Lajme nga vendi
Lëvizja Besa: Ahmeti të mos luaj me kartë nacionaliste
Lëvizja Besa sot ka akuzuar liderin e BDI-së, Ali Ahmetin se në krize të partisë së tij i rikthehen retorikës nacionaliste për të fituar vota.
“Reprizat e Ali Ahmetit dhe BDI-së tashmë janë të njohura për opinionin. Në momente krize të BDI-së, Ahmeti dhe partia e tij i rikthehen retorikës nacionaliste për të fituar vota. Kjo retorikë e Ahmetit dërgon ujin në mullirin e Levicës, që të nxit shqiptarët në emër të patriotizmit të rrejshëm të BDI-së të votojnë subjektin në fjalë”, thuhet në kumtesën e Lëvizjes Besa.
Politikat nxitëse të BDI-së, theksojnë nga atje, nuk i japin rrugë vendit për integrimin në strukturat euroatlantike, përkundrazi edhe më shumë vështirësojnë jetën e qytetarëve.
“Ngjarjet kur nxënësit shqiptar rriheshin nëpër autobuse në Shkup janë ende të freskëta, prandaj vendi ynë së bashku me të gjitha etnitetet që jetojnë në RMV, duhet të integrohen në BE, si popuj të bashkuar dhe të unifikuar.
Në momente kur ai dhe partia e tij po dështojnë në të gjitha drejtimet, ai po mundohet me politikë qorre të dërgojë vendin në humnerën e konfliktit ndëretnik. BDI duhet të lërë politikat nxitëse, por të jep llogari për dështimet 20 vjeçare, sesi nuk kanë arritur që të realizojnë projekte kapitale nëpër vendbanimet shqiptare. Vendin e ka kapluar krimi dhe korrupsioni dhe dështimet e qeverisë janë të njëpasnjëshme. Maqedonia e Veriut nuk ka nevojë për konflikte ndëretnike”, thonë nga Lëvizja Besa./Telegrafi/
Lajme nga vendi
Alarmi për bombë në gjimnazin e Tetovës “Kiril Pejçinoviq”, nxënësit largohen nga objekti i shkollës policia konstaton se ishte i rremë
Paraditen e sotme është raportuar sërish alarm për bombë në gjimnazin “Kiril Pejçinoviq” në Tetovë, duke vazhduar serinë e kërcënimeve të njëpasnjëshme që janë regjistruar në këtë institucion vetëm gjatë kësaj periudhe informon Tetovasot.
Sipas informacioneve fillestare, menjëherë pas pranimit të njoftimit, janë ndërmarrë procedurat standarde të sigurisë, ndërsa nxënësit dhe stafi janë evakuuar përkohësisht nga objekti.
Nga autoritetet kompetente pritet të konfirmohet nëse bëhet fjalë për alarm të rremë, ashtu si në rastet e mëparshme, ndërkohë që hetimet për identifikimin e autorëve të këtyre kërcënimeve vazhdojnë.
Lajme nga vendi
Gjermania i dhuron Policisë së Maqedonisë automjete dhe pajisje në vlerë të 600,000€
Ministri i Punëve të Brendshme, Pançe Toshkovski sot në ambientet e Ministrisë së Punëve të Brendshme mori pjesë në ceremoninë e dorëzimit të një donacioni nga Republika Federale e Gjermanisë, ku ishte e pranishme edhe ambasadorja Petra Dreksler. Donacioni, me vlerë totale prej rreth 600,000 euro, i realizuar gjatë periudhës së kaluar, përfshin automjete, kamera termovizive, pajisje dhe softuer kompjuterik, pajisje të specializuara për kontrollin e dokumenteve, si dhe automjete speciale për njësinë ajrore.
Nga Ministria e Punëve të Brendshme thonë se këto pajisje janë të destinuara për përmirësimin e kapaciteteve të Ministrisë në fushën e menaxhimit të kufijve, luftës kundër trafikimit të njerëzve dhe kontrabandës së emigrantëve, analizës kriminale dhe inteligjencës, si dhe ekzaminimeve forenzike.
Një punëtor ka ndërruar jetë në rajonin e Petrovecit në Shkup, pasi mbi të ka rënë një konstrukt metali. Policia njofton se bëhet fjalë për një 23-vjeçar nga Velesi.
“Më 19.02.2026, në orën 15:00, në SPB-Shkup u raportua se në zonën industriale në komunën e Petrovecit, gjatë kryerjes së punëve në një objekt në ndërtim të një fabrike, një profil metalik ra nga lartësia mbi E.A. (23) nga Velesi, i cili vdiq në vendngjarje si pasojë e lëndimeve të marra. Mjeku i Ndihmës së Shpejtë konstatoi vdekjen, dhe sipas udhëzimeve të prokurorit publik, trupi i të ndjerit u dërgua për obduksion. Rasti është raportuar tek inspektori i punës, dhe një ekip hetues nga SPB-Shkup ka kryer inspektimin në vendngjarje”, thonë nga MPB.
Alarmi për bombë në gjimnazin e Tetovës “Kiril Pejçinoviq”, nxënësit largohen nga objekti i shkollës policia konstaton se ishte i rremë
Gjermania i dhuron Policisë së Maqedonisë automjete dhe pajisje në vlerë të 600,000€
Goditet nga konstrukti i metaltë, humb jetën i riu në Shkup
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
