Lajme nga vendi
Ahmeti: 20 vite kemi qenë çelës kyç në faktorizimin e çështjeve shtetëtore
Bashkimi Demokratik për Integrim me në krye Ali Ahmetin dhe zëvendëskryeministrin e parë, Artan Grubi e ministrant kanë vazhduar takimin me qytetarët.
Në vigjilje të takimeve informative ata sonte kanë takuar banorët e Komunës së Bogovinës.
Kreu i integristëve para banorëve ka thënë se punët e shekullit të ri, duhet ti trajtojnë brezat e shekullit të ri
Ai shtoi se politikanët e brezit të ri të marrin përgjgjësi për punët që duhet të realizohen
“Presim cilësi në arsim, shëndetësi, insfrastrukturë, në mënyrën e jetës sa më kualitative, Ky është shekull i ri me shumë ndryshime të reja, përfshirë edhe klimën, ndaj duhet të dedikohemi në një jetesë të shëndetshme. Kur unë flas për ruajtjen e ambientin, për lumenjtë tanë që janë mbushur me mbeturina, që ndikojnë në zhdukjen e bimësisë dhe pasurisë së natyrës, Këto janë përgjëgjësi për ministrin e planifikimit hapësinor, por edhe për qytetarët që duhet të jenë më të vetëdijshëm. Sot kemi universitete, shkolla të mesmë e fillore, kemi spitale, nuk jemi më si ishim para 20 viteve. Dikur kishim pak specialist shqiptar nëpër spitale, sot kemi plot mjek specialist, por tashmë duhet një mjekësi kualitative dhe moderne, sepse vëtëm kështu plotësojmë standard që na afrojnë me Europën. Të mirat nuk vinë me uratë por më pushkë të gjatë, ne lirinë e fituam ndërsa sot vendin tonë duhet ta duam! Në 20 vite kemi qenë çelës kyç në faktorizimin e çështjeve shtetëtore, kemi krijuar politika zero probleme me fqinjët, mund të përmendi çështjen me Greqinë apo Bullgarinë. Sot është hapur skriningu, ndaj duhet të shohim përpara në këto momente historike që të bëhemi bashkë shqiptare e maqedon, sepse ky qiell është I përbashkët ashtu siç e kemi të përbashkët edhe këtë tokë. Ne jemi krahas bashkëqytetarëve tanë maqedonas, ne jemi pro që problemi Kosovë-Serbi të gjej një zgjidhje reciproke sepse Kosova u la me lumenjë gjaku, ndonëse nuk është proces I lehtë por nuk shtyhet me hasmëri shekullore sepse nuk zgjedhim probleme. Projekte të këtij shekulli të ri janë Korridori 8, Mali Sharr tashmë është Park Nacional. Fillon së shpejti puna në korridorin 8, poashtu Rruga e Arbërit, është në proces edhe hekurudha që përforcon korridorin 8. Të gjithë kemi investuar për një paqe të qendrueshme, lufta Rusi-Ukrainë është e padrejtë dhe e pandershme, ndaj mendojmë dhe vlerësojmë që Ukraina do fitoj por ka pasoja të jashtëzakonshme për të gjithë Europën, por ministrat tanë edhe në këtë kohë krize e kanë menaxhuar në mënyrë superiore të gjithë situatën shtetërore. Jaemi këtu për të ju dëgjuar ju, ndaj rrofshi e qofshi”, deklaroi Ahmeti./indeks.mk/.
Lajme nga vendi
Ministria e Arsimit vazhdon t’i fshehë emrat që e hartuan Propozim-ligjin për Arsimin e lartë
Ministria e Arsimit vazhdon t’i mbajë sekret emrat e personave që e hartuan Propozim-ligjin për Arsimin e lartë. Arsyetimi i ministres Vesna Janevska se mund të paditet nëse i zbulon autorët hap shumë pikëpyetje, pasi ligji është dokument publik dhe procesi i hartimit të tij nuk mund të trajtohet si çështje private, shkruan Portalb.mk.
Autorët e panjohur të një ligji me pasoja publike
Propozim-ligji për Arsimin e lartë është në fazë debati dhe ka marrë shumë ankesa dhe kritika në qarqet akademike. Për të qenë situata më e rënduar, publiku deri më tani nuk është njoftuar në mënyrë zyrtare për emrat të cilët e kanë shkruar këtë propozim-ligj.
