Lajme nga vendi
Sisteme të reja informacioni për menaxhimin e financave publike në vlerë prej 24.9 milionë euro
Përmes një projekti në vlerë prej 24,9 milionë euro do të vendosen tri sisteme të reja informative që do të përmirësojnë efikasitetin, transparencën dhe qëndrueshmërinë e shpenzimeve publike dhe do të rrisin efektivitetin e administrimit të të hyrave.
Njëzet milionë euro janë kredi nga Banka Botërore (BB), dhe 4.9 milionë euro janë granti i BE-së që do të administrohet përmes BB-së. Kontratat për zbatimin e projektit u nënshkruan sot nga ministri i Financave Fatmir Besimi dhe drejtori i Zyrës së Bankës Botërore në vend, Masimiliano Paoluçi, në prani të ambasadorit evropian Dejvid Gir dhe drejtoreshës së Drejtorisë së të ardhurave publike, Sanja Lukarevska.
Në Ministrinë e Financave do të funksionojë një Sistem i integruar informativ për menaxhim me financat (IFMIS), në kabinetin e Zëvendëskryeministrit për Çështjet Ekonomike dhe Koordinimin e Resoreve Ekonomike do të ketë Sistem informativ për menaxhim me ndihëm shtetërore (SIMIS), ndërsa Drejtoria e të ardhurave publike bëhet me një një sistem të ri informacioni për menaxhimin me të ardhurat tatimore (ITIS).
Për mbështetjen e reformave për menaxhim me me shpenzimet publike do të ndahen 14,69 milionë euro, për forcimin e praktikave për menaxhimin e taksave dhe sistemeve në Drejtorinë e të ardhurave publike, ndërsa 2,025 milionë euro për menaxhimin e ndryshimeve, koordinimin e donatorëve dhe menaxhimin me projekte.
“Krijimi i këtyre sistemeve paraqet pjesë të përkushtimit të Qeverisë për zbatimin e teknologjive të avancuara dhe parakusht për vendosjen e një mënyre moderne të menaxhimit të financave publike. Me to do të përmirësohet efikasiteti dhe transparenca në menaxhimin e financave publike dhe kjo do të arrihet duke lidhur sistemet ekzistuese të fragmentuara dhe të shkëputura në një platformë digjitale të centralizuar, tha ministri Besimi pas nënshkrimit të marrëveshjeve.
Qeveria e Maqedonisë së Veriut ka dërguar deri tek Kuvendi emrat për të plotësuar vendet e zbarzura të zv/ministrit të Arsimit dhe Mbrojtjes.
Për zv/ministër të Arsimit është propozuar Driton Sulejmanin, i cili ka ushtruar detyrën e zëdhënësit të koalicionit VLEN, ndërsa më herët ka qenë edhe këshilltarë në komunën e Kumanovës, nga radhët e partisë Alternativa.
Ndërsa për zv/ministër të Mbrojtjes është propozuar Admir Shabani, i cili më herët ka qenë zëdhënës i KSHZ-së.
Propozimi tashmë ka hyrë në procedurë parlamentare dhe pritet të votohet nga deputetët në seancën e ardhshme parlamentare.
Lajme nga vendi
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
A është elita politike maqedonase e vetëdijshme se duke “mbrojtur” gjuhën e tyre përmes injorimit të shqipes, po rrezikojnë vetë ekzistencën e shtetit që thonë se duan?
Nëse politika nuk ndërhyn urgjentisht për të krijuar një urë lidhëse — ku gjuha shqipe mësohet në shkolla si shenjë respekti dhe nevoje — vendi rrezikon të kthehet në një shtet “jofunksional” si Bosnja apo Qiproja. Kufijtë po vizatohen çdo ditë në mendje, përpara se të vizatohen në letra.
Pse ky refuzim po na çon drejt ndarjes së pashmangshme?
• 1. Ndarja “De Facto” (Në terren): Kur nuk ka komunikim, ndarja nis në përditshmëri. Shqiptarët hapin biznese për shqiptarë, maqedonasit për maqedonas. Qytetet po kthehen në “ishuj” etnikë ku lumi Vardar apo një rrugë shërbejnë si kufi i padukshëm.
• 2. Mesazhi i “Mospranimit”: Kur refuzon të mësosh qoftë edhe bazat (një përshëndetje apo numrat), mesazhi politik është i qartë: “Ne nuk ju pranojmë si bashkëpronarë të këtij shteti, por si të huaj që jetojnë këtu.”
• 3. Radikalizimi i Kërkesave: Ky alienim prodhon humbje të lojalitetit ndaj shtetit. Nëse nuk merremi vesh në një shtëpi të përbashkët, hapi tjetër logjik është kërkesa për mure dhe autonomi të plotë.
Përfundimi: Një shtet ku 30% e popullsisë injorohet gjuhësisht nga shumica tjetër, nuk mund të ketë progres. Refuzimi i gjuhës është refuzim i bashkëjetesës. (INA)
Lajme nga vendi
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Kryetari i Çairit, Izet Mexhiti, tha se kërkesa e votuesve dhe strukturave partiake është e qartë dhe se ata dëshirojnë bashkimin e VLEN-it.
Ai tha se konform kësaj kërkesa liderët e partive janë duke vepruar. Ai përmendi veprimin e Besës për të shkarkuar organet e Besës, ndërsa tha se këtë po e bën edhe Fetahu dhe Azir Aliu, deputetja Mimoza Musa, si dhe Ilir Demiri, për të cilin tha se është deputeti i radhës që i bashkëngjitet VLEN-it.
“Këto ditë me siguri po përgatitet edhe Lëvizja Demokratike që të thirret kuvendin themelues për tu shkrirë dhe për ta bërë VLEN-in një parti”, tha Mexhiti.
I pyetur nëse Alternativa nuk e pranon idenë me bashkëkryetar por kërkon me rotacion, Mexhiti tha se po bisedohet me argumente pro dhe kontra.
“Pjesa dëmruese e faktorëve brenda VLEN-it janë për konceptin bashkëkryetar por normal që këtu është edhe Alternativa dhe bashkë do vazhdojmë dhe këtu nuk ka aspak shqetësime për mendimet e ndryshme”, tha Mexhiti, duke shtuar se parësore që VLEN-i të jetë një, raporton SHENJA.
Qeveria dërgon në Kuvend emrat e rinj të zv. ministrit të Arsimit dhe Mbrojtjes
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
