Lajme nga vendi
Paratë e mërgimtarëve në RMV, tre herë më të mëdha se investimet e huaja
Mërgimtarët po dërgojnë në Maqedoni mbi 361 milionë euro në vit. Sipas metodologjisë të zyrës evropiane të statistikave – Eurostat, në vend dërgohen një shumë që si vlerë është e njëjtë me 3.4 për qind të Prodhimit të Brendshëm Bruto. Mirëpo shuma totale supozohet të jetë edhe më e madhe pasi shumica e remitancave transferohen përmes kanaleve të parregulluara (dërgesat personalisht, përmes ndërmjetësve si drejtuesit e autobusëve, etj). Të ardhura më të mëdha nga remitancat ka Serbia me mbi 7 milionë banorë me 3.3 miliardë euro, pason Bosnje e Hercegovina me 1.6 miliard euro, Shqipëria me afër 1.3 miliard euro, Kosova me 1.2 miliard euro.
E shprehur si përqindje e PBB-ja e që është vlera totale e të gjithë mallrave dhe shërbimeve që janë prodhuar në një vend minus vlerën e mallrave dhe shërbimeve të nevojshme për prodhimin e tyre, në Kosovë janë dërguar 18.5 për qind, në Mal të Zi 12.5 për qind, në Shqipëri janë dërguar 9.8 për qind, në Bosnje e Hercegovinë 9.3 për qind dhe në Serbi janë dërguar 7.2 për qind.
Mirëpo nga Banka Popullore thonë se është vështirë të ofrohen të dhëna të sakta për shifrat reale që mërgimtarët dërgojnë në vendlindje. “Vlerësimet tona të bazuara në metodologjinë e harmonizuar me Fondin Monetar ndërkombëtar tregojnë se shuma e këtyre dërgesave, që nga viti 2009 e këndej tejkalon një miliard euro apo është afër 16 për qind e Prodhimit të Brendshëm Bruto”, thonë nga Banka Popullore.
Në Maqedoninë e Veriut, vlera e të hollave që dërgojnë mërgimtarët bile është për tre herë më e madhe se ajo e investimeve të huaja që në vitin 2021 kanë arritur vlerën prej mbi 300 milionë euro.
Njëherësh remitancat janë fonde të transferuara nga emigrantët në vendin e tyre të lindjes. Ato janë kursimet private të punëtorëve dhe familjeve që shpenzohen në vendin e lindjes për ushqim, veshmbathje dhe shpenzime të tjera dhe që drejtojnë ekonominë familjare. Remitancat gjithashtu mund të kenë efekte të rëndësishme në ekonominë e vendit pranues. Duke pasur parasysh që remitancat janë praktikisht një pjesë e të ardhurave të dikujt, ndikimi dhe rëndësia e tyre ekonomike është shpesh e dyfishtë. Ato ndikojnë në statusin financiar të buxhetit personal të një individi dhe statusin financiar të pranuesit dhe familjes së tij. Gjithashtu ato ndikojnë edhe në fluksin ekonomik të vendit marrës përmes investimeve, aktivitetit ekonomik dhe konsumit.
Këto mjete për çdo vit mbulojnë një pjesë të konsiderueshme të deficitit tregtar të Maqedonisë së Veriut si dhe të minuseve të tjera në llogaritë financiare të shtetit. Llogaritet se në Maqedoninë e Veriut së paku 150 mijë familje marrin mbështetje të rregullt nga familjarët e tyre që punojnë jashtë, ndërsa shuma e madhe për çdo vjet, jo vetëm që mbulon një pjesë të konsiderueshme të deficitit tregtar të Maqedonisë së Veriut, por siguron edhe ekzistencën e këtyre familjeve dhe stabilitetin makroekonomik të shtetit, përfshi edhe kursin stabil të denarit./Koha.mk/
Kryetari i ardhshëm i komunës së Tetovës do të zgjidhet në raundin e dytë të zgjedhjeve lokale respektivisht më 2 nëntor. Në raundin e dytë në garrë do të jenë Bilall Kasami nga Koalicioni VLEN dhe Bajram Rexhepi nga Aleanca Kombëtare për Integrim. Në raundin e parë Kasami ka marrë 19028 vota, Rexhepi morri 15 272 vota. Diferenca e Kasamit ndaj Rexhepit është 3756 vota. Pas mbylljes së procesit zgjedhor, mbrëmë në qendër të Tetovës Koalicioni VLEN shpalli fitore në shumicën e komunave në rajonin e Pollogut. Në ndërkohë, Kasami në fjalimin e tij para simpatizantëve të tubuar fitoren e VLEN-it tha se do të vazhdojnë të zgjidhin problemet dhe hallet e qytetarëve. Deklarata KasamiPas daljes së rezultateve kandidati për Tetovën Bajram Rexhepi nga Aleanca Kombëtare për Integrim përmes një postimi falënderoi për votat që siç tha ai të pastra dhe me zemër.“Falënderoj çdo aktivist, çdo qytetar, për punën e palodhshme dhe besimin e dhënë.Beteja për Tetovën vazhdon. Me më shumë përkushtim, me më shumë forcë dhe me të njëjtin ideal, për një Tetovë me dinjitet” shkroi Bajram Rexhepi nga Aleanca Kombëtare për Integrim.Ndërkaq,në zgjedhjet e djeshme, Katka Bozhinovska nga partia E Majta, ka marrë 3298 vota, STEVICA SARKOSKI nga VMRO-popullorja ka marrë 1625 vota, SAMKA IBRAIMOSKI ka marrë 253 vota dhe Izet Zejneloviq ka marrë 115 vota. Poashtu, KSHZ ka publikuar rezultatet e para edhe për këshillin komunal në Komunën e Tetovës. Nga 92.56 përqind e votave të procesuara për këshillin komunal, koalicioni VLEN do të ketë 13 këshilltarë , Aleanca Kombëtare për Integrim 12 këshilltarë, VMRO-DPMNE-ja do të ketë 3 këshilltarë, LSDM-ja, E Majta dhe Më mirë për Tetovën do të kenë nga një këshilltarë.
