Lajme nga vendi
Gjykata konfirmon: Komuna e Tetovës nuk ka bërë kërkesë për shpronësimin e tokës
Gjykata themelore e Tetovës ka konfirmuar pohimet e kreut të komunës së Tetovës Bilall Kasami, se për lëndën për eksproprijimin e tokës së një banori të Tetovës në fillim të vitit 1998, gjykimi ka përfunduar në fund të vitit 2016 dhe komuna e Tetovës nuk ka bërë ankesë. Bëhet fjalë për tokën që iu mor një banori për hapjen e bulevardit Iliria në Tetovë, për të cilën, edhe pse vlerësimi kishte qenë vetëm 50.000 euro, pala deri më tani ka tërhequr nga komuna mbi 1 milion euro, në emër të vonesave.
“Ju njoftojmë se për lëndën PJK/ nr 150/15, është marrë vendim aktvendim më 04.11.2016, i cili është bërë i formës së prerë nga 23.11.2016 dhe ekzekutiv nga 10.01.2017, kurse komuna e Tetovës, nuk ka parashtruar ankesë për lëndën PJK/ nr 150/15”.shkruan në përgjigjen e gjykatës së Tetovës”, njoftojnë nga Gjykata e Tetovës.
Pas njohjes me këtë vendim, vit më parë, kreu i komunës Bilall Kasami, bën ankesë por edhe sqarim në gjykatën e Apelit në Gostivar. Por prej rreth një viti, nuk as përgjigje e as vendim. Kasami thotë se reagim nuk ka as për padinë e ngritur mbi dyshimet për krim të organizuar për këtë lëndë, në Prokurorinë e krimit të Organizuar dhe Korrupsionit.
“Ne kemi ngritur edhe padi kundër një grupi që ne dyshojmë se janë të organizuar për zhvatjen e parave të qytetarëve, i paditëm deri në prokurorinë për krim të organizuar dhe e njëjta është bërë në fillim të vitit 2022 por nuk kemi përgjigje nëse pranohet apo refuzohet”, tha Bilall Kasami, kryetar i komunës së Tetovës.
Kërkuam përgjigje edhe nga gjykata e Apelit në Gostivar, por, nga atje na thanë se lënda e kërkuar, është kthyer në gjykatën themelore të Tetovës në vitin 2016, ndërsa nuk ka ankesë për të njëjtën më vonë. Sipas Kasamit, indikacioni për keqpërdorim fillon në vitin 2001, kur edhe pronari i tokës ndërron jetë dhe lënda tërhiqet nga gjyqi pasi nuk paraqitet asnjë trashëgimtar, ndërsa 14 vite më vonë, e njëjta ankimohet dhe i rikthehet gjykimit, me trashëgimtar të ri.
“Në vitin 2014, gjykata e apelit në Gostivar e informon për vendimin e gjykatës të vitit 2001 dhe aty me automatizëm ia japin të drejtën e ankesës. Bën ankesë pala në vitin 2014 dhe në vitin 2015 gjykata e apelit e anulon vendimin e gjykatës të vitit 2001 dhe nga këtu nis gjithë procesi”, u shpreh Bilall Kasami, kryetar i komunës së Tetovës.
Por, edhe pse e drejta e ankesës palës i është dhënë 14 vite më vonë, sipas ekspertëve të Ligjit, një lënde, i duhet dhjetë vite për vjetërsim të plotë total pas të cilës periudhë nuk mund të bëhet ankesë.
Ideja është që zgjidhja ligjore të jetë gati deri në qershor.
Ministri i Drejtësisë Igor Filkov do të caktojë takimin e parë të grupit të sapoformuar të punës.
Të premten, Kuvendi i Maqedonisë e ka dërguar listën tek Ministria e Drejtësisë me përfaqësues të nominuar nga partitë parlamentare dhe deputetë të pavarur, që do të marrin pjesë në grupin e punës për kodin e ri zgjedhor. Pritet të thirret seanca konstituive në të cilën duhet të caktohet mënyra e punës.
Lista e përfaqësuesve të propozuar të partive është tashmë para Ministrit të Drejtësisë Igor Filkov dhe pret që ai të caktojë takimin e parë.
Nga VMRO-DPMNE, grupi i punës do të përfshijë deputetët Antonijo Miloshoski dhe Ivanka Vasilevska, nga ZNAM Pavle Arsoski dhe Daniel Stojçevski, dhe nga VLEN-i, Saranda Imeri dhe Zeqirija Tairi.