Ndonëse ministrja e arsimit Vesna Janevska thotë se në proces kanë marrë pjesë rreth 60 persona, ligjin në fund e ka shkruar grup më i vogël, të cilin as ministrja dhe as Ministria e Arsimit nuk e zbulon.
Në redaksinë e Portalb.mk arritën disa emra të cilët thuhet se e kanë shkruar këtë ligj, për të cilën e pyetëm ministren:
A është e vërtetë se ligjin e kanë shkruar Llazo Pendovski, Sonja Topuzovska, Marija Manevska, Llazo Jovevski dhe Samil Mallçeski nga Universiteti ‘Shën Kirili dhe Metodi’ si dhe Borçe Aleksov nga Ministria e Arsimit, emra që janë të afërt me qeverinë?
Por, ministrja Janevska nuk deshi t’i zbulojë, madje ajo u arsyetua se mund të paditet nëse i zbulon emrat.
“Pjesë e emrave të cilët ju i lexuat janë profesorë me renome në UKM janë pjesë e rektoratit në UKM-së, një emër nuk është i saktë. Këto njerëz kanë marrë pjesë në krijimin e ligjit me të drejta të plota edhe nga UT ka pasur persona që kanë marrë pjesë në hartimin e ligjit….Do t’i pyes nëse lejojnë të publikohen, të gjithë në ueb-faqe…Juve nuk ju intereson ligji, juve u interesojnë njerëzit kush e kanë formuar… Nëse më garantojnë se nuk do më padisin për shkak se i kam zbuluar”, tha Janevska.
Portalb.mk i kërkoi emrat edhe zyrtarisht nga Ministria e Arsimit, por ende nuk kemi përgjigje.
Portalb.mk i kontaktoi dhe universitetet, dhe presim përgjigje.
Pse emrat duhet të jenë publik?
Propozim-ligji për Arsimin e lartë është dokument zyrtar që hyn në procedurë parlamentare. Nuk është opinion personal apo draft i brendshëm. Nëse përmbajtja është publike, opinioni ka të drejtë të dijë autorët. Transparenca është standard minimal në hartimin e politikave publike.
Nëse profesorë apo zyrtarë publikë kanë marrë pjesë në hartimin e ligjit, ata e kanë bërë këtë në cilësinë e tyre profesionale.
Nuk ka bazë logjike që emrat e tyre të mbrohen si të dhëna private.
Argumenti i ministres se mund të paditet nëse i zbulon emrat ngre më shumë pikëpyetje sesa jep sqarim. Madje, mund të konsiderohet si tendencë serioze për manipulim duke përdorur proceset juridike si formë të frikësimit.
Ministrja nuk ka sqaruar në çfarë baze ligjore do të mund të paditej për publikimin e emrave të ekspertëve të angazhuar në një proces publik. A kanë nënshkruar ata marrëveshje konfidencialiteti dhe nëse po, pse një proces për ligj publik do të ishte konfidencial.
Emrat që përmenden janë profesorë nga Universiteti ‘Shën Kirili dhe Metodi’ apo zyrtarë të Ministrisë sl Arsimit dhe Shkencës, dhe konsiderohen të afërt me qeverinë, publiku ka të drejtë të dijë nëse ka pasur balancë akademike apo pluralizëm mendimesh në hartim.
Ministrja thotë se disa prej tyre janë profesorë me renome dhe pjesë e rektoratit. Nga njëra anë mbrohen si profesionistë me reputacion, nga ana tjetër trajtohen si informacion sekret.
Lidhur me mostransparencën e emrave të cilët e kanë shkruar ligjin kanë kritikuar edhe nga Forumi për Ndryshime në Arsim.
Propozim-ligji për arsimin e lartë po përcillet me shumë kritika ndërsa vijon debati publik për të njëjtin, pas së cilit pritet të miratohet versioni përfundimtar.
Sektori, Ministria e Punëve të Brendshme edhe më tej pa përgjigje se kush qëndron pas alarmeve për bomba nëpër shkollat e mesme të Tetovës.
