Lajme nga vendi
Komuna e Tetovës e humbi rastin e shpronësimit, Kasami e vlerëson si presion politik
Komuna e Tetovës humb betejën me palën e cila për vendin e nacionalizuar para rreth tre dekadash, që vlente vetëm 50 000 euro, komunës i mori 1.1 milion euro, shkruan Alsat.
Këtë sot e konfirmoi Gjykata e Apelit në Gostivar, vendimi i së cilës i jep të drejtë palës. Ndërkohë komuna me gjasë, do të humb edhe rreth 500.000 euro të tjera në emër të kamatës, kjo, shkaku i mos informimit as nga përmbaruesi e as nga Ministria e Financave për përfundimin e procesit.
Kasami këtë e konsideron si presion politik ndaj tij, me qëllim që, komuna të mos mund të realizoj projektet e parapara.
“Përfundimisht konfirmohet zhvatja e 1.1 milion euro nga qytetarët e Tetovës dhe më këtë na mbyllet edhe mundësia e fundit për përmirësimin e gabimit që ne vlerësojmë se është bërë. Tashmë mbetet edhe pjesa tjetër për të cilën nuk kemi përgjigje, a është mbyllur me 1.1 milion euro, apo do të vazhdoj zhvatja e parave të tetovarëve, e që dyshimet tona janë se mund të arrijë deri në 1.5 milion euro. Kemi bë kërkesa edhe në Ministri të Financave edhe te përmbaruesit se a është mbyllur, por deri sot s`kemi përgjigje”, deklaroi Bilall Kasami, kryetar i komunës së Tetovës.
Edhe përkundër këtij vendimi të Apelit, Kasami nuk heq dorë nga padia për dyshimet për krim të organizuar.
“Fatkeqësisht edhe në padinë që ne e kemi drejtuar në organet e drejtësisë që në muajin e pestë të vitit të shkuar, deri më sot, ne nuk kemi një përgjigje se pranohet apo jo kjo lëndë. Sigurisht që ne do kërkojmë edhe me një akt shtesë që të na informoj prokuroria a ka bazë për procedurë apo jo dhe deri ku ka arritur procedura e padisë tonë”, tha Bilall Kasami, kryetar i komunës së Tetovës.
Parcela prej rreth 80 metër katror palës iu mor në vitin 1988, por për shkak të mos pajtimit me vlerësimin që i është bërë, pala ka ankimuar lëndën në gjykatë, me çka, institucionet, këtë proces e zvarritën për tre dekada.
Sot, z. Mustafa Dauti, realizoi një vizitë zyrtare në pikënkufitare Bllacë. Gjatë vizitës, ai u njoh nga afër me organizimine punës dhe dinamikën e përditshme në këtë pikë kufitare, e cila ka një rëndësi të veçantë për lëvizjen e qytetarëve dheqarkullimin e mallrave.
Dauti bashkëbisedoi me stafin për sfidat konkrete me të cilatpërballen dhe theksoi nevojën e vazhdueshme për koordinim, efikasitet dhe integritet në ushtrimin e detyrës. Ai theksoi se One Stop Shop, është një element kyç që ka përmirësuarlehtësimin e procedurave dhe shërbimet për qytetarët.
Sipas të dhënave të vitit 2025, pika kufitare Bllacë karegjistruar rreth 32,000 kamionë të ngarkuar dhe 25,000 kamionë të zbrazët, duke treguar intensitetin e lartë të trafikutdhe rëndësinë e efikasitetit në punën e përditshme të stafit.
Zëvendësdrejtori nënvizoi se këto vizita nuk janë vetëm pjesë e detyrës institucionale, por edhe mundësi për të dëgjuardrejtpërdrejt zërin e atyre që punojnë në terren dhe për tësiguruar shërbime më cilësore dhe respektim të plotë të ligjit.
Komuna e Tetovës, nëpër rrjetet sociale, ka publikuar një video ku shihet dëmtimi I hapësirës publike në Rrugën e Butiqeve.
“Sot ka ndodhur dëmtimi i hapësirave publike në rrugën e Butiqeve. Ky veprim prek drejtpërdrejt të gjithë qytetarët. Çdo investim bëhet me mund, prandaj shkatërrimi i tyre është në dëm të të gjithëve.
Rasti është denoncuar në organet kompetente ku do të ndiqet me procedura ligjore dhe për dëmtuesit do të ketë pasoja sipas ligjit” – shkruajnë nga Komuna e Tetovës.
Sipas Komunës së Tetovës, çdo investim publik është për qytetarët, ta dëmtojmë atë do të thotë ta dëmtojmë vetveten. Tetova meriton më shumë kulturë dhe përgjegjësi.
Lajme nga vendi
Prokuroria precizoi akuzën në rastin gjyqësor “Besa Trans”, – Gjykimi do të vazhdojë pas Ramazanit
Me precizimin e aktakuzës sipas udhëzimeve të Gjykatës së Apelit, mbaroi faza e nxjerrjes se provave në rastin gjyqësor “Besa Trans”, i cili në dhjetor të vitit 2024 u kthye në rigjykim.
Precizimi sqaron rrethanat e kalimit të autobusit në pikat kufitare, por nuk ndryshon thelbin për të cilën akuzohet pronari Bekim Haxhiu dhe kompania si person juridik, respektivisht se autobusi ka kaluar kufirin me certifikatë licence të falsifikuar.
Prokurori i çështjes, Zoran Zdravev lexoi akuzën e precizuar, ndërsa më pas u anulua seanca pasi mbrojtja e Haxhiut kishte të caktuar seancë në lëndë tjetër.
Ndërkohë gjykatësi Ivica Stefanovski fillimisht kërkoi që seanca të mbahet në afat më të shkurtër, por më pas e pranoi kërkesën e mbrojtjes së Haxhiut që seanca e radhës të mbahej pasi të kalojë muaji i Ramazanit.
Në fazën e ardhshme, fillimisht Prokuroria, pastaj mbrojtja, do t’i japin fjalët përfundimtare, pas çka vijon faza e shpalljes së aktgjykimit.
Procesi gjyqësor nuk ka të bëjë drejtpërdrejtë me shkaqet e aksidentit tragjik të autobusit të “Besa Trans” në Bullgari, i cili ndodhi në nëntor të vitit 2021 dhe në të cilin humbën jetën 45 persona dhe 7 të tjerë u lënduan.
Megjithatë sipas Prokurorisë autobusi i aksidentuar nuk ka pasur fare licencë, ndërsa pronari nëpërmjet shoferëve, e ka kaluar kufirin me licencë të falsifikuar. Megjithatë, Haxhiu është shprehur se ndjehet i pafajshëm. Procesi gjyqësor mbi 3 vite ende nuk ka marrë epilog të plotfuqishëm.
Fillimisht Haxhiu u dënua me 20 muaj burg, por Apeli e ktheu lëndën në rigjykim. Paralelisht me gjykimin, kompania që ka kontrolluar teknikisht autobusin, ndodhet nën masa hetuese përfshi këtu edhe ministrin e Brendshëm të asaj kohe, Oliver Spasovski i cili sipas procesverbalit, kontrollin teknik e kishte mbyllur vetëm disa ditë pas aksidentit. / Alsat.mk
Zëvendësdrejtori i Doganave, realizoi vizitë zyrtare nëpikën kufitare Bllacë
DËMTOHET HAPËSIRA PUBLIKE – KOMUNA E TETOVËS PUBLIKON PAMJE!
Prokuroria precizoi akuzën në rastin gjyqësor “Besa Trans”, – Gjykimi do të vazhdojë pas Ramazanit
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
