Lajme nga vendi
Gjendet një person i vdekur në rrugë, Prokuroria e Velesit kërkon obduksion për të gjetur shkaqet e vdekjes
Nga Prokuroria e Velesit bëjnë të ditur se janë kryer kontrolle në një rrugë anësore në Bogomillë të Çashkës, ku është gjetur një trup i pajetë i një mashkulli.
“Prokurori publik ka lëshuar urdhër për obduksion të trupin të të vdekurit 60-vjeçar për të përcaktuar shkaqet e vdekjes”.
“Sipas udhëzimeve të prokurorit publik janë grumbulluar gjurmë të cilat do t’i nënshtrohen ekspertizës dhe po ndërmerren veprime të tjera për zbardhjen e plotë të ngjarjes”, thonë mes tjerash nga Prokuroria.
“Pazari” politik VMRO-BDI tashmë u bë I qartë, qytetarët e dijnë se cfarë po ndodh – thonë nga LSDM-ja duke pretenduar se është zbuluar secila pjesë e skenarit të dakorduar.
Sipas tyre, duke dashur të zhveshen nga vendimi skandaloz për arrestin shtëpiak, Prokuroria ka rrënuar Mickoskin.
BOGDANKA KUZESKA – LSDM
“Dje, Prokuroria njoftoi se MPB e Toshkovskit dhe ASK e Hristovskit kanë vlerësuar se Grubi nuk është I sigurtë në “Shutkë” dhe për këtë shkak kanë propozuar arrest shtëpiak. Të njëjtën ditë doli Drejtori I “Shutkës” duke përgënjeshtruar Prokurorinë duke pohuar se as MPB e as ASK nuk I janë drejtuar as me shkrim e as me gojë për të kërkuar mendim për sigurinë. Si e ka marrë vendimin Prokuroria? A ka konfirmim më të mad se gjithcka është e dakorduar dhe se gënjehet opinioni publik”
Kundërpërgjigjen nga VMRO-DPMNE-ja duke shtruar pyetjen nëse LSDM-ja druan nga dëshmia e Grubit dhe nëse mund të preken edhe ish-funksionarët e lartë socialdemokrat.
VMRO-DPMNE
“Krimet milionëshe në Lotarinë Shtetërore kanë ndodhur nën patronazhin e LSDM-së dhe BDI-së. Derisa keqpërdoreshin paratë e qytetarëve, LSDM-ja e dinte dhe nuk reagonte për shkak të paqës koalicionuese me BDI-në. A thua nervozizmi I sotëm tek Filipçe, Zaevi dhe LSDM-ja vjen nga mundësia që e vërteta të del në shesh?”
Kanë reaguar edhe nga koalicioni VLEN. Sipas tyre, Artan Grubi është kutia e zezë e BDI-së. Ai nuk është një ish-funksionar i zakonshëm në arrest shtëpiak, por njeriu që i di të gjitha hyrje-daljet e sistemit që BDI e ka ndërtuar për vite me radhë.
VLEN
Arresti shtëpiak nuk është lehtësim. Ai është shenjë se historia ka hyrë në fazën ku fjalët e BDI-së nuk vlejnë më, por faktet. Institucionet kanë filluar të gërmojnë të vërtetën që BDI për vite e ka varrosur: si është ndërtuar pushteti pas shpinës së qytetarëve dhe ku kanë përfunduar paratë. Pikërisht për këtë BDI sot është në panik.
BDI vazhdon të insistojë që rasti “Grubi” të mos politizohet, kurse gjyqësori ta bëjë punën në mënyrë të pavarur. Bëjnë thirrje që të respektohet edhe prezumimi I pafajësisë.
BDI
Bashkimi Demokratik për Integrim do të vazhdojë të ndjekë me kujdes dhe të evidentojë çdo veprim apo sjellje që krijon klimë linçimi dhe pengon vendimmarrjen e pavarur dhe të paanshme të organeve të drejtësisë. Për këto zhvillime do të informohen edhe partnerët tanë strategjikë – Shtetet e Bashkuara të Amerikës, Bashkimi Evropian dhe Misioni i OSBE-së në Shkup.
Kanë reaguar edhe nga Shoqata e Prokurorëve Publik duke u bërë thirrje partive politike dhe funksionarëve që ta respektojnë parimin e ndarjes së pushtetit dhe të përmbahen nga retorika publike, me të cilën, sic thonë, cënohet pavarësia e prokurorëve publik në vendimarrje.
Në komunikatë potencohet se ditëve të kaluara opinioni ishte dëshmitarë, sic thonë, të deklaratave të papërgjegjshme me të cilat politikanë të caktuar selektojnë prokurorë publik dhe duke komentuar vendime të Prokurorisë pa u njoftuar me lëndën konkrete dhe dëshmitë.