Koalicioni VLEN shpreh mirënjohje të thellë ndaj qytetarëve për besimin e madh që treguan në zgjedhjet lokale që u mbajtën gjatë ditës së djeshme (19.10.2025).
Sipas VLEN kjo është fitorja më e madhe ndonjëherë në historinë e zgjedhjeve lokale, një fitore që u arrit në çdo cep ku jetojnë shqiptarë.
“Shqiptarët folën qartë dhe fuqishëm, referendumi i BDI-së nuk kaloi. Ky ishte verdikti i popullit ndaj një politike që për vite me radhë ka abuzuar me besimin qytetar dhe ka ndërtuar pushtet mbi frikën e përçarjen.
VLEN e konsideron këtë rezultat si një kthesë historike për politikën shqiptare në Maqedoninë e Veriut.
Tani është momenti që liderët e AKI-së të marrin përgjegjësi dhe të japin dorëheqje, sepse qytetarët ua kanë thënë fjalën përfundimtare. Fitorja e 19 tetorit është fitorja e shpresës, e bashkimit dhe e dinjitetit. VLEN është dhe do të mbetet NJË ZË, zëri i qytetarëve, zëri i ndryshimit”, thuhet në njoftimin e VLEN-it.
Qeveria spanjolle njoftoi se do t’i propozojë Bashkimit Evropian heqjen e përhershme të ndërrimit të orës dhe kalimit në kohën dimërore, e cila duhet të ndodhë fundjavën e ardhshme, duke e quajtur këtë “praktikë të vjetruar”, raportojnë mediat spanjolle.
Siç raportohet, kjo ndryshim më nuk kontribuon në kursimin e energjisë, ndërsa njëkohësisht shkakton efekte negative për shëndetin, raportoi televizion RTVE.
Në një postim video në platformën X, kryeministri spanjoll Pedro Sanchez theksoi se “ndërrimi i orës dy herë në vit nuk ka më kuptim”, prandaj Spanja do të propozojë heqjen e kësaj praktike.
– Në të gjitha anketat që kemi kryer, shumica e qytetarëve spanjollë dhe evropianë janë kundër ndërrimit të orës. Për më tepër, shkenca na tregon se kjo nuk kursen më energji dhe se dy herë në vit shqetëson ritmin biologjik, shpjegoi Sanchez.
Ai kujtoi se gjashtë vjet më parë BE-ja kishte votuar për heqjen e ndërrimit të orës dy herë në vit në të gjitha vendet anëtare, dhe se atëherë ishte theksuar se vendimi ishte marrë pas konsultimeve publike, ku morën pjesë 4.6 milionë qytetarë, nga të cilët 84% ishin pro heqjes së kësaj praktike.
Parlamenti Evropian në vitin 2019 gjithashtu mbështeti këtë vendim, me 63% të votave.
Megjithatë, vendimi përfundimtar nuk u mor për shkak të mungesës së konsensusit mes vendeve anëtare, pasi për miratimin e tij kërkohet shumicë e kualifikuar në Këshillin e BE-së.
Zëvendëspresidentja e Komisionit Evropian, Teresa Ribera, për televizionin spanjoll deklaroi se evropianët mbështesin idenë e një kohe të vetme dhe se “tani është momenti i duhur për ta realizuar atë”.
Sanchez theksoi se për këtë arsye Spanja do të dorëzojë një propozim formal në takimin e sotëm të Këshillit Evropian për transportin, telekomunikacionet dhe energjinë, ku do të marrin pjesë ministrat e të gjitha 27 vendeve anëtare të BE-së.
Burime raportojnë se tani është moment i favorshëm që Parlamenti Evropian të votojë për heqjen e kësaj praktike në vitin 2026, pasi cikli aktual pesëvjeçar i planifikimit të Komisionit Evropian skadon vitin tjetër.
KOALICIONI VLEN SHPALLI FITORE NË POLLOG
VLEN: Shqiptarët folën qartë dhe fuqishëm
Spanja propozon heqjen përhershme të ndërrimit të orës në vendet e BE-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