Nga LSDM-ja opozitare, në trupin punues për Kodin Zgjedhor, do të marrin pjesë koordinatori Oliver Spasovski dhe Jovana Trençevska, nga BDI-ja, Arta Biljali Zendeli dhe Blerim Bexheti, ndërsa nga “Levica” Borislav Krmov dhe Rexhep Ismail. Nga krahu i Aleancës për Shqiptarët të udhëhequr nga Zijadin Sela, përfaqësues do të jenë deputetët Ilire Dauti dhe Elmi Aziri, dhe nga krahu i Arben Taravarit deputetët Rijad Shaqiri dhe Halil Snopce, ndërsa nga Partia e Turqve deputeti Bejcan Ilyas.
Nuk është e sigurt se kush do të jetë kryetar i grupit punues. Kohët e fundit, Kryetari i Kuvendit Afrim Gashi shprehu interes për të drejtuar Trupin punues, siç tha ai, me qëllim të përshpejtimin e punës, por nuk përjashtohet që në atë pozicion të zgjidhet edhe një përfaqësues nga Ministria e Drejtësisë.
Me këtë, deputetët do të duhet të fillojnë punën për kodin e ri zgjedhor.
Në takimin e liderëve te kryeministri Hristijan Mickoski, u ra dakord që një kod i ri zgjedhor është i nevojshëm dhe duhet të jetë gati deri në qershor.
Kodi zgjedhor është gjithashtu pjesë e Agjendës së Reformës.
Në takimin e fundit të koordinatorëve të grupeve parlamentare dhe Ministrit të Drejtësisë, u arrit në përfundimin se nëse deputetët vendosin, më shumë se një e treta e Kodit Zgjedhor do të ndryshohet. Në këtë rast, do të duhet të përgatitet një zgjidhje e re ligjore, përndryshe do të ndryshohet ajo ekzistuese. (plusinfo)
Lajme nga vendi
Gjykata Kushtetuese do të diskutojë dhe do të vendosë për 11 iniciativa për ligje, rregullore dhe marrëveshje kolektive
Gjykata Kushtetuese më seancën e sotme do të diskutojë dhe vendosë për 11 iniciativa për vlerësimin e kushtetutshmërisë dhe ligjshmërisë së akteve, një kërkesë për mbrojtjen e lirive dhe të drejtave të qytetarit dhe miratimin e një vendimi përfundimtar dhe nëntë projektvendime.
Në rend të ditës janë dispozita të kontestuara të Ligjit për Procedurën e Përgjithshme Administrative, Ligjit për Sigurimin Pensional dhe Invalidor, Ligjit për Gjykatat, Ligjit për Buxhetin Gjyqësor, Ligjit për Marrëdhëniet Detyrimore, si dhe disa rregullore dhe marrëveshje kolektive.
Gjykata do të debatojë edhe për iniciativa që lidhen me Ligjin për Sistemin Hekurudhor, Ligjin për Pastërtinë Publike, si dhe një vendim për miratimin e një Plani të Detajuar Urban në Komunën e Ohrit.
Para gjykatësve kushtetues do të gjendet edhe lënda e një kërkese për mbrojtjen e lirive dhe të drejtave të qytetarëve në përputhje me nenin 110, paragrafi 3 i Kushtetutës, të paraqitur nga partia politike “E Majta”, e cila potencon diskriminim në bazë të përkatësisë politike.
Parashtruesit e iniciativave janë persona fizikë, avokatë, subjekte juridikë dhe parti politike.
Rritje e pagës minimale në 600 euro dhe të gjitha rrogave tjera nga 100 euro. Kjo është kërkesa kryesore për të cilën sot do të protestojë Lidhja e Sindikatave të Maqedonisë së Veriut në Shkup, transmeton Portalb.mk.
Nëse kërkesat e tyre hasin në vesh të shurdhër, sindikalistët kanë paralajmëruar bllokada të institucioneve, por nuk përjashtojnë as grevë të përgjithshme në sektorin publik dhe privat.
Kryetari i LSM-së, Sllobodan Trendafilov bëri apel që të mos u nënshtrohen kërcënimeve, ndërsa se kërcënime ka marrë edhe ai vetë.
Kryeministri Hristijan Mickoski dje tha se çdokush ka të drejtë të protestojë, ndërsa e përsëriti qëndrimin e Qeverisë se paga minimale sipas ligjit do të rritet në mars.
Protesta do të fillojë në ora 17:00 para ndërtesës së LSM-së në Shkup, pas së cilës vazhdon para Parlamentit, Odës Ekonomike dhe Qeverisë së Maqedonisë.
Protestës do t’i bashkohen edhe Sindikatat nga arsimi, kultura, , industria, policia, administrata, tregtia etj. Protestën do ta përkrahë edhe Sindikata e Gazetarëve.
Ja deputetët që do të punojnë në përgatitjen e Kodit të Zgjedhor
Gjykata Kushtetuese do të diskutojë dhe do të vendosë për 11 iniciativa për ligje, rregullore dhe marrëveshje kolektive
Sindikatat sot protestojnë në Shkup, kërkojnë rritje të pagës minimale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