Sot në Tetovë filloi ngjarja dyditore Global Digital City 2026, e dedikuar zhvillimit të sektorëve si Business Process Outsourcing, dhe Information and Communication Technology apo aftësive digjitale, inovacionit dhe punësimit të të rinjve. Ngjarja bashkoi institucionet, liderët e industrisë, kompanitë ndërkombëtare, komunitetin akademik si dhe profesionistët e rinj nga rajoni. Si nikoqir I këtij eventi fjalë rasti pati edhe Kryetari i Komunës së Tetovës, Bilall Kasami i cili tha se ndihet i privilegjuar të ketë Global Digital City-n në Tetovë. Kasami tha se qyteti i Tetovës ka shumë potencial the talentë që mund të përfitojnë nga këto programe.
Programi ka fokus të veçantë në mundësitë e punësimit dhe zhvillimin e aftësive për studentët dhe të rinjtë. Në përmbyllje, organizatorët theksuan se Global Digital City 2026 nuk është vetëm një ngjarje dyditore, por një platformë që synon të krijojë ura të qëndrueshme bashkëpunimi mes institucioneve, sektorit privat dhe të rinjve. Përmes paneleve, trajnimeve dhe rrjetëzimit me kompani vendore e ndërkombëtare, pjesëmarrësit kanë mundësi konkrete të informohen për trendet më të reja për kërkesat reale të tregut të punës.
Ngjarja pritet të ndikojë drejtpërdrejt në rritjen e aftësive profesionale të studentëve dhe të rinjve, duke i përgatitur ata për sfidat e ekonomisë digjitale dhe duke rritur mundësitë për punësim brenda dhe jashtë vendit. Po ashtu, theksi u vu në rëndësinë e investimit në kapitalin njerëzor dhe në krijimin e kushteve që talentët e rinj të zhvillohen në vendlindjen e tyre.
Me organizime të tilla, Tetova synon të pozicionohet si një qendër rajonale e inovacionit dhe teknologjisë, duke dëshmuar se ka kapacitet dhe potencial për të qenë pjesë aktive e transformimit digjital në rajon.
Shumë nxënës sot nuk shkuan në shkollë. Edhe pse pas dy ditëve me radhë me njoftime të rrejshme për bomba nëpër shkollat fillore dhe të mesme të vendit, sot procesi mësimor për të tjerët u zhvilluas normalisht, pasi nuk ka pasur paralajmërime të tjera për mjete shpërthyese nëpër shkolla. Kështu së paku thonë disa drejtorë me të cilët sot ka kontaktuar Televizioni Koha, e të cilët u bëjnë apel nxënësve dhe prindërve që të mos kenë frikë dhe që t’i kthehen nomralititet e të ndjekin procesin mësimorë siç është ndjekur më herët.
Nga ana tjetër autoritetet njoftuan se gjatë ditëve të kaluara institucionet arsimore u evakuuan me kohë dhe u kryen kontrolle të detajuara nga njësitet përkatëse, me ç’rast u konstatua se bëhej fjalë për alarm të rremë. Ngjarjet shkaktuan shqetësim tek nxënësit, prindërit dhe stafi arsimor, ndërsa mësimi u ndërpre përkohësisht për arsye sigurie.
Sot, sipas informacioneve nga drejtuesit e shkollave, mësimi po zhvillohet pa pengesa dhe pa asnjë kërcënim të ri. Autoritetet theksojnë se mbeten në gatishmëri të plotë dhe po punojnë për zbardhjen e rasteve dhe identifikimin e personave përgjegjës për përhapjen e këtyre njoftimeve të rreme. Ndrësa sa i përket mësimit të humbur, nga sektori për arsim pranë komunës së Tetovës thonë se sapo të qetësohet puna me denoncimet e rrejshme, do të shqyrtojnë mundësinë për zëvendësimin e orëve dhe ditëve të humbura
Institucionet u bëjnë apel qytetarëve të mos përhapin panik dhe të informohen vetëm nga burime zyrtare.
Përndryshe, Gjimnazi i Tetovës “Kiril Pejqinoviq” mban rekord me mbi 14 alarme të rrejshme vetëm gjatë gjysmëvjetorit të dytë. Dje, alarm për bombë pati në të gjitha shkollat fillore dhe të mesme në Tetovë, si dhe në shkollat private që gravitojnë në komunën e Tetovës. Njoftimet për bomba në shkolla nuk shkojnë në adresat elektronike të shkollave, por në Ministrinë e Punëve të Brendshme, dhe pavarësisht kësaj, institucionet e sigurisë ende nuk mund ta lokalizojnë personin që i dërgon këto njoftime të rrejshme, të cilat po shkaktojnë shumë telashe. Problemi me alarmet për bomba në Maqedonia e Veriut filloi para dy vitesh në Shkup, kur e njëjta situatë si në Tetovë paraqitej atje me denoncime të rrejshme.
“RASTI GRUBI”: PARTITË ASHPËRSOJNË RETORIKËN!
TETOVA NIKOQIRE E GLOBAL DIGITAL CITY 2026
ALARMET PËR BOMBA, MËSIMI VAZHDON – SHUMË NXËNËS MUNGOJNË NGA FRIKA
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
