneun Kupa e Pavarësisë  ku  do të marrin pjesë  disa  skuadra  Si  Flamurtari i Vlorës , veteranët e Tetovës  që kryesisht  përbëhet nga  lojtar  të ish  Shkëndijës  tonë dhe janë të paralajmëruar  disa  skuadra  tjera  një prej  atyre është ekipi Dardanët nga  Londra. Ka edhe  skuadra tjera  “ deklaroi seleksionues  Faik Ademi

 Sipas organizatorit ditën e parë do të zhvillohen dy  ndeshje që do të përcaktohen pas  hedhjes së shortit, ndërsa ditën e dytë ekipet fituese do të përballen në  finale , ndërsa ekipet humbëse do të luajnë për vendin e tretë . Në ekipin e  Tetovës ftuar special është portieri Muarem Dosti si dhe Gajur Sadiki i cili jeton dhe vepron në Suedi. Ekipi i Tetovës në Vlorë do të udhëton me datën 27  nëntor

Pas disa seancave të anuluara, në Gjykatën Penale të Shkupit filloi rigjykimi për rastin “Besa Trans”, pasi Apeli para një viti e rrëzoi aktgjykimin e shkallës së parë ku pronari i kompanisë transportuese Bekim Haxhiu u dënua me 20 muaj burg. Haxhiu, i cili tanimë tre vite qëndron në bankën e të akuzuarit, para gjykatësit sërish deklaroi se nuk ndihet fajtor për veprën penale që i ngarkohet, respektivisht se ka falsifikuar certifikatën e licencës së autobusit i më 23 nëntor të vitit 2021 u dogj në Struma të Bullgarisë dhe si pasojë, humbën jetën 45 persona dhe 7 të tjerë u lënduan. I pafajshëm u deklarua edhe përfaqësuesi i personit juridik “Besa Trans”,  Arif Kovaçi.

Me rifillimin e gjykimit për lëndën që nuk ka të bëjë me aksidentin, por vetëm me licencën, është ndërruar edhe prokurori. Akuzën në rigjykim do ta përfaqësojë Zoran Zdravev, pasi që Vlladimir Milloshevski është avancuar në pozitën e prokurorit të lartë.

Në seancën e sotme, ishin të pranishëm përfaqësuesit e Ministrisë së Transportit, resorit kompetent i cili jep certifikatat e licencave për transportuesit. Draganço Jovev i punësuar në këtë ministri, tha se mbetet në deklarimin që e ka dhënë gjatë gjykimit të parë, respektivisht se kompania “Besa Trans” ka pasur licencë për transport ndërkombëtar për pesë autobusë, por nuk ka pasur licencë për autobusin e djegur.

Në seancën e radhës, të caktuar për më 19 dhjetor, pritet të dëshmojë përfaqësuesi i Doganës, të cilën gjykatësi Ivica Stefanovski, e cilësoi si “çelës” të lëndës.

Sipas akuzës, prej 10 janarit të vitit 2021 e deri në ditën e aksidentit, autobusi ka kaluar kufirin me certifikatë licence të falsifikuar 20 herë. Për këtë, sipas Prokurorisë është fajtor pronari i kompanisë Bekim Haxhiu, i cili nëpërmjet shoferëve të ndryshëm, ka mundësuar që autobusi të udhëtojë në relacione të ndryshme. Mbrojtja ka mohuar në vazhdimësi se ka bërë falsifikim të certifikatës së licencës, ndërsa insistojnë në formulimin se për të pasur falsifikim, duhet që dikush të krijojë një dokument të rrejshëm, që sipas tyre në këtë rast, nuk ka ndodhur.

Advertisement

Tragjedia e Bullgarisë, mbetet ndër më të rëndat në historinë e vendit, ndërsa familjarët, por edhe opinioni vazhdimisht kanë kërkuar përgjegjësi. Bullgaria hapi hetim për arsyet e aksidentit, megjithatë i mbylli pasi sipas tyre fajtor ka qenë shoferi që ka humbur jetën në aksident, sepse ka lëvizur mbi shpejtësinë e lejuar, në kushte të papërshtatshme të rrugës.Gazetar: Suad Bajrami