Udhëheqësi i Arsimit në Komunën e Tetovës, është shprehur se kanë dërguar shkresa vazhdimisht për alarmet, si në policinë e Tetovës po ashtu edhe në MPB, por pa përgjigje.
Ndryshe nga Gjimnazi “7 Marsi”, “Kiril Peçinoviq” dhe Mjekësia, në shkollën e mesme Ekonomike alarmet e rreme për bomba kanë mbërritur edhe në e-mailat privat të disa të punësuarve.
Përgatiten për të hartuar program për zëvendësim të orëve të humbura nga nxënësit.
“Ditëve të fundit kemi qenë cak i kanosjeve të dërguara në formë elektronike përmes emailave të shkollës por edhe emailat privat të anëtarëve të menaxhmentit. Këto veprime i cilësojmë si të papranueshme shqetësuese dhe me qëllim prishjen e harmonisë dhe krjuimin e ndjenjës së frikës. Tetë apo nëntë herë jemi kërcënuar përmes emailave zyrtar dhe tre herë përmes emailave privat”.
U drejtuam edhe në MPB, sektori i Tetovës, nga ku vazhdojnë të deklarohen se hetimet vazhdojnë, ndërsa pranojnë se nuk ka ende asnjë pistë dyshimi se kush mund të jetë dërguesi i emailave.
Nxënësit e shkollave të mesme të Tetovës, madje edhe kanë protestuar para SPB së Tetovës muaj më parë, për të shprehur revoltën e tyre kundër humbjeve të orëve dhe kundër kontrolleve në shkolla nga policia e zakonshme, dhe jo nga skuadra kundër bombave.
Sistemi i ri në Ligën e Kampionëve duket se nuk njeh favoritë.
Shumë prej gjigantëve evropianë u detyruan të luanin në fazën “play-off”, ku disa prej tyre e përfunduan aventurën. I tillë është rasti me klubet italiane Interi dhe Juventusi, të cilët nuk do t’i shohim në fazën e 1/8 së finales.
Një vend mes 16 skuadrave më të mira, përmes raundit të parë eliminator, siguruan edhe rekordmeni i trofeve Real Madrid si dhe kampioni në fuqi Paris Saint-Germain.
Tashmë rruga e këtyre dy ekipeve drejt trofeut do të jetë edhe më e vështirë.
Kundërshtarë të mundshëm për “mbretërit” mund të jenë futbollistët e Manchester City të drejtuar nga Pep Guardiola, ose një udhëtim i vështirë në Lisbonë ndaj Sporting.
Ndërkohë, parizienët mund të përballen me spanjollët e FC Barcelona ose me anglezët e Chelsea FC.
Shorti për fazën e 1/8 së finales do të hidhet në Nyon të premten në orën 12:00.
Çiftet e mundshme të 1/8 së finales në Ligën e Kampionëve:
· Paris Saint-Germain – Barcelona ose Chelsea
· Real Madrid – Manchester City ose Sporting Lisbonë
· Galatasaray – Liverpool FC ose Tottenham Hotspur
· Atalanta BC – Arsenal FC ose Bayern Munich
· Neëcastle United – Chelsea ose Barcelona
· Atlético Madrid – Tottenham ose Liverpool
· FK Bodø/Glimt – Manchester City ose Sporting Lisbonë
· Bayer Leverkusen – Bayern Munich ose Arsenal
Ndeshjet e para të 1/8 së finales janë planifikuar për 10 dhe 11 mars, ndërsa ndeshjet e kthimit një javë më vonë.
Çerekfinalet do të zhvillohen më 7 dhe 8 prill, si dhe më 14 dhe 15 prill.
Gjysmëfinalet e para do të luhen dy javë më pas, ndërsa ndeshjet e kthimit më 5 dhe 6 maj.
Finalja e madhe do të zhvillohet në Budapest më 30 maj.
Ministria e Arsimit vazhdon t’i fshehë emrat që e hartuan Propozim-ligjin për Arsimin e lartë
KUSH QËNDRON PAS ALARMEVE PËR “BOMBA” – AUTORITETET PA PËRGJIGJE!
REAL – CITY, PSG – BARCA MUND TË PËRBALLEN NË 1/8 E FINALES?!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
